Stock Market Closing: સપ્તાહના પ્રથમ દિવસે શેર બજારમાં તેજી, સેન્સેક્સ 232 પૉઇન્ટ ચઢ્યો, નિફ્ટી 19500ની પાર

કારોબારના અંતે આજે એનએસઇ ઇન્ડેક્સ નિફ્ટી 0.16 ટકા સાથે 73.45ની તેજી સાથે 44,838.45એ બંધ રહ્યો હતો, આજે માર્કેટમાં બન્ને ઇન્ડેક્સ ઉપર રહ્યાં હતા. 

પ્રતિકાત્મક તસવીર

Stock Market Closing, 7th August 2023: સપ્તાહના પ્રથમ દિવસે શેર માર્કેટમાં તેજીનો માહોલ જોવા મળ્યો છે. પ્રથમ દિવસે કારોબારમાં બીએસઇ સેન્સેક્સ 0.35 ટકાના વધારા સાથે 232.23 પૉઇન્ટ ઉપર રહ્યો હતો, આ સાથે જ બીએસઇ ઇન્ડેક્સ સેન્સેક્સ 65,953.48 પર બંધ રહ્યો હતો, તો વળી, એનએસઇ નિફ્ટી પણ આજે ઉપર રહ્યો હતો. કારોબારના અંતે આજે એનએસઇ ઇન્ડેક્સ નિફ્ટી 0.41 ટકા સાથે 80.30ની તેજી સાથે 19,597.30એ બંધ રહ્યો હતો, આજે માર્કેટમાં બન્ને ઇન્ડેક્સ ઉપર રહ્યાં હતા. 

આજે માર્કેટમાં તેજી જોવા મળી હતી, દિગ્ગજ રિલાયન્સ અને એચડીએફસી બેન્કના કારોબારો સારા રહ્યાં હતા. આઇટી અને ફાર્મા શેરોમાં પણ ખરીદી જોવા મળી હતી. ડિવીઝ અને સન ફાર્મા 2 ટકાથી પણ ઉપર રહી હતી. સારી કૉમેન્ટ્રી અને બ્રૉકરેજ અપગ્રેડથી એમએન્ડએમના શેર 3 ટકા ઉપર કારોબાર કરી રહ્યાં હતા. વળી, નૉમૂરાએ પમ સ્ટૉકે પણ 1978નો લક્ષ્ય આપ્યો છે. ઓવરઓલ આજે શેર માર્કેટમાં તેજી જોવા મળી હતી.

આઇટી અને ફાર્મા સ્ટૉક્સમાં ખરીદારીથી માર્કેટમાં તેજી - 
સપ્તાહનું પ્રથમ ટ્રેડિંગ સત્ર ભારતીય શેરબજાર માટે ખૂબ જ શાનદાર રહ્યું છે. આઈટી અને ફાર્મા શેરોમાં ખરીદીને કારણે બજારમાં તેજી જોવા મળી હતી. મિડ કેપ અને સ્મૉલ શેરોમાં પણ રોકાણકારોની ખરીદી જોવા મળી રહી છે. આજના કારોબારના અંતે BSE સેન્સેક્સ 232 પોઈન્ટના ઉછાળા સાથે 65,954 પોઈન્ટ પર બંધ થયો છે. જ્યારે નેશનલ સ્ટોક એક્સચેન્જનો નિફ્ટી 80 પોઈન્ટના ઉછાળા સાથે 19,597 પોઈન્ટ પર બંધ થયો છે.

સેક્ટૉરિયલ સ્થિતિ  - 
આજના કારોબારમાં ઓટો, આઈટી, ફાર્મા, હેલ્થકેર, ઓઈલ એન્ડ ગેસ, કન્ઝ્યુમર ડ્યુરેબલ્સ, ઈન્ફ્રા, એફએમસીજી સેક્ટરના શેરમાં ખરીદારી જોવા મળી રહી છે. જ્યારે બેન્કિંગ, મેટલ્સ, મીડિયા સેક્ટરના શેરોમાં વેચવાલી હતી. મિડ કેપ અને સ્મોલ કેપ શેરોમાં સતત ચમક જોવા મળી રહી છે. મિડ કેપ ઈન્ડેક્સ પણ 0.50 ટકાના વધારા સાથે બંધ થયો હતો. સેન્સેક્સના 30 શેરોમાંથી 21 વધ્યા અને 9 નુકસાન સાથે બંધ થયા. જ્યારે નિફ્ટીના 50 શેરોમાંથી 36 શેરો તેજી સાથે અને 14 ઘટાડા સાથે બંધ થયા હતા.

ઇન્ડેક્સનું નામ	બંધ થવાનું લેવલ	ઉચ્ચ સ્તર	નિમ્ન સ્તર	ટકાવારીમાં  ફેરફાર
BSE Sensex	65,953.48	66,067.90	65,748.25	0.35%
BSE SmallCap	35,162.06	35,322.26	35,129.12	0.26%
India VIX	11.10	11.42	10.40	5.01%
NIFTY Midcap 100	37,824.15	37,847.95	37,615.85	0.51%
NIFTY Smallcap 100	11,724.30	11,798.35	11,710.40	0.22%
NIfty smallcap 50	5,318.50	5,353.85	5,307.80	0.40%
Nifty 100	19,521.85	19,546.15	19,451.20	0.38%
Nifty 200	10,378.25	10,387.25	10,339.00	0.40%
Nifty 50	19,597.30	19,620.45	19,524.80	0.41%

રોકાણકારોની સંપત્તિમાં વધારો - 
શેરબજારમાં આવેલી તેજીના કારણે રોકાણકારોની સંપત્તિમાં જોરદાર ઉછાળો આવ્યો છે. BSE પર લિસ્ટેડ કંપનીઓનું માર્કેટ કેપ રૂ. 305.35 લાખ કરોડ સુધી પહોંચી ગયું છે, જે અગાઉના ટ્રેડિંગ સેશનમાં 304.04 લાખ કરોડ રૂપિયાનું હતું. આજના સત્રમાં રોકાણકારોની સંપત્તિમાં રૂ. 1.31 લાખ કરોડનો વધારો જોવા મળ્યો છે.