Cryptocurrencyની માયાજાળઃ માત્ર એક અઠવાડિયામાં 1000 રૂપિયાના 85 કરોડ થઈ ગયા, શું હવે ખરીદી કરાય કે નહીં ?

આ ટોકનનું માર્કેટ કેપિટલાઇઝેશન $3 બિલિયનથી વધુ છે. જોકે, ટોકનના વોલ્યુમમાં લગભગ 21 ટકાનો ઘટાડો થયો છે.

પ્રતિકાત્મક તસવીર

નવી દિલ્હી: માનવું મુશ્કેલ છે, પરંતુ ક્રિપ્ટો માર્કેટમાં કંઈપણ શક્ય છે. અહેવાલ છે કે છેલ્લા એક સપ્તાહમાં એક પેની ટોકન બાયટેકોઇન 8,57,63,221 ટકા (80 મિલિયન ટકાથી વધુ) ઉછળ્યો છે. તેને જરા સરળ રીતે સમજવા માટે, જો કોઈ વ્યક્તિએ આ ટોકનમાં માત્ર એક અઠવાડિયા પહેલા 1,000 રૂપિયાનું રોકાણ કર્યું હોત, તો અત્યાર સુધીમાં 85.76 કરોડ રૂપિયા થઈ ગયા હોત. હા! તમે તે સાચું સાંભળ્યું. 1 હજારના 85 કરોડ.

Coinmarketcap ના ડેટા અનુસાર, આ ટોકન માત્ર એક જ દિવસમાં 19,650 ટકા વધ્યું છે. આ જમ્પ પછી, તે $0.000003271 થી $0.0006462 પર પહોંચી ગયું છે. જો તમને આ ડોલર સમજાતો નથી, તો ચાલો તમને રૂપિયામાં કહીએ. 24 કલાકમાં તે 0.00024 પૈસાથી વધીને 0.048 પૈસા થઈ ગયો. જોકે તેની કિંમત હજુ પણ ભારતીય રૂપિયામાં 5 પૈસાથી ઓછી છે.

એક અહેવાલ મુજબ, આ ટોકનનું માર્કેટ કેપિટલાઇઝેશન $3 બિલિયનથી વધુ છે. જોકે, ટોકનના વોલ્યુમમાં લગભગ 21 ટકાનો ઘટાડો થયો છે. વોલ્યુમ $125,000 થી થોડું વધારે રહે છે.

પુરવઠા માટે કુલ 6,10,000 Bytecoin ટોકન્સ છે, પરંતુ મહત્તમ પુરવઠો 1,000,000,000,000,000 સુધી મર્યાદિત છે. તેમજ, બાઈનન્સ સ્માર્ટ ચેઈન પ્લેટફોર્મના આધારે બાઈટકોઈન્સ જારી કરવામાં આવશે અને ERC20 સ્ટાન્ડર્ડનું સંપૂર્ણ પાલન કરશે.

નિષ્ણાતો શું કહે છે?

જો કે, ક્રિપ્ટો માર્કેટ નિષ્ણાતો ટોકનમાં ફિશિંગ પ્રવૃત્તિઓ તરફ નિર્દેશ કરે છે, જેના કારણે ઘણા લોકો આશ્ચર્યચકિત થઈ જાય છે. તેઓ આવા આકર્ષક જાળથી દૂર રહેવાનું સૂચન કરે છે.

નિષ્ણાંતોનું કહેવું છે કે, “બાઈટકોઈનના 90 ટકાથી વધુ માત્ર પાંચ વોલેટ્સ (એક પ્રકારના લોકો) પાસે છે અને આ વ્હેલ (મોટી માછલી) સ્વેચ્છાએ ચાલાકી કરીને ભાવ બદલી શકે છે. આ ખૂબ જ જોખમી છે. આ જોખમ BTC રીબેઝ ટોકન દ્વારા ઓફર કરવામાં આવતા પુરસ્કારો કરતાં વધુ છે," તેમણે રોકાણકારોને તેનાથી દૂર રહેવાની સલાહ આપી છે.