આરબીઆઈએ આ બે બેંકને મારી દીધા તાળા, જાણો હવે ગ્રાહકોના ખાતા અને રૂપિયાનું શું થશે
રિઝર્વ બેંકે છેલ્લા મહિનામાં બેંકોના કામકાજમાં બેદરકારીને લઈને કડક આદેશો આપ્યા છે.
રિઝર્વ બેંકને બેંકર્સ બેંક કહેવામાં આવે છે. ભારતમાં, ફક્ત રિઝર્વ બેંક બેંકો શરૂ કરવાની પરવાનગી આપે છે. અને નિયમોની અવગણના કરીને તે બેંકોને બંધ પણ કરી શકે છે. આજે એક મોટા નિર્ણયમાં રિઝર્વ બેંક ઓફ ઈન્ડિયાએ દેશના બે રાજ્યોમાં બે સહકારી બેંકોને બંધ કરવાનો આદેશ આપ્યો છે. રિઝર્વ બેંકે આ બેંકોના લાઇસન્સ રદ કર્યા છે. રિઝર્વ બેંકના નિર્ણય બાદ હવે આ બેંકો ગ્રાહકોને બેંકિંગ સેવાઓ આપી શકશે નહીં.
રિઝર્વ બેંકે બુધવારે કહ્યું કે મહારાષ્ટ્ર અને કર્ણાટકમાં કાર્યરત બે સહકારી બેંકોના બેંક લાયસન્સ રદ કરવામાં આવ્યા છે. બે અલગ-અલગ નિવેદનોમાં, આરબીઆઈએ કહ્યું કે તેણે બુલઢાણા સ્થિત મલકાપુર અર્બન કો-ઓપરેટિવ બેંક લિમિટેડ અને બેંગલુરુ સ્થિત સુશ્રુતિ સૌહાર્દા સહકારી બેંક રેગ્યુલરના બેંકિંગ લાઇસન્સ રદ કર્યા છે. નિવેદન અનુસાર, બુધવારે કારોબાર બંધ થયા પછી, આ બંને સહકારી બેંકો બેંક સંબંધિત કોઈપણ પ્રકારનું કામ કરી શકશે નહીં. આ સહકારી બેંકો પાસે પૂરતી મૂડી અને આવકની સંભાવનાના અભાવને ધ્યાનમાં રાખીને મધ્યસ્થ બેંકે આ પગલું ભર્યું છે.
રિઝર્વ બેંકે છેલ્લા મહિનામાં બેંકોના કામકાજમાં બેદરકારીને લઈને કડક આદેશો આપ્યા છે. રિઝર્વ બેંક ઓફ ઈન્ડિયા (RBI) એ જૂનમાં જમ્મુ અને કાશ્મીર બેંકને નિર્દેશોનું પાલન ન કરવા બદલ 2.5 કરોડ રૂપિયાનો દંડ ફટકાર્યો હતો. આરબીઆઈ દ્વારા જારી કરાયેલા અમુક નિર્દેશોનું પાલન ન કરવા બદલ બેંક ઓફ મહારાષ્ટ્રને પણ 1.45 કરોડ રૂપિયાનો દંડ ફટકારવામાં આવ્યો છે. અન્ય એક નિવેદનમાં, કેન્દ્રીય બેંકે કહ્યું કે એક્સિસ બેંક પર 30 લાખ રૂપિયાનો દંડ લગાવવામાં આવ્યો છે. તેમાં જણાવ્યું હતું કે બેંકે ક્રેડિટ કાર્ડની બાકી રકમની મોડી ચૂકવણી માટે કેટલાક ખાતાઓમાં દંડ વસૂલ્યો હતો, જોકે ગ્રાહકોએ નિયત તારીખ સુધીમાં અન્ય માધ્યમથી બાકી ચૂકવણી કરી હતી. આરબીઆઈએ કહ્યું કે દંડ નિયમનકારી અનુપાલનમાં ખામીઓ પર આધારિત છે.
રિઝર્વ બેંકના નિયમોની અવગણનાથી અન્ય બેંકને ભારે નુકસાન થયું છે. ભારતીય રિઝર્વ બેંક (RBI) એ નિયમનકારી જોગવાઈઓના ઉલ્લંઘન બદલ બિહાર સ્ટેટ કો-ઓપરેટિવ બેંક લિમિટેડ, પટના પર રૂ. 60.20 લાખનો દંડ ફટકાર્યો છે. જણાવી દઈએ કે RBI એ બેંકોના રોજબરોજના કામકાજને લઈને કડક નિયમો બનાવ્યા છે અને રિઝર્વ બેંક સમયાંતરે દેશની ખાનગી, સરકારી અને સહકારી બેંકોના કામકાજની સમીક્ષા કરતી રહે છે. આ દરમિયાન પટનાની બિહાર સ્ટેટ કોઓપરેટિવ બેંક લિમિટેડ વતી નિયમોના ઉલ્લંઘનનો મામલો સામે આવ્યો છે.
ટોપ સ્ટોરી
ટ્રેન્ડિંગ સમાચાર
