Lenskart IPO News: આ ફેમસ આઇવેયર કંપનીનો આવી રહ્યો છે આઇપીઓ, જાણો ક્યારે થઇ શકે છે લિસ્ટિંગ
Lenskart IPO: લેન્સકાર્ટ આઈપીઓ: લેન્સકાર્ટ તેની કિંમત $10 બિલિયન સુધી વધારવા માટે આઈપીઓ લોન્ચ કરવા જઈ રહી છે.જાણીએ ક્યારે આવશે લિસ્ટિંગ તારીખ સહિત બધું જ
Lenskart IPO: ઓનલાઈનથી ઓફલાઈન, આઈવેર રિટેલ કંપની લેન્સકાર્ટ પણ શેરબજારમાં લિસ્ટિંગની તૈયારી કરી રહી છે. કંપની આઈપીઓ દ્વારા બજારમાંથી 1 અબજ ડોલર એકત્ર કરવાની તૈયારી કરી રહી છે અને આ વર્ષના મે મહિનામાં શેરબજાર નિયમનકાર સેબી સાથે આઈપીઓ લોન્ચ કરવા માટે ડ્રાફ્ટ પેપર ફાઇલ કરી શકે છે.
ઈકોનોમિક ટાઈમ્સના અહેવાલ મુજબ, લેન્સકાર્ટના સીઈઓ પિયુષ બંસલ અને કંપનીના મુખ્ય રોકાણકારોએ તાજેતરના સપ્તાહોમાં આઈપીઓના મૂલ્યાંકન અંગે બેન્કર્સ સાથે ચર્ચા કરી છે. લેન્સકાર્ટ IPO દ્વારા $10 બિલિયનના મૂલ્યાંકનને લક્ષ્યાંકિત કરી રહી છે અને IPO દ્વારા $1 બિલિયન એકત્ર કરવાની તૈયારી કરી રહી છે. જોકે, બજારની સ્થિતિ અને સેન્ટિમેન્ટને ધ્યાનમાં રાખીને IPO લોન્ચ કરવાનો સમય નક્કી કરવામાં આવશે.
રિપોર્ટ અનુસાર, મે મહિના સુધીમાં IPO લાવવા માટે સેબી પાસે ડ્રાફ્ટ પેપર (DRHP) ફાઇલ કરવાની તૈયારી છે જેથી કંપની ચાલુ કેલેન્ડર વર્ષમાં સ્ટોક એક્સચેન્જમાં લિસ્ટ થઈ શકે. કંપનીના કેટલાક લોકો આક્રમક મૂલ્યાંકનની તરફેણમાં છે, પરંતુ બજારની સ્થિતિને ધ્યાનમાં રાખીને, આ શક્ય નથી, આવી સ્થિતિમાં, રોકાણકારો માટે IPOનું મૂલ્ય ઓછું રાખવું પડશે જેથી કરીને તેમને રોકાણ પર નફો મળી શકે.
સોફ્ટબેંક અને ટેમાસેક-સમર્થિત લેન્સકાર્ટ એ ભારતની અગ્રણી આઈ-વેર કંપની છે જે ચશ્મા અને કોન્ટ્રાક્ટ લેન્સનું વેચાણ કરે છે. તે ઓનલાઈનથી ઓફલાઈન સુધીની સુવિધાઓ પૂરી પાડે છે. આ કંપનીની શરૂઆત 2010માં પીયૂષ બંસલ દ્વારા કરવામાં આવી હતી, જેઓ હાલમાં તેના સીઈઓ છે. લેન્સકાર્ટનું ઇન્ડિયા ઓપરેશન નફાકારક છે અને કંપની સતત વિસ્તરણ કરી રહી છે. કંપનીએ વર્ષ 2022માં જાપાનની કંપનીને 400 મિલિયન ડોલરમાં હસ્તગત કરી હતી. કંપની થાઈલેન્ડમાં સતત વિસ્તરણ કરી રહી છે. લેન્સકાર્ટે ગયા વર્ષે જૂનમાં સેકન્ડરી રાઉન્ડમાં $200 મિલિયન એકત્ર કર્યા હતા. કંપનીના $5 બિલિયનના મૂલ્યાંકન પર આ રકમ એકત્ર કરવામાં આવી હતી.
ટોપ સ્ટોરી
ટ્રેન્ડિંગ સમાચાર
