રોકાણકારો માટે આજે ટ્રાવેલ કંપનીનો IPO ખુલી રહ્યો છે, જાણો શું છે પ્રાઇસ બેન્ડ

કંપનીનો આઈપીઓ ગઈકાલે એન્કર રોકાણકારો માટે ખુલ્લો હતો. કંપનીએ એન્કર રોકાણકારો પાસેથી રૂ. 348.75 કરોડ એકત્ર કર્યા છે. ચાલો આ અહેવાલમાં જાણીએ કે કંપનીના IPOની પ્રાઇસ બેન્ડ શું છે?

પ્રતિકાત્મક તસવીર

Source : ABP Live

Yatra Online IPO Open Today: દેશની સૌથી મોટી ઓનલાઈન ટ્રાવેલ કંપનીમાં યાત્રા ઓનલાઈનનું નામ સામેલ છે. કંપનીનો IPO આજે એટલે કે 15 સપ્ટેમ્બર 2023ના રોજ રોકાણકારો માટે ખુલી રહ્યો છે. આ IPOમાં 20 સપ્ટેમ્બર 2023 સુધી રોકાણ કરી શકાય છે. ગઈ કાલે કંપનીનો આઈપીઓ એન્કર ઈન્વેસ્ટર્સ માટે ખુલ્લો હતો. કંપનીએ એન્કર રોકાણકારો દ્વારા રૂ. 348.75 કરોડ એકત્ર કર્યા છે.

કંપની આ IPO દ્વારા 775 કરોડ રૂપિયા એકત્ર કરવાની યોજના બનાવી રહી છે. આ રકમમાંથી રૂ. 602 કરોડ નવા શેરો દ્વારા અને રૂ. 173 કરોડ કંપનીના પ્રમોટર્સ અને ઓફર ફોર સેલ મારફતે એકત્ર કરવામાં આવશે. કંપનીએ તેના IPOની પ્રાઇસ બેન્ડ રૂ. 135 થી રૂ. 142 પ્રતિ શેર નક્કી કરી છે.

યાત્રા ઓનલાઇનના આ IPOમાં તમારે ઓછામાં ઓછા 105 શેર માટે બિડ કરવાની રહેશે. એટલે કે એક લોટ માટે તમારે ઓછામાં ઓછા 14,910 રૂપિયાનું રોકાણ કરવું પડશે. કંપની IPOમાં રૂ. 602 કરોડની નવી ઇક્વિટી જારી કરશે. આ ઉપરાંત, કંપનીના પ્રમોટરો અને વર્તમાન શેરધારકો પણ ઓફર ફોર સેલ (OFS) હેઠળ 1.218 કરોડ શેર વેચશે. અપર પ્રાઇસ બેન્ડ અનુસાર, આ ઇશ્યૂનું કદ રૂ. 775 કરોડ છે.

કંપનીના શેરની લોટ સાઈઝ 105 ઈક્વિટી શેર છે. મતલબ કે રોકાણકારોએ ઓછામાં ઓછા 14,910 રૂપિયાનું રોકાણ કરવું પડશે. કંપની આ IPO દ્વારા એકત્ર કરાયેલા ભંડોળનો ઉપયોગ ટેક્નોલોજી અને સામાન્ય કોર્પોરેટ હેતુઓ પર ખર્ચ કરવા માટે કરશે.

તમને જણાવી દઈએ કે યાત્રા ઓનલાઈન એક ટ્રાવેલ કંપની છે. અહીં તમે ભારતીય અને આંતરરાષ્ટ્રીય હવાઈ ટિકિટ બુક કરી શકો છો. આ સિવાય તમે અહીં હોટેલ, ક્રુઝ, ટૂર પેકેજ પણ બુક કરાવી શકો છો. આ કંપની અબીના ચોપરાએ 2006માં શરૂ કરી હતી. તે દેશભરમાં 13,000 થી વધુ હોટલ સાથે કરાર પર કામ કરે છે. ડોમેસ્ટિક હોટલ માટે તે ભારતનું સૌથી મોટું પ્લેટફોર્મ છે.

કંપની તેના બિઝનેસ વિશે દાવો કરે છે કે તે દેશની સૌથી મોટી કોર્પોરેટ ટ્રાવેલ સર્વિસ પ્રોવાઈડર છે. જ્યારે કંપનીની ગ્રોસ બુકિંગ રેવન્યુ અને ઓપરેટિંગ રેવન્યુ અનુસાર તે દેશની ત્રીજી સૌથી મોટી ઓનલાઈન ટ્રાવેલ કંપની છે.