Aadhaar Update : તમે દસ્તાવેજ વગર પણ 'હેડ ઓફ ફેમિલી'ની મદદથી આધાર અપડેટ કરી શકો, જાણો સરળ રીત

. આધાર કાર્ડ જે યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) દ્વારા જારી કરવામાં આવે છે, તે ભારતીય રહેવાસીઓ માટે સૌથી મહત્વપૂર્ણ ઓળખ કાર્ડમાંનું એક છે.

પ્રતિકાત્મક તસવીર

Source : તસવીર સોશિયલ મીડિયા

Aadhaar card Update :  આજકાલ લગભગ દરેક સરકારી યોજના માટે આધાર કાર્ડ જરૂરી છે. સરકારી કોઈપણ યોજનાના લાભ લેવા માટે પણ આધાર કાર્ડ સૌથી મહત્વનો દસ્તાવેજ છે. આધારકાર્ડ વગર બેંકમાં પણ કોઈ કામ થતા નથી. આધાર કાર્ડ જે યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) દ્વારા જારી કરવામાં આવે છે, તે ભારતીય રહેવાસીઓ માટે સૌથી મહત્વપૂર્ણ ઓળખ કાર્ડમાંનું એક છે. તે સરકારી યોજનાઓ, બેંકિંગ, મુસાફરી અને ડિજિટલ ચકાસણીમાં ખૂબ ઉપયોગી છે. તેથી આધાર કાર્ડમાં તમારી વ્યક્તિગત માહિતી, ખાસ કરીને જન્મ તારીખ (DOB) સાચી રાખવી મહત્વપૂર્ણ છે. 

 'હેડ ઓફ ફેમિલી' આધારિત આધાર અપડેટ પ્રક્રિયા તે લોકો માટે ખૂબ જ મદદરૂપ છે જેમની પાસે પોતાના દસ્તાવેજ નથી તેવા લોકો તેમના પરિવારના વડાના દસ્તાવેજોનો ઉપયોગ કરીને આધારમાં દાખલ કરેલી માહિતી સરળતાથી અપડેટ કરી શકે છે. 

'હેડ ઓફ ફેમિલી'ના દસ્તાવેજો દ્વારા તમારું આધાર કાર્ડ અપડેટ કરી શકો છો

જો તમે 'હેડ ઓફ ફેમિલી'ના દસ્તાવેજો દ્વારા તમારું આધાર કાર્ડ અપડેટ કરવા માંગો છો, તો તમારે તે વ્યક્તિ સાથે તમારા સંબંધને સાબિત કરવું પડશે. આ માટે તમારે રેશન કાર્ડ, માર્કશીટ, મેરેજ સર્ટિફિકેટ, પાસપોર્ટ જેવા દસ્તાવેજોની જરૂર પડશે, જેમાં તમારા ઘરના વડાનું નામ નોંધાયેલ છે. 

• કુટુંબના વડાના દસ્તાવેજોની મદદથી તમારું આધાર કાર્ડ અપડેટ કરવા માટે, સૌ પ્રથમ માય આધાર પોર્ટલ https://myaadhaar.uidai.gov.in/ ની મુલાકાત લો.આ પોર્ટલ પર જાઓ અને આધાર અપડેટની પ્રક્રિયા પસંદ કરો.
• આ પછી, આધારમાં એડ્રેસ અપડેટનો વિકલ્પ પસંદ કરો. આ પછી, જો તમારી પાસે તમારો પોતાનો દસ્તાવેજ નથી, તો એડ્રેસ અપડેટ માટે 'હેડ ઓફ ફેમિલી'નો આધાર નંબર દાખલ કરો.
• આ પછી તમારે રિલેશનશિપ ડોક્યુમેન્ટ સબમિટ કરવાનું રહેશે. આ પછી એડ્રેસ અપડેટ કરવા માટે 50 રૂપિયાની ફી ચૂકવવી પડશે.
• આ પછી સર્વિસ રિક્વેસ્ટ નંબર HOFને મોકલવામાં આવશે. આ પછી, તેણે આધાર પોર્ટલમાં લોગિન કરીને 30 દિવસની અંદર તેની મંજૂરી આપવી પડશે.
• આ પછી, તમારા HOF ની મંજૂરી સાથે તમારું આધાર અપડેટ કરવામાં આવશે. ધ્યાનમાં રાખો, જો 30 દિવસની અંદર મંજૂરી નહીં મળે, તો આ વિનંતીને નકારી કાઢવામાં આવશે.