Delhi Firing: દિલ્હીના રામકૃષ્ણ પુરમમાં બે મહિલાની ગોળી મારી હત્યા, હુમલાખોરો ફરાર
Delhi Crime News: દિલ્હીના રામકૃષ્ણ પુરમ વિસ્તારની આંબેડકર બસ્તીમાં બદમાશો દ્વારા બે મહિલાઓની ગોળી મારીને હત્યા કરવામાં આવી હતી.
Delhi Firing News: દિલ્હી ફાયરિંગના રામકૃષ્ણ પુરમ વિસ્તારની આંબેડકર બસ્તીમાં બે મહિલાની ગોળી મારી હત્યા કરવાની ઘટના સામે આવી છે. જેમાં બંને મહિલાનું મોત થયું છે. મહિલાઓ પર ગોળીબાર કરીને હુમલાખોરો સ્થળ પરથી ફરાર થઈ ગયા હતા. આ ઘટનાની જાણ થતાં જ સ્થાનિક પોલીસ તાત્કાલિક ઘટનાસ્થળે દોડી આવી હતી અને ઘટનાની માહિતી મેળવી તપાસ હાથ ધરી છે. બદમાશો દ્વારા ફાયરિંગ કરવા પાછળનું કારણ હજુ સ્પષ્ટ થયું નથી. અત્યાર સુધીની માહિતી મુજબ દક્ષિણ દિલ્હીના આરકે પુરમમાં બે જૂથો વચ્ચેના વિવાદ બાદ ફાયરિંગ થયું છે. બદમાશોએ બેખૌફ ફાયરિંગની ઘટનાને અંજામ આપ્યો છે. ફાયરિંગ બાદ ઘટનાસ્થળે હોબાળો મચી ગયો હતો. ફાયરિંગની ઘટનામાં બે મહિલાઓને ગોળી વાગી હતી. ઇજાગ્રસ્ત મહિલાઓને તાત્કાલિક સારવાર અર્થે હોસ્પિટલ ખસેડવામાં આવી હતી. જો કે ટૂંકી સારવાર દરમિયાન બંનેના મોત થયા હતા.
Delhi | Two women were shot dead by unidentified assailants in Ambedkar Basti area of RK Puram PS limits, today.
— ANI (@ANI) June 18, 2023
The deceased have been identified as Pinky (30) and Jyoti (29). The assailants came for the victim's brother primarily. Prima facie seems to be a money settlement… pic.twitter.com/D8FkYiHQwp
આ મામલો દક્ષિણ પશ્ચિમ દિલ્હીના આરકે પુરમ પોલીસ સ્ટેશન વિસ્તારમાં સ્થિત આંબેડકર બસ્તીનો છે. આજે સવારે લગભગ 3.30 વાગ્યાના અરસામાં 2 ડઝનથી વધુ બદમાશો એક યુવકની હત્યા કરવાના ઇરાદે તેના ઘરે પહોંચ્યા હતા. યુવક અને તેના પરિવારજનોએ ઘરનો દરવાજો ન ખોલતાં તેઓ ચાલ્યા ગયા હતા. ત્યારપછી થોડીવાર પછી આવ્યો અને બદમાશોએ ઘરની બહાર ઉભેલા યુવક પર સતત ફાયરિંગ શરૂ કરી દીધું. યુવક પોતાનો જીવ બચાવીને ભાગી ગયો હતો, પરંતુ તેની બે બહેનોને બદમાશોએ ગોળી મારીને ગંભીર ઇજા પહોંચાડી હતી. આ પછી હુમલાખોરો સ્થળ પરથી ફરાર થઈ ગયા હતા. ઘટના બાદ ઘાયલ મહિલાને નજીકની હોસ્પિટલમાં દાખલ કરવામાં આવી હતી, જ્યાં સારવાર દરમિયાન બંનેનું મોત થયું હતું. ઘટના બાદ ઘટનાસ્થળે હાજર અધિકારીઓ સહિત ડઝનથી વધુ પોલીસકર્મીઓ સમગ્ર મામલાની તપાસ કરી રહ્યા છે.
હોસ્પિટલમાં સારવાર દરમિયાન બંનેના મોત થયા હતા
પીડિત યુવક લલિતે મીડિયા સાથે વાત કરતા જણાવ્યું કે તે કોઈ પાસે પૈસા માગતો હતો જે લેવા માટે તે ગયો હતો. જો કે તે વ્યકિત ઘરે ના મળતા તે પરત આવ્યો હતો. થોડા સમય પછી 2 ડઝનથી વધુ બદમાશો તેને શોધતા તેના ઘરે આવ્યા, જ્યાં તે મળી શક્યો નહીં. બધા બદમાશો પાછા ગયા અને થોડા સમય પછી જ્યારે તે ઘરની બહાર ઊભો હતો ત્યારે તેણે તેના પર અંધાધૂંધ ગોળીબાર શરૂ કરી દીધો હતો. ફાયરિંગમાં તેની બહેન કોઈક રીતે તેને ગુનાના સ્થળેથી દૂર લઈ જવામાં સફળ રહી હતી. ગુસ્સે ભરાયેલા બદમાશોએ જાણી જોઈને તેની બંને બહેનોને ગોળી મારી દીધી હતી. એકને છાતીમાં ગોળી વાગી હતી. જ્યારે બીજી બહેનને પેટમાં. હોસ્પિટલમાં સારવાર દરમિયાન બંનેના મોત થયા હતા.
પૈસાની લેતીદેતી મામલે વિવાદ
આ બાબતની પુષ્ટિ કરતા ડીસીપીએ કહ્યું કે આજે સવારે લગભગ 4.40 વાગ્યે પીએસ આરકે પુરમ પર એક પીસીઆર કોલ આવ્યો હતો જેમાં કહેવામાં આવ્યું હતું કે કેટલાક લોકોએ આંબેડકર બસ્તીમાં બે મહિલાઓને ગોળી મારી છે. આના પર કાર્યવાહી કરતા સ્થાનિક પોલીસ કર્મચારીઓ ઘટનાસ્થળે પહોંચ્યા, જ્યાં જાણવા મળ્યું કે 30 વર્ષની પિંકી અને 29 વર્ષની જ્યોતિને ગોળી વાગી હતી. બંનેને સફદરજંગ હોસ્પિટલમાં દાખલ કરવામાં આવ્યા, જ્યાં સારવાર દરમિયાન તેમનું મૃત્યુ થયું હતું. આ ઘટનામાં હુમલાખોરો પીડિતાના ભાઈને મારવા આવ્યા હતા. પ્રાથમિક દૃષ્ટિએ આ મામલો પૈસાની પતાવટનો હોવાનું જણાય છે. આ મામલે યોગ્ય કલમો હેઠળ કેસ નોંધવામાં આવી રહ્યો છે. સાથે કેસની તપાસ પણ ચાલી રહી છે.
ટ્રેન્ડિંગ સમાચાર
ટોપ સ્ટોરી
