અમદાવાદ, સુરત સહિત કોર્પોરેશનની ચૂંટણી ડીસેમ્બરના બદલે ક્યા મહિનામાં યોજાવાની શક્યતા?

ગુજરાતની અમદાવાદ સહિતની મહાનગરપાલિકાની ડિસેમ્બરમાં યોજાનારી ચૂંટણી પાછી ઠેલીને એપ્રિલ 2021માં યોજવામાં આવે તેવી સંભાવના છે.

અમદાવાદ: ગુજરાતની અમદાવાદ સહિતની મહાનગરપાલિકાની ડિસેમ્બરમાં યોજાનારી ચૂંટણી પાછી ઠેલીને એપ્રિલ 2021માં યોજવામાં આવે તેવી સંભાવના છે. અમદાવાદ, સુરત અને વડોદરામાં કોરોનાનો કહેર યથાવત છે. મહાપાલિકાની ચૂંટણી 2020માં નહીં યોજાય પણ એપ્રિલ 2021માં યોજવામાં આવશે તેવી ચર્ચાઓ જોર પકડ્યું છે. અમદાવાદ, વડોદરા અને સુરતમાં કોરોનાનો કહેર યથાવત છે. આ પરિસ્થિતિમાં આ 3 મોટા શહેરોમાં ચૂંટણી યોજવી તે શક્ય નથી અને માત્ર એકાદ બે મહાનગરપાલિકાની ચૂંટણી યોજી શકાય નહીં તેથી મહાનગરપાલિકાની ચૂંટણી 2021માં એપ્રિલમાં યોજાશે તેવી ચર્ચાઓ ચાલી રહી છે. ગુજરાત સરકારે હાલમાં જ સીમાંકન કરીને મહાનગપાલિકાઓનો વિસ્તાર વધારો કર્યો છે. જેને કારણે એક નવા વોર્ડની રચના પણ કરવાની હોવાથી તે પ્રક્રિયા પૂર્ણ થયા બાદ નવા વિસ્તાર અને વોર્ડ સાથે ચૂંટણી યોજવામાં આવે તેવી ચર્ચાઓ ચાલી રહી છે. આ વર્ષે ડિસેમ્બરમાં મહાપાલિકાની ચૂંટણી યોજાવાની છે પરંતુ સમગ્ર ગુજરાતમાં કોરોના કહેરના કારણે સમયસર ચૂંટણી યોજવી મુશ્કેલ બની શકે છે તેવી ચર્ચાઓ ચાલી રહી છે.