Banaskantha : શંકર ચૌધરીની બોલિંગ પર અલ્પેશ ઠાકોરે ફટકારી સિક્સર, વીડિયો વાયરલ

ગઈ કાલે ભાભર તાલુકાના અબાળા ગામે જોગમાયા મંદિરના લાભાર્થે આયોજિત નાઈટ ક્રિકેટ ટુર્નામેન્ટના શુભારંભ પ્રસંગમાં બનાસ ડેરીના ચેરમેન શંકર ચૌધરી અને ભાજપ નેતા અલ્પેશ ઠાકોર ઉપસ્થિત રહ્યા હતા. 

તસવીરઃ અલ્પેશ ઠાકોર.

ભાભરઃ બનાસકાંઠામાં શંકર ચૌધરીની બોલિંગ પર અલ્પેશ ઠાકોર સિક્સર મારતો વીડિયો વાયરલ થયો છે. ગઈ કાલે ભાભર તાલુકાના અબાળા ગામે જોગમાયા મંદિરના લાભાર્થે આયોજિત નાઈટ ક્રિકેટ ટુર્નામેન્ટના શુભારંભ પ્રસંગમાં બનાસ ડેરીના ચેરમેન શંકર ચૌધરી અને ભાજપ નેતા અલ્પેશ ઠાકોર ઉપસ્થિત રહ્યા હતા. 

ટૂર્નામેન્ટના ઓપનિંગ સમયે શંકર ચૌધરી અને અલ્પેશ ઠાકોર ક્રિકેટ રમ્યા હતા. શંકર ચૌધરીની બોલિંગ પર અલ્પેશ ઠાકોરે સિક્સર મારી હતી. સોશિયલ મીડિયામાં વીડિય વાયરલ થયો છે.

 

Banaskantha : શંકર ચૌધરીની બોલિંગ પર અલ્પેશ ઠાકોરે ફટકારી સિક્સર, વીડિયો વાયરલ #shankarchaudhary #AlpeshThakor pic.twitter.com/m2t3b7FgQ0

— ABP Asmita (@abpasmitatv) December 3, 2021

ગુજરાત કોંગ્રેસના નવા નેતૃત્વના સ્વાગતની ભવ્ય તૈયારી,  બંને દિગ્ગજો દિલ્લીથી આવશે અમદાવાદ

અમદાવાદઃ ગુજરાત કોંગ્રેસના નવા નેતૃત્વના ભવ્ય સ્વાગતની તૈયારી છે. એરપોર્ટ રોડ પર કોંગ્રેસના નિશાન સાથે ઝંડા લગાવવામાં આવ્યા છે. જગદીશ ઠાકોર અને સુખરામ રાઠવા આજે દિલ્હીથી પ્રભારી સાથે અમદાવાદ આવશે. તાજ સર્કલથી એરપોર્ટ સુધીના રૂટ પર કોંગ્રેસના તોરણ ઝંડા લગાવાયા છે. નવા નેતૃત્વના સ્વાગતની તૈયારીને આખરી ઓપ અપાઈ રહ્યો છે. એરપોર્ટ ખાતે નવા નેતૃત્વનું કોંગ્રેસના નેતાઓ - કાર્યકરો ભવ્ય સ્વાગત કરશે.

પૂર્વ સાંસદ જગદીશ ઠાકોરની ગુજરાત પ્રદેશ કૉંગ્રેસના નવા અધ્યક્ષ અને પાવી જેતપુરના ધારાસભ્ય સુખરામ રાઠવાની વિધાનસભામાં વિપક્ષના નેતા તરીકે પસંદગી કરી લેવામાં આવી છે. બંન્ને નેતાઓએ ગઈ કાલે દિલ્હીમાં રાહુલ ગાંધી સાથે  મુલાકાત કરી હતી. હાઈકમાન્ડની લીલીઝંડી બાદ સત્તાવાર જાહેરાત થશે.

ગુજરાત પ્રદેશ અધ્યક્ષ પદે જગદીશ ઠાકોરના નામ પર મહોર મારવામાં આવી છે, જ્યારે વિપક્ષ નેતા પદે સુખરામ રાઠવાની પસંદગી કરાઈ છે. આ અંગે કોઈ સત્તાવાર જાહેરાત કરવામાં આવી નથી. હાઈકમાન્ડ દ્વારા આ અંગે સત્તાવાર જાહેરાત કરવામાં આવી શકે છે.  ગુજરાત કોંગ્રેસમાં પ્રમુખ પદ અને વિરોધ પક્ષના નેતા માટે લાંબા સમયથી અંદરોઅંદર નેતાઓ વચ્ચે ખેચતાણ ચાલી રહી હતી. જેમા ભરતસિંહ સોલંકી અને હાર્દિક પટેલ સહિતના નેતાઓ પ્રમુખ બનવા માટે લોબિંગ કરી રહ્યા હતા. ગુજરાત કોંગ્રેસના નવા પ્રમુખના મામલે પ્રભારી રઘુ શર્માથી માંડીને રાહુલ ગાંધી સુધી બેઠકો ચાલી હતી.