Gujarat Rain: ધોધમાર વરસાદને લઈ અંબાલાલ પટેલની મોટી આગાહી,જાણો શું કહ્યું ?
ગુજરાતમાં છેલ્લા ઘણા સમયથી કમોસમી વરસાદ વરસી રહ્યો છે. ઉનાળાની કાળઝાળ ગરમી વચ્ચે માવઠાએ ખેડૂતોની ચિંતા વધારી છે.
અમદાવાદ: ગુજરાતમાં છેલ્લા ઘણા સમયથી કમોસમી વરસાદ વરસી રહ્યો છે. ઉનાળાની કાળઝાળ ગરમી વચ્ચે માવઠાએ ખેડૂતોની ચિંતા વધારી છે. અનેક જિલ્લાઓમાં કમોસમી વરસાદ વરસ્યો છે. હવામાન નિષ્ણાંત અંબાલાલ પટેલ દ્વારા પણ વરસાદને લઈ મોટી આગાહી કરવામાં આવી છે.
અંબાલાલ પટેલની આગાહી મુજબ, 4 મે થી લઈને 8મે સુધી ગુજરાતના વિવિધ ભાગોમાં કમોસમી વરસાદ પડશે. આ વરસાદ માત્ર ઝાપટા સ્વરૂપે નહિ, પરંતુ વીજળીના કડાકા ભડાકા અને ભારે આંધી-વંટોળ સાથે તોફાની બની શકે છે. અંબાલાલના જણાવ્યા અનુસાર કચ્છ અને ઉત્તર ગુજરાતના કેટલાક ભાગોમાં વરસાદ વરસશે. 11 થી 20 મે દરમિયાન વંટોળ, આંધી સાથે વરસાદી ઝાપટા પડવાની શક્યતા સેવાઈ રહી છે.
પાકને નુકસાન થવાનો ભય
અંબાલાલ પટેલના અંદાજ મુજબ, કમોસમી વરસાદ અને આંધી-વંટોળનો પ્રભાવ મુખ્યત્વે ઉત્તર ગુજરાત, સૌરાષ્ટ્ર, કચ્છ અને મધ્ય ગુજરાતના વિસ્તારોમાં જોવા મળી શકે છે. આ વિસ્તારોના ખેડૂતો માટે ઉભા પાકને નુકસાન થવાનો ભય સેવાઈ રહ્યો છે.
50 કિમી/કલાકની ઝડપે પવન ફૂંકાશે
કમોસમી વરસાદ સાથે પવનની ગતિ પણ ખૂબ જ તેજ રહેવાની શક્યતા છે. અંબાલાલ પટેલના મતે, 50 કિલોમીટર પ્રતિ કલાકની ઝડપે પવન ફૂંકાઈ શકે છે. આંધી-વંટોળ એટલા તીવ્ર હોઈ શકે છે કે વૃક્ષો મૂળિયા સાથે ઉખડી જાય તે મુજબની સ્થિતિ ઊભી થઈ શકે છે.
આ વિસ્તારોમાં પડશે કમોસમી વરસાદ
હવામાન નિષ્ણાંત અંબાલાલ પટેલની આગાહી મુજબ, રાજ્યમાં કમોસમી વરસાદ મુખ્યત્વે ઉત્તર ગુજરાત, સૌરાષ્ટ્ર, કચ્છ અને મધ્ય ગુજરાતના વિસ્તારોમાં જોવા મળી શકે છે. કમોસમી વરસાદના કારણે ખેડૂતોના ઉભા પાકને નુકસાન થવાનો ખતરો છે.
રાજસ્થાનમાં સક્રિય થઈ રહેલા સાઇકલોનના કારણે વરસાદ
હવામાન વિભાગના જણાવ્યા અનુસાર, રાજસ્થાનમાં સક્રિય થઈ રહેલા એક સાઇકલોનના કારણે ગુજરાતના વાતાવરણમાં બદલાવ આવ્યો છે અને કમોસમી વરસાદ વરસી રહ્યો છે. આ કમોસમી વરસાદ 8મે સુધી રાજ્યના વિવિધ વિસ્તારોમાં પડશે તેવી શક્યતા વ્યક્ત કરવામાં આવી છે.
આજે આ જિલ્લાઓમાં પડશે વરસાદ
રાજ્યના હવામાન વિભાગની આગાહી અનુસાર, આજે રવિવારે બનાસકાંઠા, પાટણ, મહેસાણા, સાબરકાંઠા, અરવલ્લી, પંચમહાલ, દાહોદ, મહીસાગર, વડોદરા, છોટાઉદેપુર, ગાંધીનગર, વલસાડ, નવસારી, દમણ, દાદરા નગર હવેલી, અમરેલી, ભાવનગર અને કચ્છમાં સામાન્યથી મધ્યમ વરસાદની આગાહી કરાઈ છે.
ટોપ સ્ટોરી
ટ્રેન્ડિંગ સમાચાર
