રાજ્યમાં કમોસમી વરસાદનો ખતરો, આગામી પાંચ દિવસ આ જિલ્લાઓમાં ખાબકશે વરસાદ

રાજ્યમાં કમોસમી વરસાદનો ખતરો, આગામી પાંચ દિવસ આ જિલ્લાઓમાં ખાબકશે વરસાદ

પ્રતિકાત્મક તસવીર

અમદાવાદ : રાજ્યના હવામાન વિભાગ દ્વારા કરા સાથે કમોસમી વરસાદની આગાહી કરવામાં આવી છે. રાજ્યમાં આગામી 8મે સુધી કમોસમી વરસાદની આગાહી કરાઈ છે. રાજ્યના અનેક જિલ્લાઓમાં કમોસમી વરસાદ ખાબકશે.

આજે શનિવારના દિવસે બનાસકાંઠા, પાટણ, સાબરકાંઠા, ભાવનગર, અમરેલી અને કચ્છમાં વરસાદની આગાહી હવામાન વિભાગ દ્વારા કરવામાં આવી છે.

આવતીકાલે આ જિલ્લાઓમાં પડશે વરસાદ- બનાસકાંઠા, પાટણ, મહેસાણા, સાબરકાંઠા, અરવલ્લી, પંચમહાલ, દાહોદ, મહીસાગર, વડોદરા, છોટાઉદેપુર, ગાંધીનગર, વલસાડ, નવસારી, દમણ, દાદરા નગર હવેલી, અમરેલી, ભાવનગર અને કચ્છમાં સામાન્યથી મધ્યમ વરસાદની આગાહી છે.

સોમવારના દિવસે પાટણ, મહેસાણા, પંચમહાલ, દાહોદ, અમદાવાદ, આણંદ, ખેડા, ગાંધીનગર, વડોદરા, નર્મદા, ભરૂચ, સુરત, તાપી, વલસાડ, નવસારી, દમણ, દાદરા નગર હવેલી, સુરેન્દ્રનગર, જામનગર, પોરબંદર, ગીર સોમનાથ, દ્વારકા, બોટાદ અને દીવમાં સામાન્યથી મધ્યમ વરસાદ સાથે ભારે પવન ફૂંકાશે.

6મે મંગળવારે કચ્છ, બનાસકાંઠા, પાટણ, સાબરકાંઠા, મહેસાણા, અરવલ્લી, મહીસાગર, દાહોદ, મોરબી, રાજકોટ, જુનાગઢ, અમરેલી, ભાવનગરમાં છુટા છવાયા સ્થળો ઉપર કરા પડવાની આગાહી સાથે જ ગાજવીજ સાથે છુટા છવાયા સ્થળો પર મધ્યમ વરસાદની આગાહી કરવામાં આવી છે.

7મે બુધવારે ભારે વરસાદની આગાહી બનાસકાંઠા, સાબરકાંઠા, અરવલ્લી, નર્મદા, સુરત અને સૌરાષ્ટ્રમાં અમરેલી અને ભાવનગરમાં ભારે વરસાદની આગાહી કરવામાં આવી છે.

8મે ગુરુવારના દિવસે બનાસકાંઠા, સાબરકાંઠા, અરવલ્લી, આણંદ, ભરૂચ, અમરેલી અને ભાવનગરમાં ભારે વરસાદની આગાહી કરાઈ છે.