Amul Milk Prices Hike: અમૂલના દૂધના ભાવ વધારાની ગુજરાતમાં શું થશે અસર ? જાણો વિગત

Amul Milk Price: અમૂલે દૂધના ભાવમાં વધારો કર્યો છે. જેના કારણે આમ આદમી વધુ એક ફટકો લાગ્યો છે. દૂધના ભાવમાં 3 રૂપિયા સુઘીનો વધારો કરવામાં આવ્યો છે. નવો ભાવ વધારો આજથી જ લાગુ થઈ ગયો છે.

ફાઈલ તસવીર

Amul Milk Price: અમૂલે દૂધના ભાવમાં વધારો કર્યો છે. જેના કારણે આમ આદમી વધુ એક ફટકો લાગ્યો છે. દૂધના ભાવમાં  3 રૂપિયા સુઘીનો વધારો કરવામાં આવ્યો છે.  નવો ભાવ વધારો આજથી જ લાગુ થઈ ગયો છે.  જોકે આ ભાવ વધારો હાલ ગુજરાતમાં લાગુ નહીં થાય. મુંબઈ,  કલકત્તા, દિલ્હી-એનસીઆરમાં લાગુ થશે. જેના કારણે હાલ ગુજરાતની જનતા પર દૂધના ભાવ વધારાની કોઈ અસર નહીં થાય.

અમૂલે દૂધના ભાવ કેમ વધાર્યા?

કંપનીએ એક નિવેદનમાં માહિતી આપી છે કે ઉત્પાદન અને ખર્ચમાં વધારાને કારણે અમૂલ દૂધની કિંમતમાં વધારો થયો છે. કંપનીએ કહ્યું કે ગત વર્ષની સરખામણીએ આ વર્ષે ચારાની કિંમતમાં 20 ટકાનો વધારો થયો છે. કંપનીએ કહ્યું કે તેના કારણે દૂધની કિંમતમાં વધારો કરવામાં આવ્યો છે. કંપનીએ કહ્યું કે ઈનપુટ કોસ્ટમાં વધારો થવાથી ખેડૂતોના ભાવમાં ગયા વર્ષની સરખામણીમાં 8-9 ટકાનો વધારો થયો છે.

અમૂલ દૂધના નવા ભાવનું લિસ્ટ

ક્રમ	પ્રોડક્ટ	નવો ભાવ
1	અમૂલ તાઝા 500 મીલી	27
2	અમૂલ તાઝા 1 લીટર	54
3	અમૂલ તાઝા 2 લીટર	108
4	અમૂલ તાઝા 6 લીટર	324
5	અમૂલ તાઝા 180 મીલી	10
6	અમૂલ ગોલ્ડ 500 મીલી	33
7	અમૂલ ગોલ્ડ 1 લીટર	66
8	અમૂલ ગોલ્ડ 6 લીટર	396
9	અમૂલ કાઉ મિલ્ક 500 મીલી	28
10	અમૂલ કાઉ મિલ્ક 1 લીટર	56
11	અમૂલ એટુ બફેલો મિલ્ક 500 મીલી	35
12	અમૂલ એટુ બફેલો મિલ્ક 1 લીટર	70
13	અમૂલ એટુ બફેલો મિલ્ક 6 લીટર	420

અમૂલે છેલ્લે ક્યારે વધાર્યો હતો ભાવ

અમૂલે ઓગસ્ટ 2022માં દૂધના ભાવમાં પ્રતિ લિટરે બે રૂપિયાનો વધારો કર્યો હતો.  ગુજરાત સહિત દિલ્હી એનસીઆર, મુંબઇ, પશ્વિમ બંગાળમાં આવતીકાલથી ભાવ વધારો લાગુ થયો હતો. 500 મીલી અમૂલ ગોલ્ડનો નવો ભાવ 31, 500 મીલી અમૂલ તાજાનો નવો ભાવ 25 રૂપિયા અને 500 મીલી અમૂલ શક્તિનો નવો ભાવ 28 રૂપિયા થયો હતો ઓપરેશન ખર્ચ અને દૂધના ઉત્પાદન ખર્ચમાં વધારાને કારણે ભાવ વધારો લાગુ કરાયો હતો.

હિમાલય પર વધુ એક વેસ્ટર્ન ડિસ્ટર્બન્સ

દિલ્હી-NCR સહિત ઉત્તર ભારતમાં દિવસના તાપમાનમાં વધારો થયો છે. જો કે, ઉત્તર ભારતના પહાડી જિલ્લાઓમાં હિમવર્ષાના કારણે સવારે અને સાંજે ઠંડી રહે છે. હવામાન વિભાગના જણાવ્યા અનુસાર આગામી એક સપ્તાહમાં મેદાની વિસ્તારોમાં વરસાદ થવાની આશા નથી. ભારતીય હવામાન વિભાગના જણાવ્યા અનુસાર, એક પશ્ચિમી વિક્ષેપ હાલમાં હિમાલયન ક્ષેત્રને અસર કરી રહ્યું છે, જેના કારણે હિમાલયના ક્ષેત્રમાં, ખાસ કરીને જમ્મુ-કાશ્મીર અને હિમાચલમાં આગામી બે દિવસમાં હળવો વરસાદ અને હિમવર્ષા થઈ શકે છે.