અરવલ્લીઃ તંત્રની લાલિયાવાડી ! કોરોના દર્દીના મોત બાદ મૃતદેહ ગાયબ, મૃતદેહ બદાલાયના આશંકા

મહિલાના મૃત્યુ બાદ પરિવારને હોસ્પિટલ પ્રશાસને અન્ય મહિલાનો મૃતદેહ સોંપી દીધો હતો.

પ્રતિકાત્મક તસવીર

અરવલ્લીની વાત્રક કોવિડ હોસ્પિટલના પ્રશાસનની ગંભીર અને અક્ષમ્ય બેદરકારી સામે આવી છે. ડેમોઈના કોવિડ પોઝિટિવ મહિલાનો મૃતદેહ બદલાયાનો આરોપ લાગ્યો છે. ડેમોઈના પિત્રોડા પરિવારે આરોપ લગાવ્યો છે કે બુધવારે તેના સ્વજન હંસાબેનને કોરોના પોઝિટિવ આવતા વાત્રક કોવિડ હોસ્પિટલમાં દાખલ કરાયા હતાં. જ્યાં સારવારમાં તેનું નિધન થયું હતું.

મહિલાના મૃત્યુ બાદ પરિવારને હોસ્પિટલ પ્રશાસને અન્ય મહિલાનો મૃતદેહ સોંપી દીધો હતો. જોકે પરિવારજનોએ જોતા પોતાના સ્વજન ન હોવાથી મૃતદેહ હોસ્પિટલ પ્રશાસનને પરત સોંપ્યો. જ્યારે પોતાના સ્વજનનો મૃતદેહ માગતા મળ્યો ન હતો. આ તરફ મૃતદેહ ન મળતા પરિવારજનોએ હોસ્પિટલ ખાતે હોબાળો મચાવ્યો હતો. આ અંગે હોસ્પિટલ સત્તાધીશોનો સંપર્ક કરતા આ ગંભીર બેદરકારી મુદ્દે કંઈ પણ કહેવાનું ટાળ્યું હતું. આખરે મોડી રાત્રે મૃતક મહિલાના સ્વજનો બાયડ પોલીસ મથકે જવાબદારો સામે ફરિયાદ નોંધાવવા પહોંચ્યા હતા.

નોંધનીય છે કે, રાજ્યમાં અત્યાર સુધીના સૌથી વધુ 8152 નવા કેસ નોંધાયા છે. રાજ્યમાં કોરોના સંક્રમણથી મૃત્યુઆંક 5 હજારને પાંચ પહોંચી ગયો છે. છેલ્લા 24 કલાકમાં વધુ 81 લોકોનાં મૃત્યુ થયા છે. કોરોનાથી કુલ મૃત્યુઆંક 5076 પર  પહોંચી ગયો છે.  

રાજ્યમાં ગઈકાલે 3023 લોકોએ કોરોનાને મ્હાત આપી છે. તેની સાથે અત્યાર સુધી 3,26,394 લોકો ડિસ્ચાર્જ થયા છે. રાજ્યમાં એક્ટિવ કેસ (Active cases)ની સંખ્યા વધીને 44 હજારને પાર પહોંચી ગઈ છે. રાજ્યમાં હાલ એક્ટિવ કેસનો આંકડો 44298 પર પહોંચ્યો છે. જેમાંથી 267 લોકો વેન્ટિલેટર પર અને 44031 લોકો સ્ટેબલ છે. રાજ્યમાં કોરોનાથી રિકવરી રેટ 86.86  ટકા છે.  રાજ્યમાં કુલ મૃત્યુઆંક 5076 પર પહોંચ્યો છે.

કોરોનાથી ક્યાં કેટલા મોત થયા ?

ગઈકાલે અમદાવાદ કોર્પોરેશનમાં 27, સુરત  કોર્પોરેશનમાં 25,  રાજકોટ કોર્પોરેશન-8, વડોદરા કોર્પોરેશન-6, બનાસકાંઠા-2,ગાંધીનગર કોર્પોરેશન 2, રાજકોટ 2, સાબરકાંઠા 2, અમદાવાદ 1, આણંદ 1, ભરૂચ 1, ગાંધીનગર 1, જૂનાગઢ 1, સુરત 1 અને વડોદરામાં 1 મોત સાથે કુલ  81 લોકોના મોત થયા હતા. રાજ્યમાં મૃત્યુઆંક વધીને 5076 પર પહોંચી ગયો છે.

ક્યાં કેટલા કેસ નોંધાયા  ?

અમદાવાદ કોર્પોરેશનમાં 2631,  સુરત કોર્પોરેશનમાં 1551, રાજકોટ  કોર્પોરેશનમાં 698,  વડોદરા કોર્પોરેશનમાં 348, સુરત 313, મહેસાણા 249,  જામનગર કોર્પોરેશન 188,  ભરુચ-161, વડોદરા 138, જામનગર 121, નવસારી 104, બનાસકાંઠા 103, ભાવનગર કોર્પોરેશન-102,  પંચમહાલ-87, પાટણ 82, કચ્છ 81, દાહોદ 79, અમરેલી 74, સુરેન્દ્રનગર-72, ભાવનગર 68, ગાંધીનગર 68, રાજકોટ 64,   ગાંધીનગર કોર્પોરેશન-61,તાપી 61, મહીસાગર 57, જૂનાગઢ કોર્પોરેશન-54,  જુનાગઢ-53, સાબરકાંઠા  52, ખેડા-49, આણંદ 48, મોરબી 48, વલસાડ 48,  દેવભૂમિ દ્વારકા-46, નર્મદા 42, અમદાવાદ 41, અરવલ્લી 30, ગીર સોમનાથ 24, બોટાદ 17, છોટા ઉદેપુર 16, ડાંગમાં 12 અને પોરબંદરમાં 11 કેસ નોંધાયા હતા.