શક્તિ વાવાઝોડાને લઈને પોરબંદરના દરિયાકાંઠે કરંટ, દ્રારકાથી 360 કિમી દૂર, જાણો અપડેટસ
Shakti Cyclone: બંગાળની ખાડીમાં સર્જાયેલી સિસ્ટમ વધુ શક્તિશાળી બની છે અને તે હવે વાવાઝોડામાં ફેરવાઇ છે. આ તોફાની ગુજરાતને કેટલી અસર થશે જાણીએ
Shakti Cyclone: બંગાળીની ખાડીમાં સર્જાયેલી સિસ્ટમ અરબ સમુદ્રમાં જતાં વધુ મજબૂત બની છે અને વાવાઝડાનું સ્વરૂપ ધારણ કર્યું છે. જેની અસરથી ભારતના કેટલાક રાજ્યોમાં ભારે પવન સાથે ભારે વરસાદની આગાહી કરવામાં આવી છે.
અરબી સાગરમાં ઉદભવેલું વાવાઝોડુંની અસર ગુજરાત દરિયાકાંઠામાં જોવા મળી રહી છે. વાવાઝોડું પોરબંદરથી 420 કિમી દૂર છે. પોરબંદર, દ્વારકા સહિતના ગુજરાતના દરિયા કિનારે કરંટ જોવા મળી રહ્યો છે. વાવાઝોડાની અસરને લઈને પોરબંદરનું પ્રશાસન સતર્ક છે. માછીમારોને દરિયો ન ખેડવા સૂચના અપાઇ છે.
વાવાઝોડું 'શક્તિ' આજે તીવ્ર બને તેવી હવામાન વિભાગની આગાહી છે. અરબી સમુદ્રમાં વાવાઝોડું આજે રોદ્ર સ્વરૂપ ધારણ કરી શકે છે. પશ્ચિમ-દક્ષિણ-પશ્ચિમ તરફ વાવાઝોડું આગળ વધી રહ્યું છે.અરબ સાગરમાં 10 કિમી પ્રતિ કલાકની ઝડપે આગળ વધી રહ્યું છે, હાલ વાવાઝોડું દ્વારકાથી અને કચ્છના નલિયાથી વાવાઝોડું 360 કિમી દૂર છે. પોરબંદરના દરિયાથી વાવાઝોડું 420 કિમી દૂર છે. શક્તિ વાવાઝોડું કાલે ઉત્તર-મધ્ય,મધ્ય અરબ સાગરના ભાગોમાં પહોંચશે.શક્તિ વાવાઝોડાને લઈ ભારતીય હવામાન વિભાગનું અનુમાન છે કે, મહારાષ્ટ્રના દરિયાકાંઠે 'શક્તિ' વાવાઝોડાની વધુ અસર વર્તાશે, બઈ- ઠાણે-પાલઘર વાવાઝોડાથી પ્રભાવિત થઈ શકે છે.રત્નાગિરી-સિંધુદુર્ગ જિલ્લામાં ચક્રવાતની અસર સંભવ છે. 5 ઓક્ટોબર સુધી મહારાષ્ટ્રના દરિયાકાંઠે ભારે પવન ફૂંકાશે. પૂર્વી વિદર્ભ, મરાઠવાડામાં ભારેથી અતિભારે વરસાદી આગાહી છે.ઉત્તર કોકણના કેટલાક ભાગોમાં અતિભારે વરસાદનું અનુમાન છે.
અંબાલાલ પટેલનનું વાવાઝોડાને લઇને આંકલન
શક્તિ વાવાઝોડાને લઈ અંબાલાલ પટેલે મોટી આગાહી કરી છે. એક-બે દિવસમાં વાવાઝોડાની અસર શરૂ થઈ જશે, અંબાલાલની આગાહી મુજબ જામનગર-કચ્છ સહિતના દરિયાકાંઠે વાવાઝોડાની અસર જોવા મળશે. 65થી 70 કિમી પ્રતિ કલાકની ઝડપે પવન ફૂંકાઈ શકે છે. ઓમાન તરફ જઈ રહેલું વાવાઝોડું રિકવર થવાની શક્યતા છે. વાવાઝોડાની સાથે પશ્ચિમી વિક્ષેપ પણ આવી રહ્યું છે. કચ્છ, સૌરાષ્ટ્રના ઘણા ભાગોમાં વરસાદની શક્યતા છે. 10 ઓક્ટોબર સુધી દક્ષિણ ગુજરાતના કેટલાક ભાગોમાં વરસાદની શક્યતા છે.
ટોપ સ્ટોરી
ટ્રેન્ડિંગ સમાચાર
