Cyclone Shakti: ગુજરાત પર શક્તિ વાવાઝોડુ તબાહી મચાવશે! 6 જિલ્લામાં ભારે વરસાદનું યલો ઍલર્ટ જાહેર
Gujarat Rain Alert: હવામાન વિભાગે 8 અને 9 ઓક્ટોબરના રોજ સૌરાષ્ટ્ર અને દક્ષિણ ગુજરાતના 6 જિલ્લામાં ભારે વરસાદનું યલો ઍલર્ટ જાહેર કર્યું છે.
Cyclone Shakti Gujarat: અરબ સાગરમાં સક્રિય થયેલું સિઝનનું પ્રથમ વાવાઝોડું 'શક્તિ' (Cyclone Shakti) ગુજરાત માટે ફરી એકવાર ચિંતાનું કારણ બન્યું છે. ભારતીય હવામાન વિભાગ (IMD) ની આગાહી મુજબ, આ વાવાઝોડું આગામી 6 ઓક્ટોબરથી યુ-ટર્ન લઈને ગુજરાત તરફ આગળ વધે તેવી શક્યતા છે. 'શક્તિ' વાવાઝોડાની અસરને પગલે સૌરાષ્ટ્ર અને દક્ષિણ ગુજરાતના વિસ્તારોમાં ભારે વરસાદની સંભાવના છે, જેના માટે મુંબઈ સહિત ગુજરાતના જિલ્લાઓમાં ઍલર્ટ જાહેર કરવામાં આવ્યું છે. હાલમાં વાવાઝોડું દ્વારકાથી 510 કિલોમીટર દૂર છે અને 13 કિલોમીટર પ્રતિ કલાકની ઝડપે આગળ વધી રહ્યું છે. તંત્ર દ્વારા પોરબંદર બંદર પર દરિયામાં કરંટને કારણે 3 નંબરનું સિગ્નલ લગાવવામાં આવ્યું છે, સાથે જ માછીમારોને 5 દિવસ સુધી દરિયો ન ખેડવાની કડક સૂચના આપવામાં આવી છે.
IMD મુજબ, વાવાઝોડું હાલમાં ધીમી ગતિએ આગળ વધી રહ્યું છે, પરંતુ તે પહેલાં મહારાષ્ટ્રના મુંબઈ, રાયગઢ, થાણે, સિંધુદુર્ગ, રત્નાગિરી અને પાલઘર જેવા જિલ્લાઓમાં તબાહી મચાવી શકે છે. જોકે, તેનો સૌથી મોટો પ્રભાવ ગુજરાતના દરિયાકાંઠાના વિસ્તારો પર પડવાની શક્યતા છે.
ભારે વરસાદ માટે યલો ઍલર્ટ: હવામાન વિભાગે 8 અને 9 ઓક્ટોબરના રોજ સૌરાષ્ટ્ર અને દક્ષિણ ગુજરાતના 6 જિલ્લામાં ભારે વરસાદનું યલો ઍલર્ટ જાહેર કર્યું છે. 8 ઓક્ટોબર: જામનગર, દેવભૂમિ દ્વારકા, પોરબંદર, સુરત, નવસારી અને વલસાડ. 9 ઓક્ટોબર: મુખ્યત્વે વલસાડ જિલ્લામાં ભારે વરસાદની શક્યતા છે.
The #severe #cyclonic #storm #Shakhti over northwest & adjoining northeast #Arabian Sea moved west-southwestwards with a speed of 13 kmph during last 6 hours and lay centered at 1430 hrs IST of today, over the same region near latitude 21.8°N and longitude 63.8°E. pic.twitter.com/tLNb9dc0RX
— India Meteorological Department (@Indiametdept) October 4, 2025
આ ઉપરાંત, 10 ઓક્ટોબર સુધી રાજ્યના છૂટાછવાયા સ્થળોએ ગાજવીજ અને 30 થી 40 કિલોમીટર પ્રતિ કલાકની ઝડપે પવન ફૂંકાવાની સાથે હળવાથી મધ્યમ વરસાદની આગાહી કરવામાં આવી છે. ભારે પવનની ચેતવણીને કારણે માછીમારોને આગામી પાંચ દિવસ સુધી દરિયો ન ખેડવા માટે સૂચના આપી દેવામાં આવી છે.
#WATCH | Ahmedabad, Gujarat: On Cyclone Shakti, Abhimanyu Chauhan, IMD Scientist says, "...A severe cyclone has formed in the North East Arabian Sea with a westward movement of 18km/hr...On the morning of the 6th, it will start moving towards Gujarat. There will be very low… pic.twitter.com/AVUqDs2bEL
— ANI (@ANI) October 4, 2025
સાયક્લોનિક તૂફાનોના નામ રાખવાની એક ખાસ પ્રક્રિયા હોય છે. બંગાળની ખાડી અને અરબ સાગરમાંથી આવતા તૂફાનોના નામકરણની સિસ્ટમ વર્ષ 2004 માં શરૂ થઈ હતી. આ સિસ્ટમમાં ભારત, બાંગ્લાદેશ, માલદીવ, મ્યાનમાર, ઓમાન, પાકિસ્તાન, શ્રીલંકા અને થાઇલેન્ડ જેવા દેશો સહભાગી છે.
વર્તમાન વાવાઝોડું 'શક્તિ' નામ શ્રીલંકા દ્વારા આપવામાં આવ્યું છે. આ નામ એક તમિલ શબ્દ છે, જેનો અર્થ 'તાકાત' અથવા 'Power' થાય છે. વાવાઝોડાના નામકરણ માટેના કેટલાક નિયમોનું પાલન કરવું અનિવાર્ય છે, જેમ કે નામ અપમાનજનક ન હોવું જોઈએ, તે ટૂંકું અને સરળ હોવું જોઈએ, અને એકવાર ઉપયોગમાં લેવાયા પછી તે નામનો ફરીથી ઉપયોગ થઈ શકતો નથી.
ટોપ સ્ટોરી
ટ્રેન્ડિંગ સમાચાર
