Rain Update: એક સાથે ચાર સિસ્ટમ એક્ટિવ, ગાજવીજ અને ભારે પવન સાથે વરસાદનું એલર્ટ
Rain Update: રાજ્યમાં વરસાદ લાવતી એક સાથે ચાર સિસ્ટમ એક્ટિવ થઇ હોવાથી રાજ્યભરના વાતાવરણમાં પલટો આવ્યો છે અને ગત રાત્રે અને જિલ્લામાં ગાજવીજ સાથે વરસાદ વરરસ્યો
Gujarat Rain Update: દેશભરના મોટાભાગના રાજ્યોના હવામાન પલટાયું છે. ગુજરાત રાજ્યમાં પણ હવામાનમાં મોટો ફેરફાર જોવા મળ્યો છે. હવામાન વિભાગ મુજબ એકસાથે ચાર અલગ-અલગ સિસ્ટમ સક્રિય થવાના કારણે આગામી દિવસોમાં વરસાદની શક્યતા વ્યક્ત કરવામાં આવી છે. હવામાન મોડલ મુજબ, આગામી ચાર દિવસ સુધી રાજ્યના વિવિધ વિસ્તારોમાં ભારે પવન સાથે વરસાદ વરસી શકે છે. કેટલાક વિસ્તારોમાં પવનની ગતિ વધુ અને વીજળી પડવાની ઘટના પણ બની શકે છે. આ દરમિયાન 40 -50 કિમી પ્રતિ કલાક સુધી પવન ફૂંકાવાની શક્યતા છે. ખાસ કરીને દરિયાકાંઠા અને ખુલ્લા વિસ્તારોમાં પવન વધુ તેજ રહેવાની શક્યતા છે.
તાપમાનમાં ઘટાડાનો અનુમાન
આ હવામાન બદલાવના કારણે આગામી બે દિવસમાં રાજ્યના તાપમાનમાં લગભગ 4 ડિગ્રી સેલ્સિયસ સુધીનો ઘટાડો નોંધાઈ શકે છે. જેના કારણે લોકોને ગરમીમાંથી આંશિક રાહત મળવાની શક્યતા છે.
આ પણ વાંચો: Weather : દેશભરમાં બદલાયું હવામાન, આગામી 24 કલાકમાં 10 રાજ્યોમાં ભારે પવન સાથે વરસાદનું ઓરેન્જ અલર્ટ
ક્યાં વરસશે વરસાદ
રાજ્યમાં દાહોદ, છોટાઉદેપુર, નર્મદા, સુરત, વાપી,નવસારી, ડાંગ, વલસાડ, દમણ અને દાદરાનગર હવેલીમાં હળવાથી મધ્યમ વરસાદનું અનુમાન છે. વરસાદની સાથે 40 કિમી પ્રતિ કલાકની ઝડપે પવન ફૂંકાવવાની આગાહી અમદાવાદમાં પણ આજે બપોર બાદ મધ્યમ વરસાદની શક્યતા હવમાન વિભાગે વ્યક્ત કરી છે. અમદાવાદમાં આજે GT અને RCB વચ્ચે મહામુકાબલો છે. વરસાદની આગાહીના કારણે ક્રિકેટ રસીકોમાં ચિંતા વધી છે.
અમદાવાદમાં આજે સામાન્યથી મધ્યમ વરસાદ ફાઇનલ મેચમાં વિઘ્નરૂપ બની શકે છે.
પ્રિ-મોન્સૂન એક્ટિવિટીનો અસર
હવામાન વિભાગના જણાવ્યા મુજબ આ સ્થિતિ પ્રિ-મોન્સૂન એક્ટિવિટીના ભાગરૂપે જોવા મળી રહી છે. આ દરમિયાન પારો કેટલાક વિસ્તારોમાં 36 ડિગ્રી સેલ્સિયસ સુધી પહોંચી શકે છે, ત્યારબાદ વરસાદી માહોલ વધુ સક્રિય થઈ શકે છે. હવામાન વિભાગે લોકોને સાવચેત રહેવા અને જરૂર વગર બહાર ન નીકળવાની સલાહ આપી છે, ખાસ કરીને જ્યાં તેજ પવન અને વરસાદની શક્યતા વધુ હોય ત્યાં ખાસ તકેદારી રાખવા જણાવ્યું છે.
રાજ્યમાં છેલ્લા 24 કલાકમાં 45 તાલુકામાં નોંધાયો વરસાદ
ગુજરાતમાં પ્રી-મોન્સૂન એક્ટિવિટીના ભાગરૂપે છેલ્લા 24 કલાક દરમિયાન રાજ્યના 45 તાલુકાઓમાં વરસાદ નોંધાયો છે. હવામાનમાં આવેલા પલટાને કારણે અનેક વિસ્તારોમાં વરસાદી માહોલ સર્જાયો હતો.રાજ્યના 18 તાલુકાઓમાં અડધાથી લઈને સવા ઈંચ સુધી વરસાદ વરસ્યો છે. મહિસાગર જિલ્લાના વીરપુર તાલુકામાં સૌથી વધુ સવા ઈંચ વરસાદ નોંધાયો છે. જ્યારે અરવલ્લીના મોડાસામાં એક ઈંચથી વધુ વરસાદ પડ્યો હતો.પંચમહાલના શહેરા અને અરવલ્લીના ભિલોડામાં એક ઈંચ વરસાદ નોંધાયો છે. ઉપરાંત સાબરકાંઠાના વડાલી અને મહિસાગરના કડાણા તાલુકામાં પણ એક ઈંચ જેટલો વરસાદ વરસ્યો હતો.મોરવા હડફ અને ધનસુરા તાલુકામાં પોણો ઈંચ વરસાદ નોંધાયો છે. સાબરકાંઠાના ખેડબ્રહ્મા તેમજ દાહોદ તાલુકામાં પણ પોણો ઈંચ જેટલો વરસાદ પડ્યો હતો. આ ઉપરાંત સાઠંબા, માલપુર અને વિજયનગરમાં અડધા ઈંચ સુધી વરસાદ નોંધાયો છે. જ્યારે ક્વાંટ, બોડેલી, ઈડર, મેઘરજ અને શામળાજી સહિતના વિસ્તારોમાં પણ અડધો ઈંચ વરસાદ વરસતાં વાતાવરણમાં ઠંડક પ્રસરી ગઈ છે. હવામાન વિભાગે 8 મે સુધી રાજ્યના વિવિધ વિસ્તારોમાં ગાજવીજ સાથે વરસાદની શક્યતા વ્યક્ત કરી છે.
Before You Go
Gandhinagar Municipal Election Results : ગાંધીનગરના મનપાના આ વોર્ડમાં કોંગ્રેસની આખી પેનલની જીત
ટોપ સ્ટોરી
ટ્રેન્ડિંગ સમાચાર
