Gujarat Assembly Election 2022 Live Updates: PM મોદીનો રોડ શો શરૂ, દિલ્હી દરવાજા પાસે લોકોની ભીડ ઉમટી
ગુજરાત વિધાનસભાની પ્રથમ તબક્કાની ચૂંટણીનું મતદાન પૂર્ણ થઈ ગયું છે
LIVE
Background
ગુજરાત વિધાનસભાની પ્રથમ તબક્કાની ચૂંટણીનું મતદાન પૂર્ણ થઈ ગયું છે. ચૂંટણી પંચના આંકડા મુજબ પ્રથમ તબક્કાના 19 જિલ્લાની 89 બેઠકો પર કુલ 63.14 ટકા મતદાન થયું છે. પ્રથમ તબક્કાની ચૂંટણીના મતદાનમાં ડેડિયાપાડામાં સૌથી વધુ 82.33 ટકા તો કચ્છના ગાંધીધામમાં સૌથી ઓછુ 47.86 ટકા મતદાન નોંધાયું છે. કુલ 788 ઉમેદવારોના ભાવી ઈવીએમમાં કેદ થયા છે. તો કેટલીક જગ્યાએ ઈવીએમ પણ ખોટવાયા હોવાની ફરિયાદો મળી હતી.
જિલ્લા મુજબ થયેલ મતદાનની વાત કરીએ તો અમરેલી જિલ્લામાં 57.59 ટકા, ભરૂચ જિલ્લામાં 66.61 ટકા, ભાવનગર જિલ્લામાં 59.71 ટકા, બોટાદ જિલ્લામાં 57.58 ટકા મતદાન થયું. ડાંગ જિલ્લામાં 67.33 ટકા, દેવભૂમિ દ્વારકામાં 61.70 ટકા, ગીર સોમનાથ જિલ્લામાં 65.93 ટકા, જામનગર જિલ્લામાં 58.01 ટકા, જૂનાગઢ જિલ્લામાં 59.52 ટકા, કચ્છ જિલ્લામાં 59.80 ટકા મતદાન થયું. મોરબી જિલ્લામાં 69.77 ટકા, નર્મદા જિલ્લામાં 73.50 ટકા, નવસારી જિલ્લામાં 71.06 ટકા, પોરબંદર જિલ્લામાં 59.51 ટકા, રાજકોટ જિલ્લામાં 60.45 ટકા, સુરત જિલ્લામાં 62.27 ટકા મતદાન થયું. સુરેન્દ્રનગર જિલ્લામાં 62.46 ટકા, તાપી જિલ્લામાં 76.91 ટકા, વલસાડ જિલ્લામાં 69.05 ટકા મતદાન થયું.
પ્રધાનમંત્રી નરેન્દ્ર મોદીનો રોડ-શો
પ્રધાનમંત્રી નરેન્દ્ર મોદીનો રોડ-શો શરુ થઈ ગયો છે. પીએમ રોડ શો બાદ સરસપુર ખાતે સભા સંબોધશે. હરિભાઈ ગોધાણી સર્કલ રોડ-શોનો અંત થશે. ત્યારબાદ વિક્રમ મિલ કમ્પાઉન્ડ મેદાનમાં સભા થશે. રસ્તા પર બાપુનગર વિધાનસભાના ઉમેદવાર દીનેશસિંહ કુશવાહના મોટા પોસ્ટર લાગ્યા હતા. કેસરી ફુગ્ગા લગાવ્યા, ભાજપના ધ્વજ અને તોરણ લાગ્યા છે. આસપાસના ધાબા પર પોલીસ જવાનો સુરક્ષામાં તૈનાત છે.
સરકાર બનશે તો કૉંગ્રેસ OBC સમાજમાંથી બનાવશે મુખ્યમંત્રી
સૂત્રો પાસેથી મળેલી જાણકારી અનુસાર, સરકાર બનશે તો કૉંગ્રેસ OBC સમાજમાંથી બનાવશે મુખ્યમંત્રી. સાથે જ કૉંગ્રસ ત્રણ નાયબ મુખ્યમંત્રી બનાવશે. જે અનુસુચિત જાતિ, આદિવાસી અને લઘુમતી સમાજમાંથી હશે.પહેલા તબક્કાનું મતદાન પૂર્ણ થયા બાદ ગઈકાલે અમદાવાદમાં કૉંગ્રેસની ઉચ્ચરસ્તરીય બેઠક મળી. જેમાં કૉંગ્રેસના રાષ્ટ્રીય અધ્યક્ષ મલ્લિકાર્જૂન ખડગે અને રાજસ્થાનના મુખ્યમંત્રી અશોક ગહેલોતે આ નિર્ણય લીધો છે. સૂત્રોની માહિતી પ્રમાણે આ બાબતે ખડગેએ રાહુલ ગાંધી સાથે પણ ફોન પર વાત કરી હતી.
વડાપ્રધાન નરેન્દ્ર મોદીએ બનાસકાંઠાના કાંકરેજમાં ચૂંટણી સભાને સંબોધન કર્યુ
વડાપ્રધાન નરેન્દ્ર મોદીએ બનાસકાંઠાના કાંકરેજમાં ચૂંટણી સભાને સંબોધન કર્યુ હતુ. તે અગાઉ પ્રધાનમંત્રી નરેન્દ્ર મોદીએ કાંકરેજમાં બિરાજમાન શ્રી ઓગડનાથજી મહારાજના મંદિરે દર્શન કર્યા હતા. ચૂંટણી સભા અગાઉ પ્રધાનમંત્રી નરેન્દ્ર મોદી ઓગડધામ પહોંચ્યા હતા. જ્યાં તેમણે ઓગડનાથજી મહારાજના મંદિરે દર્શન કરીને આશીર્વાદ મેળવ્યા હતા.
પ્રધાનમંત્રી નરેંદ્ર મોદી આજે ફરી અમદાવાદમાં રોડ શો કરશે
પ્રધાનમંત્રી નરેંદ્ર મોદી આજે ફરી અમદાવાદમાં રોડ શો કરશે. શાહીબાગથી સરસપુર સુધી રોડ શો યોજાશે. ખાનપુર, વિજળીઘર ચાર રસ્તા, ભદ્રકાળી મંદીર,ખમાસા ચાર રસ્તા,મ્યુ કોર્પો ઓફીસ, ઢાળની પોળ, આસ્ટોડીયા,રાયપુર દરવાજા,કાપડીવાડ, સારંગપુર , આંબેડકર પ્રતિમા સુધી રોડ શો યોજાશે. સાથે જ ભદ્રકાળી માતાના મંદીરે પણ દર્શન કરશે. ગઈકાલે પણ પીએમ મોદીનો ભવ્યરોડ શો યોજાયો હતો. સાંજે નરોડાથી શરૂ થયેલો રોડ શો ચાંદખેડાના IOC ચાર રસ્તાએ પૂર્ણ થયો. 32 કિલોમીટર લાંબા રોડ શો દરમિયાન રસ્તાની બંને તરફ ભારે ભીડ ઉમટી હતી.
ગોલ્ડી બરારને અમેરિકામા પકડી લેવામાં આવ્યો
Sidhu Moosewala murder case: Gangster Goldy Brar detained in US, says Punjab CM
— ANI Digital (@ani_digital) December 2, 2022
Read @ANI Story | https://t.co/flxb3Xos5y#SidhuMoosewala #GoldyBrar #Bhagwantmann #Punjab pic.twitter.com/RvvSQtC7Vu
ટ્રેન્ડિંગ સમાચાર
ટોપ સ્ટોરી
