Coronavirus: રાજ્યમાં પોઝિટિવ કેસનો આંકડો 186 પર પહોંચ્યો

આજે વડોદરામાં પાંચ અને ભાવનગરમાં બે પોઝિટિવ કેસ નોંધાયા છે.

અમદાવાદઃ રાજ્યમાં કોરોના વાયરસનો ખતરો સતત વધી રહ્યો છે. આ કોરોનાના કુલ સાત નવા કેસ નોંધાયા છે. છેલ્લા 24 કલાકમાં ગુજરાતમાં 11 કેસ નોંધાયા છે. આ સાથે રાજ્યમાં કોરોનાના કુલ 186 કેસ પોઝિટિવ છે. જ્યારે અત્યારસુધી 16 લોકો કાતિલ કોરોનાનો શિકાર બન્યા છે. આજે વડોદરામાં પાંચ અને ભાવનગરમાં બે પોઝિટિવ કેસ નોંધાયા છે. આ પહેલા સુરતમાં 1, વડોદરામાં એક અને ભાવનગરમાં 2 નવા કેસ સામે આવ્યા હતા. જિલ્લાવાર પોઝિટિવ કેસની સંખ્યા આ પ્રમાણે છે. અમદાવાદ - 83 (5-મોત), સુરત - 23 (4-મોત), રાજકોટ - 11, વડોદરા -18 (2-મોત), ગાંધીનગર - 13, ભાવનગર - 18 (2-મોત), કચ્છ - 2, મહેસાણા - 2, ગીર સોમનાથ - 2, પોરબંદર - 3, પંચમહાલ - 1 (1-મોત), પાટણ - 5  (1-મોત), છોટા ઉદેપુર - 1, જામનગર - 1  (1-મોત), મોરબી - 1, આણંદ - 1, સાબરકાંઠા - 1. રાજ્યમાં જે કુલ 186 કોરોના પોઝિટિવ કેસ છે તેમાંથી 143 દર્દીની સ્થિતિ સ્થિર છે. જ્યારે 2 લોકોની સ્થિતિ ક્રિટિકલ છે અને તેમને વેન્ટિલેટર પર રાખવામાં આવ્યા છે. ઉપરાંત અત્યાર સુધીમાં 25 લોકો સાજા થઈ ગયા છે અને તેમને ડિસ્ચાર્જ કરવામાં આવ્યા છે.