Gujarat Election 2022: આવતીકાલે વડાપ્રધાન મોદી ફરી આવશે ગુજરાત, આ ચાર સ્થળોએ સંબોધશે ચૂંટણી સભા

તો દાહોદના ખરોડ ગામે બપોરે પીએમ મોદી ચૂંટણી સભાને સંબોધશે

ફાઇલ તસવીર

ગાંધીનગરઃ વડાપ્રધાન મોદી આવતીકાલે ફરી એકવાર ગુજરાતના પ્રવાસે આવશે. ગુજરાત વિધાનસભાની ચૂંટણીને ધ્યાનમાં રાખીને વડાપ્રધાન મોદી આવતીકાલે મહેસાણા,દાહોદ,વડોદરા અને ભાવનગર એમ ચાર સ્થળે રેલી સંબોધશે. પીએમ મોદીની સભા લઈને ભાવનગરના ચિત્રામાં તડામાર તૈયારી ચાલી રહી છે.

તો દાહોદના ખરોડ ગામે બપોરે પીએમ મોદી ચૂંટણી સભાને સંબોધશે. જેમાં દાહોદ જિલ્લાની 6 બેઠક ઉપરાંત મહિસાગરની સંતરામપુર બેઠકના ઉમેદવારો માટે પ્રચાર કરશે.

 ભાજપ સામે બળવો કરનારા વધુ 12 નેતાઓને કરાયા સસ્પેન્ડ

Gujarat BJP Leader Suspended: ગુજરાત વિધાનસભાની ચૂંટણીમાં ટિકિટ ન મળતાં બળવો કરનાર નેતાઓ સામે ભાજપે કાર્યવાહી કરી છે. ભાજપે મંગળવારે (22 નવેમ્બર) જાહેર કરેલા ઉમેદવાર સામે અપક્ષ તરીકે ચૂંટણી લડી રહેલા 12 નેતાઓને સસ્પેન્ડ કરી દીધા હતા. ભાજપે કહ્યું કે આ નેતાઓની સદસ્યતા તાત્કાલિક અસરથી રદ કરવામાં આવી છે. ભાજપે વડોદરા જિલ્લામાં 3, મહિસાગર જિલ્લામાં 2, પંચમહાલ, મહેસાણા, અરવલ્લી અને બનાસકાંઠા જિલ્લામાં 12 નેતાઓને સસ્પેન્ડ કર્યા છે.

ભાજપે જે નેતાઓને સસ્પેન્ડ કર્યા છે તેમના નામ છે દિનુ પટેલ, મધુ શ્રીવાસ્તવ, કુલદીપ સિંહ, ઉદયસિંહ રાઉલ, ખતુ પગી, એસએમ ખાંટ, જે.પી. પટેલ, રમેશ ઝાલા, અમરશી ઝાલા, ધવલસિંહ ઝાલા, રામસિંહ શંકરજી ઠાકોર, માવજી. દેસાઈ અને લેબજી ઠાકોર.

બે દિવસ પહેલા પણ સાત નેતાઓને સસ્પેન્ડ કરવામાં આવ્યા હતા

 

ગયા રવિવારે (20 નવેમ્બર) ગુજરાતમાં અનુશાસનાત્મક પગલાં લેતા ભાજપે સાત નેતાઓને સસ્પેન્ડ કર્યા હતા. આ નેતાઓએ ટિકિટ નકાર્યા બાદ અપક્ષ ઉમેદવાર તરીકે ઉમેદવારી નોંધાવી હતી. આ તમામ સાતેય ઉમેદવારો ગુજરાત વિધાનસભાની ચૂંટણીના પ્રથમ તબક્કામાં ટિકિટ માંગી રહ્યા હતા. ભાજપના પ્રદેશ અધ્યક્ષ સીઆર પાટીલ દ્વારા જારી કરાયેલા પત્રમાં કહેવામાં આવ્યું છે કે આ નેતાઓને પાર્ટી વિરોધી પ્રવૃત્તિઓમાં સામેલ થવા બદલ છ વર્ષ માટે સસ્પેન્ડ કરવામાં આવ્યા છે. ભાજપે કહ્યું કે આ નેતાઓની સદસ્યતા તાત્કાલિક અસરથી રદ કરવામાં આવી છે. 

રવિવારે ભાજપ દ્વારા સસ્પેન્ડ કરાયેલા નેતાઓમાં નાંદોદથી હર્ષદ વસાવા, જૂનાગઢ કેશોદથી ટિકિટ માંગતા અરવિંદ લાડાણી, સુરેન્દ્રનગરના ધાંગદરામાંથી છત્રસિંહ ગુંઝારિયા, વલસાડના પારડીથી કેતનભાઈ પટેલ, રાજકોટ ગ્રામ્ય ભરતભાઈ ચાવડા, વેરાવળથી ઉદયભાઈ શાહ અને અમરેલીના રાજુલામાંથી ટિકિટ માંગી રહેલા કરણ બારૈયા સામેલ છે