Gujarat Rain Alert: આવતીકાલે ગુજરાતમાં તૂટી પડશે વરસાદ, 4 જિલ્લામાં રેડ અને 9 જિલ્લામાં ઓરેન્જ એલર્ટ જાહેર

અપર એર સાયક્લોનિક સર્ક્યુલેશનને કારણે રાજ્યના અનેક જિલ્લાઓમાં રેડ, ઓરેન્જ અને યલો એલર્ટ જાહેર; માછીમારોને આગામી 3 દિવસ દરિયો ન ખેડવા કડક સૂચના.

gujarat rain alert tomorrow red alert 4 districts orange alert 9 update

Source : ai

Show Quick Read

Key points generated by AI, verified by newsroom

• ગુજરાતમાં આગામી બે દિવસ ભારેથી અતિભારે વરસાદની આગાહી.
• આજે નવસારી-વલસાડમાં રેડ એલર્ટ; સુરત, તાપી, ડાંગ ઓરેન્જ.
• કાલે પણ દક્ષિણ ગુજરાતમાં રેડ એલર્ટ, અન્યત્ર ઓરેન્જ એલર્ટ.
• બંદરો પર સિગ્નલ ૩, માછીમારોને દરિયો ન ખેડવા સૂચના.

Gujarat Rain News: ગુજરાતમાં ફરી એકવાર મેઘરાજા ધબધબાટી બોલાવવા માટે તૈયાર છે. અપર એર સાયક્લોનિક સર્ક્યુલેશન અને ટ્રફ લાઈન સક્રિય થવાને કારણે હવામાન વિભાગે આજથી આગામી 2 દિવસ સુધી રાજ્યના મોટાભાગના જિલ્લાઓમાં અત્યંત ભારે વરસાદની આગાહી કરી છે. વરસાદના રૌદ્ર સ્વરૂપની શક્યતાને જોતા દક્ષિણ ગુજરાતના બંદરો પર 3 નંબરનું સિગ્નલ લગાવી દેવામાં આવ્યું છે. આ સાથે જ દરિયામાં ભારે કરંટ જોવા મળી રહ્યો હોવાથી માછીમારોને પણ આગામી 3 દિવસ સુધી દરિયો ન ખેડવા માટે કડક સૂચના આપી દેવામાં આવી છે. આવતીકાલે એટલે કે 22 જુલાઈના રોજ પણ અનેક જિલ્લાઓમાં મેઘમહેર થવાની પૂરી સંભાવના છે, જેના માટે વિસ્તારો પ્રમાણે એલર્ટ જાહેર કરાયા છે.

હવામાન વિભાગની આજની આગાહી પર નજર કરીએ તો, આજે દક્ષિણ ગુજરાતમાં વરસાદનું જોર વધુ રહેશે. નવસારી અને વલસાડ જિલ્લા માટે અત્યંત ભારે વરસાદની આગાહી સાથે 'રેડ એલર્ટ' જાહેર કરાયું છે. જ્યારે સુરત, તાપી અને ડાંગ માટે હવામાન વિભાગે 'ઓરેન્જ એલર્ટ' આપ્યું છે. આ સિવાય રાજ્યના અન્ય 10 જિલ્લાઓ એવા છે જ્યાં આજે વરસાદને લઈને 'યલો એલર્ટ' આપવામાં આવ્યું છે.

આવતીકાલની (22 જુલાઈ) આગાહી અને એલર્ટની સ્થિતિ:

રેડ એલર્ટ (અત્યંત ભારે વરસાદની આગાહી):

આવતીકાલે એટલે કે 22 જુલાઈએ દક્ષિણ ગુજરાતના નવસારી અને વલસાડ જિલ્લાની સાથે સાથે સંઘ પ્રદેશ દમણ અને દાદરાનગર હવેલીમાં મેઘરાજા તૂટી પડશે તેવી સંભાવના છે. આ વિસ્તારોમાં જળબંબાકારની સ્થિતિ સર્જાઈ શકે છે, તેથી હવામાન વિભાગે અહીં 'રેડ એલર્ટ' જાહેર કર્યું છે.

આ પણ વાંચોઃ ગુજરાતમાં વરસાદનું રૌદ્ર સ્વરૂપ: 118 તાલુકામાં મેઘમહેર, આ 2 જિલ્લામાં રેડ એલર્ટ!

ઓરેન્જ એલર્ટ (ભારે વરસાદની આગાહી):

મધ્ય અને દક્ષિણ ગુજરાતના અન્ય વિસ્તારોમાં પણ વરસાદનું જોર જોવા મળશે. 22 જુલાઈના રોજ અરવલ્લી, મહીસાગર, પંચમહાલ, દાહોદ અને છોટા ઉદેપુરની સાથે દક્ષિણ ગુજરાતના નર્મદા, સુરત, તાપી અને ડાંગ જિલ્લામાં ભારે વરસાદ પડી શકે છે. આ જિલ્લાઓ માટે હવામાન વિભાગે 'ઓરેન્જ એલર્ટ' જાહેર કર્યું છે.

યલો એલર્ટ (સામાન્યથી મધ્યમ વરસાદની આગાહી):

અમદાવાદ અને ગાંધીનગર સહિતના કેટલાક જિલ્લાઓમાં પણ સારો વરસાદ થવાની વકી છે. આવતીકાલે અમદાવાદ, ગાંધીનગર, સાબરકાંઠા, આણંદ, ખેડા, વડોદરા અને ભરૂચ જિલ્લા માટે 'યલો એલર્ટ' જાહેર કરવામાં આવ્યું છે.

આમ, આગામી બે દિવસ રાજ્યમાં ચોમેર વરસાદી માહોલ છવાયેલો રહેશે અને તંત્ર દ્વારા પણ લોકોને સાવચેત રહેવા અપીલ કરવામાં આવી છે.

આ પણ વાંચોઃ આવતીકાલે ગુજરાત સહિત 16 રાજ્યોમાં ભારે વરસાદ તૂટી પડશે, હવામાન વિભાગની મોટી આગાહી