કથાકારની કાળી કરતુત, મહિલાઓને વિશ્વાસમાં લઈ....

બોટાદ:  કથાકારની કાળી કરતુત સામે આવી છે. જેમા મહિલાઓને વિશ્વાસમાં લઈને 45 લાખ રૂપિયાની છેતરપિંડી કરી છે. ગુજરાતમાં રહેતા કથાકાર પ્રભુજી મહારાજ ઇન્દોરના સુદામા નગર વિસ્તારમાં પોસ્ટર દ્વારા કથાની જાહેરાત કરી હતી.

પ્રભુજી મહારાજ બળવંતભાઈ ચૌહાણને લીલીયા પોલીસે ઝડપી પાડ્યા

બોટાદ:  કથાકારની કાળી કરતુત સામે આવી છે. જેમા મહિલાઓને વિશ્વાસમાં લઈને 45 લાખ રૂપિયાની છેતરપિંડી કરી છે. ગુજરાતમાં રહેતા કથાકાર પ્રભુજી મહારાજ ઇન્દોરના સુદામા નગર વિસ્તારમાં પોસ્ટર દ્વારા કથાની જાહેરાત કરી હતી. જેમા આ વિસ્તારની 60 વર્ષથી વધુ ઉંમરની મહિલાઓને 500 રૂપિયામાં અને 60 વર્ષથી નીચેની ઉંમરની મહિલાઓને 1000 રૂપિયામાં હરિદ્વાર કથા શ્રવણમાં લઈ જવાનું કથાકારે કહ્યું હતું. મહિલાઓને વિશ્વાસમાં લઈને ચાર હજારથી વધુ મહિલાઓ પાસેથી 45 લાખ રૂપિયા ખંખેરી લીધા હતા. મધ્યપ્રદેશના ઇન્દોર જિલ્લાના દ્વારકાપુરી પોલીસ સ્ટેશનમાં છેતરપિંડી અને વિશ્વાસઘાતની ફરિયાદ નોંધાઈ હતી. તો આ ફરિયાદ બાદ નાસતા ફરતા આરોપી અજીતભાઈ ઉર્ફે પ્રભુજી મહારાજ બળવંતભાઈ ચૌહાણને લીલીયા પોલીસે ઝડપી પાડ્યા છે.

ચારધામ યાત્રામાં થઈ કોરોનાની એન્ટ્રી

Chardham Yatra: પવિત્ર ચારધામની યાત્રામાં કોરોનાની એન્ટ્રી થઈ છે. મૃતક શ્રદ્ધાળુમાંથી બેનો કોરોના રિપોર્ટ પોઝિટિવ આવ્યો છે. પોસ્ટમોર્ટમ રિપોર્ટમાં થયેલા ખુલાસા મુજબ જે લોકોના મોત થયા છે તેમાં કોરોના પોઝિટિવ પણ સામેલ છે. ચારધામ યાત્રામાં અત્યાર સુધીમાં 56 લોકોના મોત થયા છે, જેમાંથી 54 લોકોના મોત હાર્ટઅટેકના કારણે થયા છે. રાજ્ય સરકારે પણ ચારેય ધામ માટે દૈનિક શ્રદ્ધાળુઓની સંખ્યા પણ નક્કી કરી છે. કેદારનાથમાં દરરોજ 12 હજાર અને બદ્રીનાથમાં દરરોજ 15 હજાર શ્રદ્ધાળુઓ જ દર્શન કરી શકશે. એટલુ જ નહીં દર્શન માટે પર્યટન વિભાગની વેબસાઈટ પર પણ રજિસ્ટ્રેશન કરવાનું ફરજીયાત કરાયું છે.

આ ધામ દર વર્ષે છ મહિના (એપ્રિલના અંત અને નવેમ્બરની શરૂઆત વચ્ચે) માટે ખુલ્લું રહે છે. ચારધામ યાત્રા 3 મેના રોજ અક્ષય તૃતીયાના શુભ અવસર પર ઉત્તરકાશી જિલ્લામાં ગંગોત્રી અને યમુનોત્રી મંદિરોના દરવાજા ખોલવાની સાથે શરૂ થઈ હતી. રવિવારે સવારે બદ્રીનાથ ધામમાં મોટી સંખ્યામાં ઉપસ્થિત ભક્તો સાથે ધાર્મિક વિધિઓ અને મંત્રોચ્ચાર અને આર્મી બેન્ડની ધૂન સાથે બદ્રીનાથ ધામના દરવાજા ખોલવામાં આવ્યા હતા. બીજી તરફ ચારધામ યાત્રા દરમિયાન આ વર્ષે દર્શન માટે ભક્તોની સંખ્યા નક્કી કરવામાં આવી છે. સરકારી આદેશમાં કહેવામાં આવ્યું છે કે બદ્રીનાથ ધામમાં માત્ર 15 હજાર, કેદારનાથમાં 12 હજાર, ગંગોત્રીમાં 7 હજાર અને યમુનોત્રીમાં 4 હજાર શ્રદ્ધાળુઓને જ દૈનિક દર્શન કરવાની મંજૂરી આપવામાં આવશે.

આ પહેલા બાબા કેદારનાથ, ગંગોત્રી અને યમુનોત્રીના કપાટ ખોલવામાં આવ્યા હતા. 6 મેના રોજ બાબા કેદારનાથના કપાટ ખોલવામાં આવ્યા છે જ્યારે 3 મેના રોજ ગંગોત્રી અને યમુનોત્રી ધામના કપાટ ખોલવામાં આવ્યા છે.