Gujarat Rain: ગુજરાતના આ જિલ્લાઓમાં આજે ભારે વરસાદને લઈ હવામાન વિભાગનું એલર્ટ, જાણો ક્યાં તૂટી પડશે
હવામાન વિભાગની આગાહી મુજબ ગુજરાતમાં વરસાદી સિસ્ટમ ફરી સક્રિય થઈ રહી છે. આગામી 3 દિવસ દરમિયાન, એટલે કે 01 થી 03 સપ્ટેમ્બર સુધી કેટલાક જિલ્લાઓમાં ગાજવીજ સાથે મધ્યમથી ભારે વરસાદની શક્યતા છે.
અમદાવાદ: હવામાન વિભાગની આગાહી મુજબ ગુજરાતમાં વરસાદી સિસ્ટમ ફરી સક્રિય થઈ રહી છે. આગામી 3 દિવસ દરમિયાન, એટલે કે 01 થી 03 સપ્ટેમ્બર સુધી કેટલાક જિલ્લાઓમાં ગાજવીજ સાથે મધ્યમથી ભારે વરસાદની શક્યતા છે. 04 સપ્ટેમ્બરથી વરસાદનું જોર ખૂબ વધશે અને રાજ્યના 22 થી વધુ જિલ્લાઓમાં ભારેથી અતિભારે વરસાદનું યલો-ઓરેન્જ એલર્ટ જાહેર કરાયું છે. રાજ્ય પર 2 સિસ્ટમ એક્ટિવ હોવાથી આગામી 10 સપ્ટમ્બર સુધી વરસાદનું અનુમાન છે.
હવામાન વિભાગની આગાહી મુજબ આજે સાબરકાંઠા, અરવલ્લી, મહીસાગર, દાહોદ, પંચમહાલ, નવસારી અને વલસાડ જિલ્લામાં યલો એલર્ટ સાથે ભારે વરસાદનું અનુમાન છે. આ જિલ્લાઓમાં આજે ગાજવીજ સાથે ભારે વરસાદ વરસી શકે છે.
વરસાદના આ રાઉન્ડમાં ગુજરાતમાં મધ્યમથી ભારે વરસાદનું અનુમાન છે એટલે કે કોઇ વિસ્તારમાં ભારે તો કોઇ વિસ્તારમાં હળવો વરસાદ વરસી શકે છે.હવામાન વિભાગની આગાહી મુજબ આગામી 24 કલાકમાં દક્ષિણ ગુજરાત, ઉત્તર ગુજરાત, પૂર્વ ગુજરાત અને મધ્ય ગુજરાતમાં વરસાદનું જોર વધશે. આ વિસ્તારમાં એકાદ બે જગ્યાએ ભારે તો કેટલાક વિસ્તારમાં મધ્યમ વરસાદ વરસશે. ઉલ્લેખનિય છે કે એકાદ બે વિસ્તાર ભારે વરસાદ માટે છોડી દઇએ તો મધ્યમ વરસાદ ગુજરાત રિજનનાં સમગ્ર વિસ્તારમાં રહેશે.
ક્યાં પડશે ભારે વરસાદ
હવામાન વિભાગની આગાહી મુજબ આગામી 24 કલાકમાં બનાસકાંઠા, સાબરકાંઠા, અરવલ્લી, મહેસાણા, ગાંધીનગર,અમદાવાદ, વડોદરા, છોટાઉદેપુર, પંચમહાલ, ગોધરા,ખેડા, આણંદ, ભરૂચ, નર્મદા, સુરત. ડાંગ, તાપી, વલસાડ, નવસારી, આ વિસ્તરોમાં ગાજવીજ સાથે ભારે વરસાદની શક્યતા વધુ છે. અમદાવાદ, બોટાદ, ભાવનગર, સુરેન્દ્રનગરમાંથી એકાદ વિસ્તારમાં ભારે વરસાદ વરસી શકે છે. ઉલ્લેખનિય છે કે, આજથી સૌરાષ્ટ્રમાં આજથી વરસાદનું જોર વધશે.
5 સપ્ટેમ્બર સુધી ગુજરાત અને મહારાષ્ટ્રમાં ભારે વરસાદ
હવામાન વિભાગ અનુસાર, 4 અને5 સપ્ટમ્બર રોજ ગુજરાત પ્રદેશમાં અલગ અલગ સ્થળોએ અને 5અને 6 સપ્ટેમ્બરના રોજ સૌરાષ્ટ્ર અને કચ્છમાં ભારે વરસાદની સંભાવના છે. આગામી 7 દિવસ દરમિયાન ગુજરાત, કોંકણ અને ગોવા, મધ્ય મહારાષ્ટ્રમાં અલગ અલગ સ્થળોએ ભારે વરસાદની સંભાવના છે. 3 સપ્ટેમ્બરના રોજ મરાઠવાડામાં 4 થી 6 સપ્ટેમ્બર દરમિયાન સૌરાષ્ટ્ર અને કચ્છમાં ભારે વરસાદની સંભાવના છે.
સરેરાશ 85 ટકાથી વધુ વરસાદ
રાજ્યમાં ચોમાસાની ઋતુમાં સાર્વત્રિક વરસાદના પરિણામે 28 ઓગસ્ટ 2025ની સ્થિતિએ સરેરાશ 85 ટકાથી વધુ વરસાદ નોંધાયો છે. જેમાં સૌથી વધુ દક્ષિણ ગુજરાત અને ઉત્તર ગુજરાતમાં 89 ટકા વરસાદ, કચ્છમાં 85.14 ટકા, સૌરાષ્ટ્રમાં 83.84 ટકા, જ્યારે પૂર્વ-મધ્યમાં 81.03 ટકા સરેરાશ વરસાદ વરસ્યો છે તેમ, સ્ટેટ ઇમરજન્સી ઓપરેશન સેન્ટર-SEOC, ગાંધીનગરની યાદીમાં જણાવાયું છે.
ટોપ સ્ટોરી
ટ્રેન્ડિંગ સમાચાર
