Valsad Rain: વલસાડ શહેર અને ગ્રામ્ય પથંકમાં જામ્યો વરસાદી માહોલ, તિથલના દરિયામાં કરંટ
વલસાડના પારડી સહિતના વિસ્તારોમાં વરસાદથી વાતાવરણમાં ઠંડક પ્રસરી છે. વરસાદના આગમનથી ખેડૂતોમાં ખુશીનો માહોલ છે.
Gujarat Rain: હવામાન વિભાગની વરસાદની આગાહી વચ્ચે વલસાડ શહેર સહિત જિલ્લામાં વરસાદની શરુઆત થઈ ગઈ છે. વલસાડના પારડી સહિતના વિસ્તારોમાં વરસાદથી વાતાવરણમાં ઠંડક પ્રસરી છે. વરસાદના આગમનથી ખેડૂતોમાં ખુશીનો માહોલ છે. રાજ્યના હવામાન વિભાગે આજે વલસાડ સહિતના જિલ્લાઓમાં વરસાદનું અનુમાન વ્યક્ત કર્યું હતું.
વલસાડ શહેર સહિત આસપાસના ગ્રામ્ય વિસ્તારોમાં વરસાદી માહોલ જામ્યો છે. કોસંબા, મગોધ ડુંગરી સહિતના ગામોમાં વરસાદ વરસી રહ્યો છે. વલસાડ જિલ્લામાં આજે વહેલી સવારથી જ વરસાદી માહોલ જામ્યો છે. સવારથી જ વાદળછાયા વાતાવરણ વચ્ચે ઝરમર વરસાદ વરસ્યો છે. વરસાદને પગલે તિથલના દરિયામાં કરંટ જોવા મળી રહ્યો છે. દરિયાકિનારે પવનની ગતિ પણ તેજ થઈ ગઈ છે.
વલસાડ, નવસારી અને તાપી જિલ્લામાં વરસાદ વરસ્યો છે. ગ્રામ્ય વિસ્તારમાં વરસાદથી ખેડૂતોમાં ખુશીનો માહોલ છે. વલસાડ સિવાય નવસારી અને તાપી જિલ્લામાં પણ વરસાદની એન્ટ્રી થઈ છે.
ગુજરાતમાં આગામી 3 દિવસ સુધી વરસાદની આગાહી
એક સાથે વેસ્ટર્ન ડિસ્ટર્બન્સ, સાયક્લોનિક સર્ક્યુલેશન અને ટ્રફ એમ ત્રણ- ત્રણ સિસ્ટમ સક્રિય થતા ગુજરાતમાં આગામી 3 દિવસ સુધી વરસાદની હવામાન વિભાગે આગાહી કરી છે. હવામાન વિભાગના જણાવ્યા અનુસાર, રાજ્યમાં આજે છોટાઉદેપુર, નર્મદા, દક્ષિણ ગુજરાતમાં ડાંગ અને તાપીમાં ભારે વરસાદની શક્યતા વ્યકત કરવામાં આવી છે. જ્યારે પંચમહાલ, દાહોદ, મહિસાગર, વડોદરા, સુરત, નવસારી અને વલસાડમાં આજે 40થી 50 કિમી પ્રતિ કલાકની ઝડપે પવન અને ગાજવીજ સાથે મધ્યમ વરસાદનું અનુમાન વ્યકત કરવામાં આવ્યું છે.
40થી 50 કિમી પ્રતિ કલાકની ગતિએ પવન ફૂંકાશે
રાજ્યના હવામાન વિભાગની આગાહી અનુસાર, આગામી 1થી 4 જુલાઈ દરમિયાન વડોદરા, છોટાઉદેપુર, નર્મદા, ભરૂચ, સુરત, ડાંગ, તાપી, નવસારી અને વલસાડમાં 40થી 50 કિમી પ્રતિ કલાકની ગતિએ પવન ફૂંકાવવાની સાથોસાથ ભારે વરસાદની આગાહી કરાઈ છે. આ જિલ્લામાં ભારે વરસાદ વરશી શકે છે.
બીજી તરફ હવામાન વિભાગે સૌરાષ્ટ્ર- કચ્છના દરિયાકાંઠા વિસ્તારમાં વિપરીત આગાહી કરાઈ છે. સૌરાષ્ટ્ર- કચ્છના કાંઠા વિસ્તારમાં ગરમી અને ઉકળાટ વધવાનું અનુમાન વ્યકત કરાયું છે. હાલની સ્થિતિ પ્રમાણે 1 જુલાઈથી ગુજરાતમાં વરસાદી માહોલ જામશે.
આ પણ વાંચો- Weather Update: દેશના 15 રાજ્યોમાં ભારે વરસાદ અને વાવોઝોડાનું એલર્ટ, હવામાન વિભાગની ચેતવણી
દેશના 146 વર્ષમાં આ વર્ષે જૂનમાં સૌથી ઓછો વરસાદ વરસ્યો છે. કેરળમાં સમયસર ચાર જૂને ચોમાસું પહોંચી તો ગયું પરંતુ 15 જૂન પછી ચોમાસું આગળ વધ્યું જ નહીં. જેથી જૂનમાં સમગ્ર દેશમાં 40 ટકા અને મધ્ય ભારતમાં 60 ટકા ઓછો વરસાદ થયો છે. દેશમાં છેલ્લા 25 વર્ષમાં 14મી વખત ચોમાસાની આગેકૂચમાં વિલંબ થતા વરસાદ ખેંચાઈ ગયો છે.
ટોપ સ્ટોરી
ટ્રેન્ડિંગ સમાચાર
