Rain: ચૂંટણી પુરી વરસાદ શરૂ.... આજે સવારથી જ વલસાડમાં શરૂ થયો ધોધમાર વરસાદ

Rain News: ગરમીથી રાહત મળવાના સમાચાર સામે આવ્યા છે. સમગ્ર ગુજરાતમાં આજથી વાતાવરણમાં પલટો આવ્યો છે, આકરી ગરમીમાં તપી રહેલા મે મહિના બાદ જૂનમાં વરસાદના એંધાણ છે

(તસવીર- એબીપી લાઇવ)

Rain News: ગરમીથી રાહત મળવાના સમાચાર સામે આવ્યા છે. સમગ્ર ગુજરાતમાં આજથી વાતાવરણમાં પલટો આવ્યો છે, આકરી ગરમીમાં તપી રહેલા મે મહિના બાદ જૂનમાં વરસાદના એંધાણ છે. હવામાન વિભાગની આગાહી વચ્ચે આજે સવારથી જ ગુજરાતમાં કેટલાક વિસ્તારોમાં હળવો અને ક્યાંક ભારે વરસાદ શરૂ થયો છે. 

મળતી માહિતી પ્રમાણે, ગુજરાતમાં ચોમાસાનું કાઉન્ટડાઉન શરૂ થવાની તૈયારી શરૂ થઇ ગઇ છે. હવામાન વિભાગ અનુસાર, આગામી બે-ચાર દિવસમાં ગુજરાતમાં વરસાદ ખાબકશે. આ બધાની વચ્ચે આજે વહેલી સવારથી જ દક્ષિણ ગુજરાતમાં વલસાડ જિલ્લામાં વાતાવરણમાં પલટો આવ્યો અને વરસાદની શરૂઆત થઇ હતી. 

વલસાડ શહેર સહિત તાલુકાના આસપાસના ગામોમાં વરસાદ શરૂ થયો છે, શહેરના તિથલ રૉડ, કૉલેજ રૉડ પર વિસ્તારમાં વરસાદનું આગમન શરૂ થયું છે. તિથલ ગામ, જુની હાઉસિંગ સોસાયટી વિસ્તારમાં વરસાદ ખાબક્યો છે. આ સિવાય કચેરી રૉડ સહિતના વિસ્તારોમાં વરસાદ પડી રહ્યો છે. વહેલી સવારે વરસાદ વરસતા રસ્તાઓ પાણી-પાણી થયા છે. રાજ્યમાં ચૂંટણી માહોલ પુરો થયો છે અને હવે વરસાદી માહોલ શરૂ થયો છે. અસહ્ય ઉકળાટ બાદ વરસાદ વરસતા ગરમીથી આંશિક રાહત મળી રહી છે. 

ઉલ્લેખનીય છે કે, ચોમાસાની એન્ટ્રી પહેલાં જ મહારાષ્ટ્રમાં વરસાદ પડવાનું શરૂ થયુ છે. મહારાષ્ટ્રના કેટલાક વિસ્તારોમાં વરસાદ વરસી રહ્યો છે. રાજ્યમાં દાદર, માટુંગા, ગુરૂતેગ બહાદુર રેલવે સ્ટેશન વિસ્તારમાં વરસાદ ખાબક્યો છે. 10 જૂન સુધીમાં મહારાષ્ટ્રમાં ચોમાસાના આગમનની શક્યતા સેવાઇ રહી છે. 

અંબાલાલ પટેલની આગાહીઃ આ તારીખે ગુજરાતમાં ચોમાસું બેસી જશે, વંટોળ સાથે ધૂળની ડમરીઓ ઉડશે

કેરળમાં તો મેઘરાજાની પધરામણી થઈ ગઈ છે. બસ હવે ગુજરાતમાં વરસાદ ક્યારે પડે તેની રાહ જોવાઈ રહી છે. એવામાં મેઘરાજાની રાહ જોતા ખેડૂતો માટે છે ખુશખબર છે. હવામાન વિભાગે આગાહી કરી છે કે, ગુજરાતમાં ચોમાસું 2 દિવસ વહેલું બેસશે. હવામાન વિભાગનાં મતે, કેરળમાં પણ ચોમાસું 2 દિવસ વહેલું બેઠું છે અને ધીમેધીમે આગળ વધી રહ્યું છે.

ગુજરાતમાં આવતા અઠવાડિયાથી તો પ્રિમોનસૂન એક્ટિવિટી શરૂ થઈ જશે. દક્ષિણ ગુજરાતમાં વરસાદની શરૂઆત થશે. બાદમાં વિધિવત રીતે ચોમાસું બેસશે. આ વર્ષે પણ ચોમાસું સારું રહેશે. તેવું હવામાન વિભાગે અનુમાન વ્યક્ત કર્યું છે.

ત્યારે હવામાન નિષ્ણાત અંબાલાલ પટેલે પણ આગાહી કરી છે કે, આગામી દિવસોમાં વંટોળ સાથે ધૂળની ડમરીઓ ઉડશે. અંબાલાલ પટેલના મતે, 7 જૂન સુધીમાં ગુજરાતમાં પ્રિમોનસૂન એક્ટિવિટી રહેશે અને 10 જૂન સુધીમાં તો ચોમાસું બેસી જશે.

આ દિવસોમાં દિલ્હીમાં ખૂબ જ ગરમી પડી રહી છે. જો કે, આજે એટલે કે 5 જૂનથી 7 જૂન સુધી દિલ્હીમાં ઝરમર વરસાદ અને વાવાઝોડાની સંભાવના છે, જેના કારણે લોકોને આકરી ગરમીમાંથી થોડી રાહત મળી શકે છે.

દિલ્હી એનસીઆરમાં વાયુ પ્રદૂષણની સ્થિતિ શું છે, જુઓ આઈએમડી અનુસાર, આ સમગ્ર સપ્તાહમાં દિલ્હીનું મહત્તમ તાપમાન 42 થી 45 ડિગ્રી સેલ્સિયસની વચ્ચે રહી શકે છે. 29 થી 31 ડિગ્રી સેલ્સિયસ વચ્ચે રહેવાની શક્યતા છે.

હવામાનની આગાહી કરતી એજન્સી સ્કાયમેટ અનુસાર, આજે પૂર્વોત્તર ભારતના કેટલાક ભાગો, તમિલનાડુ, આંધ્રપ્રદેશ, તેલંગાણા, કર્ણાટક, સિક્કિમ, આસામ અને મહારાષ્ટ્રમાં હળવાથી મધ્યમ વરસાદ અને ભારે વરસાદની શક્યતા છે.

જ્યારે કેરળ, આંદામાન અને નિકોબાર ટાપુઓ, લક્ષદ્વીપ, ઓડિશાના ભાગો, છત્તીસગઢ, દક્ષિણ મધ્ય પ્રદેશ, ઉપ હિમાલય પશ્ચિમ બંગાળ, પશ્ચિમ હિમાલયમાં હળવાથી મધ્યમ વરસાદની શક્યતા છે.

બિહારમાં હળવો વરસાદ થઈ શકે છે. ઉત્તર પશ્ચિમ ઉત્તર પ્રદેશમાં પંજાબ અને હરિયાણાના કેટલાક ભાગોમાં વાવાઝોડાની શક્યતા છે. પંજાબ, હરિયાણા, દિલ્હી, મધ્યપ્રદેશ અને છત્તીસગઢના કેટલાક વિસ્તારોમાં હીટ વેવની સ્થિતિ શક્ય છે.

દેશમાં હવામાનની ગતિવિધિઓ હવામાનની આગાહી કરતી એજન્સી સ્કાયમેટ અનુસાર, આગામી 2 દિવસમાં મધ્ય અરબી સમુદ્ર, કર્ણાટક, રાયલસીમા, તટીય આંધ્ર પ્રદેશ, પશ્ચિમ મધ્ય અને ઉત્તર પશ્ચિમ બંગાળના કેટલાક ભાગોમાં દક્ષિણપશ્ચિમ ચોમાસું આગળ વધશે અનુકૂળ છે.

તે જ સમયે, દક્ષિણ આંધ્ર પ્રદેશ અને ઉત્તર તમિલનાડુના દરિયાકાંઠે પશ્ચિમ મધ્ય બંગાળની ખાડી પર ચક્રવાતનું પરિભ્રમણ થઈ રહ્યું છે, આ ઉપરાંત, અહીં તપાસો કે તમારા શહેરની હવાની ગુણવત્તા કેવી છે મધ્ય પાકિસ્તાન ઉપર. ઉત્તર પશ્ચિમ મધ્ય પ્રદેશમાં વધુ એક ચક્રવાતી પરિભ્રમણ રચાઈ રહ્યું છે. ગુજરાત ઉપર સાયક્લોનિક સરક્યુલેશન સર્જાઈ રહ્યું છે. પૂર્વી ઉત્તર પ્રદેશ પર સાયક્લોનિક સરક્યુલેશન છે.