સ્વામિનારાયણ સંપ્રદાય ફરી વિવાદમાં: કોટેશ્વર ગુરુકુળના સ્વામી હોટેલમાં મહિલા સાથે ઝડપાયા

અમદાવાદના કોટેશ્વર ગુરુકુળના સ્વામી રામકૃષ્ણ એક મહિલા સાથે હોટેલમાં ઝડપાતા સ્વામિનારાયણ સંપ્રદાયમાં વિવાદ છેડાયો છે. કાલુપુર ટ્રસ્ટે તેમને બરતરફ કર્યા છે. જાણો શું છે સત્ય.

Swaminarayan Koteshwar Gurukul Swami Hotel Case

Source : abp asmita

Show Quick Read

Key points generated by AI, verified by newsroom

• અમદાવાદના કોટેશ્વર ગુરુકુળના સ્વામી રામકૃષ્ણ શંકાસ્પદ હાલતમાં મળ્યા.
• ભગવા વેશ છોડી પેન્ટ-ટી-શર્ટમાં મહિલા સાથે વીડિયો વાયરલ.
• કાલુપુર મંદિર ટ્રસ્ટે સ્વામીને પદ પરથી હટાવ્યા, ભક્તોને ચેતવ્યા.
• સંતો-ભક્તોમાં નારાજગી, ધર્મ પરથી વિશ્વાસ ઉઠી જવાની ચિંતા.

ગુજરાતમાં ધાર્મિક આસ્થાના કેન્દ્ર સમાન સ્વામિનારાયણ સંપ્રદાયમાં ફરી એકવાર નૈતિક અધઃપતનની ઘટના સામે આવતા ભક્તોમાં ભારે રોષ જોવા મળી રહ્યો છે. અમદાવાદના કોટેશ્વર ગુરુકુળનો વહીવટ સંભાળતા સ્વામી રામકૃષ્ણ એક ખાનગી હોટેલમાં અજાણી મહિલા સાથે શંકાસ્પદ હાલતમાં જોવા મળતા આ સમગ્ર વિવાદ વકર્યો છે. આ ઘટના ત્યારે પ્રકાશમાં આવી જ્યારે સોશિયલ મીડિયા પર સ્વામીનો પેન્ટ અને ટી શર્ટ પહેરેલો વીડિયો વાયરલ થયો હતો. આ બાબતે સંપ્રદાયની ગરિમાને ઠેસ પહોંચતા કાલુપુર સ્વામિનારાયણ મંદિર ટ્રસ્ટે ત્વરિત તપાસના આદેશ આપી સ્વામીને પદ પરથી દૂર કરવાની કાર્યવાહી હાથ ધરી છે.

ભગવા ત્યાગી પેન્ટ ટીશર્ટમાં સજ્જ સ્વામીનો વીડિયો વાયરલ

છેલ્લા કેટલાક દિવસોથી સંપ્રદાયના અનુયાયીઓમાં એક વીડિયો ચર્ચાનો વિષય બન્યો છે, જેમાં કોટેશ્વર ગુરુકુળના મુખ્ય ચહેરા ગણાતા રામકૃષ્ણ સ્વામી પોતાના પરંપરાગત ભગવા વસ્ત્રો છોડીને પશ્ચિમી પહેરવેશ એટલે કે પેન્ટ અને ટી શર્ટમાં સજ્જ દેખાઈ રહ્યા છે. આ વીડિયો કોઈ હોટેલનો હોવાનું મનાય છે, જ્યાં તેઓ એક મહિલા સાથે હોવાનો દાવો કરવામાં આવી રહ્યો છે. સાધુ જીવનના કડક નિયમોનું પાલન કરવાને બદલે આ પ્રકારનું આચરણ સામે આવતા જ્ઞાતિજનો અને અન્ય સાધુ સંતોમાં ઘેરા પ્રત્યાઘાતો પડ્યા છે.

કાલુપુર સ્વામિનારાયણ મંદિર ટ્રસ્ટની કડક કાર્યવાહી

ઘટનાની ગંભીરતાને પારખીને કાલુપુર સ્વામિનારાયણ મંદિર ટ્રસ્ટ દ્વારા સત્તાવાર નિવેદન બહાર પાડવામાં આવ્યું છે. ટ્રસ્ટના જણાવ્યા અનુસાર, સ્વામી રામકૃષ્ણને તાત્કાલિક અસરથી સંપ્રદાય અને કોટેશ્વર ગુરુકુળના વહીવટમાંથી બરતરફ કરવામાં આવ્યા છે. ટ્રસ્ટે સ્પષ્ટતા કરી છે કે આ સ્વામીએ સ્વેચ્છાએ સાધુતાનો ત્યાગ કરીને સાંસારિક જીવન અપનાવવાનો નિર્ણય લીધો છે.

ટ્રસ્ટે એક જાહેર પત્ર દ્વારા ભક્તોને ચેતવણી આપી છે કે, "સ્વામી રામકૃષ્ણ સાથે હવે સંપ્રદાયનો કોઈ લેવાદેવા નથી. કોઈપણ વ્યક્તિએ તેમની સાથે કોઈ પણ પ્રકારનો નાણાકીય કે વ્યાપારિક વ્યવહાર રાખવો નહીં. જો કોઈ આવું કરશે તો તેની સંપૂર્ણ જવાબદારી વ્યક્તિગત રહેશે, સંપ્રદાયની કોઈ જવાબદારી રહેશે નહીં."

સંતો અને ભક્તોમાં ભારે નારાજગી

આ ઘટનાને પગલે હિન્દુ ધર્મના અન્ય અગ્રણી સંતોએ પણ પોતાની પ્રતિક્રિયા આપી છે. જ્યોર્તિર્નાથજી મહારાજે આ ઘટનાને અત્યંત દુખદ અને શરમજનક ગણાવી છે. તેમણે જણાવ્યું હતું કે, આવા તત્વોને કારણે સમગ્ર સાધુ સમાજની બદનામી થાય છે અને લોકોનો ધર્મ પરથી વિશ્વાસ ઉઠી જાય છે. ભક્તોએ પણ સોશિયલ મીડિયા પર પોતાની નારાજગી વ્યક્ત કરતા જણાવ્યું છે કે જેઓ ધર્મના નામે મર્યાદા લોપે છે તેમની સામે કાયદેસરની કાર્યવાહી પણ થવી જોઈએ.

સંપ્રદાયના સૂત્રોના જણાવ્યા મુજબ, વાયરલ થયેલા ફોટા અને વીડિયો તે સમયના હોઈ શકે છે જ્યારે સ્વામીએ ત્યાગાશ્રમ છોડવાની પ્રક્રિયા શરૂ કરી હતી. જોકે, એક જવાબદાર પદ પર હોવા છતાં આ પ્રકારનું કૃત્ય નૈતિક રીતે અક્ષમ્ય ગણવામાં આવી રહ્યું છે.

આ પણ વાંચો

ગુજરાત સરકારની ઝીરો ટોલરન્સ નીતિ: 2 વર્ષમાં 3727 કરોડનું ડ્રગ્સ ઝડપાયું, માફિયાઓ પર બુલડોઝર