વિવાદ વચ્ચે ઠાકોર આગેવાનો આજે પહોંચશે જાબડિયા, સિંગર ગબ્બર અને અર્જુનના મુદ્દે લેવાશે નિર્ણય
ઠાકોર સમાજના સિંગર અર્જુન ઠાકોર, ગબ્બર ઠાકોરે બંધારણનું ઉલ્લંઘન કર્યું હતું.
ઠાકોર સમાજના સિંગર અર્જુન ઠાકોર, ગબ્બર ઠાકોરે બંધારણનું ઉલ્લંઘન કર્યું હતું. ઠાકોર સમાજના આગેવાનો આજે ડીસાના જાબડિયા ગામ પહોંચશે. પરિવારના લગ્નમાં બંધારણ વિરૂદ્ધ ડીજે વગાડી નિયમોનું ઉલ્લંઘન કરવામાં આવ્યું હતું. ઠાકોર સમાજના આગેવાનો જાબડિયા ગામે બેઠક બોલાવી નિર્ણય કરશે. સિંગર ગબ્બર ઠાકોર, અર્જુન ઠાકોરના સામાજિક બહિષ્કાર મુદ્દે નિર્ણય લેવાશે.
કાંકરેજના અમૃતજી ઠાકોર, દિયોદરના કેશાજી ચૌહાણ જાબડિયા ગામ જશે. સાંસદ ગેનીબેન ઠાકોર પણ વીડિયો કોલથી બેઠકમાં જોડાય તેવી શક્યતા છે. જાબડિયામાં લેવાનારા નિર્ણય પર ત્રણ જિલ્લાના ઠાકોર સમાજની નજર રહેશે.
બીજી તરફ બનાસકાંઠા ઠાકોર સમાજનું બંધારણ પાડોશી દેશ પાકિસ્તાન પહોંચ્યું હતું. પાકિસ્તાનના લોકોએ ઠાકોર સમાજના બંધારણને આવકાર્યું હતું. ઠાકોર સમાજની જેમ પાકિસ્તાનમાં વસતા લોકો સમાજ સુધારણા તરફ આગળ વધ્યા હતા. લગ્નમાં ડીજે અને વરઘોડા પર પ્રતિબંધ સહિતના નિયમોનો સ્વીકાર કર્યો હતો. પાકિસ્તાન સરહદે વસતા લોકોએ બંધારણના ચુસ્ત પાલનનો નિર્ણય કર્યો હતો.
નોંધનીય છે કે બનાસકાંઠા જિલ્લાના ડીસા તાલુકાના જાબડીયા ગામે ઠાકોર સમાજના નિયમોના ભંગની ગંભીર ઘટના સામે આવી હતી. સમાજ દ્વારા તાજેતરમાં અમલમાં મૂકાયેલા બંધારણને નેવે મૂકીને એક લગ્ન પ્રસંગમાં ડીજે વરઘોડો કાઢવામાં આવતા વિવાદ થયો હતો. આ ઘટનામાં ગુજરાતી કલાકાર ગબ્બર ઠાકોર અને અર્જુન ઠાકોર વિવાદના કેન્દ્રમાં રહ્યા હતા. બંનેના સામાજિક બહિષ્કારની સોશિયલ મીડિયામાં માંગ ઉઠી છે. જાબડીયા ગામે કલાકાર ગબ્બર ઠાકોર અને અર્જુન ઠાકોરના કાકાના દીકરા મેરૂજી રતનજી ઠાકોરના લગ્ન યોજાયા હતા. આ પ્રસંગે ઠાકોર સમાજના બંધારણમાં પ્રતિબંધિત હોવા છતાં લાઈવ ડીજે સાથે વરઘોડો કાઢવામાં આવ્યો હતો. આ ઘટનાના વીડિયો સોશિયલ મીડિયા પર વાયરલ થતા જ ઠાકોર સમાજના યુવાનો અને અગ્રણીઓમાં ભારે આક્રોશ જોવા મળી રહ્યો છે.
ડીજે પરના આ વરઘોડાની પૉસ્ટ સમાજના આગેવાન લક્ષ્મણજી ઠાકોરે મુકી હતી હતી, હવે તેના પર તીખી પ્રતિક્રિયા આવી રહી છે. જોકે, હવે ઘટનાના પડઘા પડતાં સમાજના આગેવાનો અને ઠાકોર સમાજની એક કમિટી બનાવી હતી.
ટોપ સ્ટોરી
ટ્રેન્ડિંગ સમાચાર
