આવતીકાલની આગાહી: દક્ષિણ ગુજરાતમાં આભ ફાટવાની આશંકા, આ 4 જિલ્લા માટે ખાસ એલર્ટ

Gujarat weather forecast tomorrow: સુરત-ભરૂચમાં અતિ ભારે વરસાદની આગાહી, જ્યારે અમદાવાદ-ગાંધીનગરમાં પવન સાથે હળવો વરસાદ રહેશે.

Gujarat Weather Forecast Tomorrow Red Alert Heavy Rain In 4 Districts

Source : ai

Show Quick Read

Key points generated by AI, verified by newsroom

• દક્ષિણ ગુજરાતના ચાર જિલ્લામાં 'અત્યંત ભારે' વરસાદની સંભાવના.
• નવસારી, વલસાડ, દમણ, દાદરા નગર હવેલીમાં રેડ એલર્ટ સંભવિત.
• સુરત સહિત મધ્ય-દક્ષિણ ગુજરાતમાં પણ ભારે વરસાદ વરસશે.
• ઉત્તર અને મધ્ય ગુજરાતમાં વરસાદનું જોર ઘટશે, રાહત મળશે.

Gujarat weather forecast tomorrow: ગુજરાતમાં છેલ્લા કેટલાક દિવસોથી મેઘરાજાએ જમાવટ કરી છે, ત્યારે ખાસ કરીને દક્ષિણ ગુજરાત પર મેઘકોપ હજુ શાંત થવાનું નામ નથી લઈ રહ્યો. હવામાન વિભાગની આવતીકાલની નવી આગાહી મુજબ, દક્ષિણ ગુજરાતના 4 જિલ્લાઓમાં 'અત્યંત ભારે' વરસાદનું સંકટ હજુ પણ યથાવત છે. જ્યારે બીજી તરફ, ઉત્તર અને મધ્ય ગુજરાતના લોકોને ભારે વરસાદથી થોડી રાહત મળવાની શક્યતા છે.

દક્ષિણ ગુજરાતમાં ભારે જળબંબાકારની શક્યતા

હવામાન વિભાગના સત્તાવાર રિપોર્ટ અનુસાર, દક્ષિણ ગુજરાતના નવસારી, વલસાડ, દમણ અને દાદરા નગર હવેલીમાં આવતીકાલે પણ મેઘરાજા તોફાની બેટિંગ કરી શકે છે. આ વિસ્તારોમાં રેડ એલર્ટ સમાન 'અત્યંત ભારે વરસાદ'ની આગાહી કરવામાં આવી છે, જેથી સ્થાનિક લોકોને અને વહીવટી તંત્રને સતર્ક રહેવા જણાવાયું છે.

સુરત અને મધ્ય ગુજરાતના કેટલાક વિસ્તારોમાં મેઘમહેર

આ ઉપરાંત, દક્ષિણ અને મધ્ય ગુજરાતના સુરત, ડાંગ, તાપી, છોટાઉદેપુર અને ભરૂચ જિલ્લામાં પણ મેઘરાજા મન મૂકીને વરસશે. આ વિસ્તારોમાં કેટલીક જગ્યાએ ભારેથી અતિ ભારે વરસાદ તૂટી પડવાની પ્રબળ સંભાવના છે. પંચમહાલ અને દાહોદ જિલ્લાની વાત કરીએ તો, ત્યાં પણ આવતીકાલે છૂટાછવાયા સ્થળોએ ભારે વરસાદ પડી શકે છે.

આ પણ વાંચોઃ આગામી 3 કલાકમાં આ 6 જિલ્લાઓમાં તૂટી પડશે અતિભારે વરસાદ, રેડ એલર્ટ જાહેર; જાણો હવામાન અપડેટ

અમદાવાદ-ગાંધીનગરમાં વરસાદનું જોર ઘટશે

સતત વરસી રહેલા વરસાદ વચ્ચે ઉત્તર અને મધ્ય ગુજરાતના લોકો માટે થોડા રાહતના સમાચાર છે. અમદાવાદ, ગાંધીનગર, ખેડા અને આણંદમાં હવે વરસાદનું જોર થોડું ઘટશે. જોકે, આ વિસ્તારોમાં 40 થી 50 કિમી પ્રતિ કલાકની ઝડપે ફૂંકાતા પવન સાથે હળવાથી મધ્યમ વરસાદની આગાહી કરવામાં આવી છે, જે વાતાવરણમાં સારી એવી ઠંડક જાળવી રાખશે.

આ પણ વાંચોઃ ગુજરાતમાં મેઘરાજાનું રૌદ્ર સ્વરૂપ: 36 લોકોના મોત, 156 રસ્તાઓ બંધ અને 11 ડેમ હાઈ એલર્ટ પર

અંબાલાલ પટેલની આગાહી

જાણીતા હવામાન નિષ્ણાત અંબાલાલ પટેલે ગુજરાતના વરસાદ અંગે નવી આગાહી કરી છે. દક્ષિણ ગુજરાતમાં હાલ ભારે વરસાદથી જળબંબાકારની સ્થિતિ છે. આ વરસાદી સિસ્ટમ મહારાષ્ટ્ર તરફ જઈ રહી હોવા છતાં, ત્યાં હજુ ૧ થી ૨ દિવસ ભારે વરસાદની સ્થિતિ યથાવત રહેશે. બીજી તરફ, લો-પ્રેશર સિસ્ટમ નજીક આવતા મધ્ય ગુજરાત (વડોદરા, મહીસાગર વગેરે) માં ૪ થી ૫ ઇંચ અને ઉત્તર ગુજરાતમાં સારો વરસાદ પડવાની પ્રબળ સંભાવના છે, જેનાથી વાવણીની રાહ જોતા ખેડૂતોને રાહત મળશે. કચ્છમાં વેસ્ટર્ન ડિસ્ટર્બન્સ પાકિસ્તાન તરફ ફંટાતા વરસાદ નહિવત્ રહ્યો છે. જોકે, આગામી સમયમાં રાપર અને આસપાસના વિસ્તારોમાં છૂટોછવાયો વરસાદ પડી શકે છે.