Uttarakhand Tragedy:ધરાલીમાં આફતમાં 5 દિવસ થયા પણ 11 લોકોનો કોઇ પતો નહિ, પરિવારમાં માતમ
Uttarakhand Tragedy: એક સ્થાનિક કોન્ટ્રાક્ટરે પરિવારને ફોન પર જણાવ્યું કે, વહીવટીતંત્રે શોધખોળ કરી હતી પરંતુ કામદારો કાટમાળમાં ઊંડા દટાયેલા હોવાથી તેઓ શોધી શક્યા નથી. પરિવારમાં હવે માતમ પસરાયું છે.
Uttarakhand Tragedy:ઉત્તરાખંડના ધારાલીમાં પર્વત ધસી પડવાની ભયાનક ઘટનામાં જિલ્લાના 11 શ્રમિકોના મોતના સમાચાર આવતા પશ્ચિમ ચંપારણ જિલ્લામાં શોક છવાઈ ગયો. 5 ઓગસ્ટના રોજ ભારે વરસાદને કારણે થયેલી આ દુર્ઘટનાએ ઘણા પરિવારોને બરબાદ કરી દીધા છે. ઘટનાના પાંચ દિવસ પછી પણ બિહારના 11 લોકોનો કોઈ પત્તો લાગ્યો નથી.
એક પરિવારના ત્રણ સભ્યો, પિતા અને પુત્ર ગૂમ
સૌથી મોટું નુકસાન પશ્ચિમ ચંપારણના સરગટિયા પંચાયતના મંગલહિયા ગામમાં થયું છે. જ્યાંથી 8 લોકો ગુમ થયા હતા. ઘોઘા પંચાયતમાંથી 3 મજૂરો ગુમ થયાના અહેવાલ છે. ગૂમ થયેલા લોકોમાં એક જ પરિવારના ત્રણ સભ્યો, દેવરાજ શર્મા અને તેમના બે પુત્રો અનિલ કુમાર અને સુશીલ કુમારનો પણ સમાવેશ થાય છે.
અકસ્માત પહેલા,મજૂરોએ તેમના પરિવારના સભ્યો સાથે ફોન પર વાત કરી હતી અને જણાવ્યું હતું કે, ભારે વરસાદને કારણે તે દિવસે કામ બંધ હતું. તેઓ રૂમમાં જ આરામ કરી રહ્યા હતા. લગભગ એક કલાક પછી, અકસ્માતની માહિતી સોશિયલ મીડિયા દ્વારા મળી હતી, પરંતુ ત્યાં સુધી કોઈને ખ્યાલ નહોતો કે આ લોકો પણ તેની ઝપેટમાં આવી ગયા છે. જ્યારે સતત ફોન કર્યા પછી પણ મોબાઇલ બંધ મળી આવ્યા. ત્યારબાદ પરિવારને કંઈક અજુગતું હોવાની શંકા થઇ.
એક સ્થાનિક કોન્ટ્રાક્ટરે પરિવારને ફોન પર જણાવ્યું હતું કે, વહીવટીતંત્રે શોધખોળ કરી હતી, પરંતુ મજૂરો કાટમાળમાં ઊંડા દટાયેલા હોવાથી શોધી શકાયા નથી. આ પછી, પરિવારના સભ્યોએ રવિવારે પ્રતીકાત્મક પૂતળા બનાવીને તેનો અગ્નિસંસ્કાર કર્યો અને શ્રાદ્ધની તૈયારીઓ શરૂ કરી દીધી. જોકે, હજુ સુધી તેમના મૃત્યુની પુષ્ટિ થઈ નથી.
ગુમ થયેલા 5 લોકોના નામ
બ્રજેશ યાદવ (27 વર્ષ), માંગલીયા ગામ, સરગટિયા પંચાયત
સંદીપ કુમાર (20 વર્ષ) માંગલીયા ગામ
સંદીપ કુમાર (20 વર્ષ) માંગલીયા ગામ
અનિલ કુમાર
સુશીલ કુમાર
ધારાસભ્યએ 20 લાખના વળતરની માંગ કરી માંગ
ધારાલી અકસ્માતમાં જીવ ગુમાવનારા તમામ લોકો આજીવિકા માટે ઉત્તરાખંડ ગયા હતા. હવે તેમના ગામોમાં માત્ર શાંતિ અને શોક છે. આ દરમિયાન, સ્થાનિક સિક્તાના ધારાસભ્ય વીરેન્દ્ર ગુપ્તાએ ગામમાં પહોંચીને પરિવારના સભ્યોને સાંત્વના આપી. આ સાથે, તેઓ બિહાર સરકાર અને ઉત્તરાખંડ સરકાર પાસેથી 20 લાખના વળતરની માંગ કરી રહ્યા છે.
તેમણે કહ્યું કે સરકાર પ્રકૃતિ સાથે છેડછાડ કરી રહી છે, જેના કારણે દરરોજ પર્વત તૂટી પડવાના અને અકસ્માતોના સમાચાર આવતા રહે છે. તેમણે એવી પણ માંગ કરી કે પ્રકૃતિ સાથે છેડછાડ ન કરવી જોઈએ.
તમને જણાવી દઈએ કે ઉત્તરાખંડના ઉત્તરકાશી જિલ્લાના ધારાલી ગામમાં સતત વરસાદને કારણે 5 ઓગસ્ટના રોજ એક પહાડ લપસીને વસાહત પર પડ્યો હતો, જેના કારણે આખું ગામ કાટમાળ નીચે દટાઈ ગયું હતું. આ અકસ્માતમાં પશ્ચિમ ચંપારણ જિલ્લાના વિવિધ વિસ્તારોમાંથી 11 લોકો ગુમ થયા છે.
ટોપ સ્ટોરી
ટ્રેન્ડિંગ સમાચાર
