CM અખિલેશ યાદવની સ્માર્ટફોન ઑફર: એપ્લાય અત્યારે કરો, મળશે સત્તામાં આવ્યા પછી

લખનઉ: લેપટૉપ પછી હવે લોકોને ખેંચવા માટે અખિલેશ સરકાર સ્માર્ટફોનનો સહારો લેશે. આગલા વર્ષે યૂપીમાં ચૂંટણી યોજાનાર છે. ફ્રી લેપટૉપ પછી હવે સ્માર્ટફોન આપવામાં આવશે. પરંતુ આ વખતે માન્ય રાખેલ શર્તો પ્રમાણે આપવામાં આવશે. લોકો સ્માર્ટફોન માટે અરજી કરી શકે છે. પરંતુ ડિલીવરી તેમને 2017ના બીજા છમાસિકમાં મળશે. તેમાં સ્પષ્ટ છે કે સમાજવાદી પાર્ટી જો સત્તામાં આવી તો તેમને આપેલો વાયદો પુરો કરશે. સરકારી દસ્તાવેજો પ્રમાણે, આ ફોન ગરીબ લોકોને સરકારી યોજનાઓ અને નીતિઓ વિશે શિક્ષણ પણ આપશે. તેમાં લેટેસ્ટ સૉફ્ટવેર હશે, સાથે આ સ્માર્ટફોનમાં એક એપ ડાઉનલૉડ હશે, જ્યાં યૂઝર રાજ્ય સરકારની નીતિઓ પર પોતાની પ્રતિક્રિયા પણ આપી શકે છે. ઉત્તર પ્રદેશમાં રહેનાર કોઈ પણ વ્યક્તિ 18 વર્ષનો હોય તે આ ફોન માટે અરજી કરી શકે છે. સાથે અરજી કરનાર વ્યક્તિની આવક 2 લાખ રૂપિયાથી ઓછી હોવી જોઈએ. આ સ્ક્રીમને લીલી ઝંડી મળ્યા પછી મહિનાની અંદર ઑનલાઈન રજીસ્ટ્રેશન શરૂ થઈ શકે છે. સંભાવના એવી પણ સેવવામાં આવી રહી છે કે આ સ્ક્રીમને ક્લિયરેંસ આ અઠવાડિયામાં મળી જશે. સત્તાધારી સમાજવાદી પાર્ટીનું માનવું છે કે સ્માર્ટફોન યુવા મતદાતાઓમાં નિશ્ચિતરૂપથી હિટ થઈ જશે. હાલમાંજ મુખ્યમંત્રી અખિલેશ યાદવે પોતાની આ યોજના વિશે સંકેત આપ્યો છે. તેમને કહ્યું કે સમાજવાદી પાર્ટીની માનસિકતા છે કે તે નવી જનરેશનને કંઈક એવું આપે, જેથી તે સરકાર વિશે વધુમાં વધુ જાણકારી મેળવી શકે અને સરકારની યોજનાઓ વિશે પોતાની પ્રતિક્રિયા આપી શકે. લોકો મોબાઈલ એપ્લિકેશનની મારફતે વધુમાં વધુ જાણકારી મેળવી શકે છે.

2012માં સમાજવાદી પાર્ટી સત્તામાં પાછી આવી હતી. વિદ્યાર્થીઓને ફ્રી લેપટૉપ આપવાનો તેમનો વાયદો 43 વર્ષના મુખ્યમંત્રીએ પુરો કર્યો પરંતુ તેમાં પણ વિવાદ થયો હતો. ઉલ્લેખનીય છે કે યૂપીમાં 2017માં ચૂંટણી થનાર છે. જ્યાં સમાજવાદી પાર્ટી, બીજેપી, માયાવતીની બેએસપી અને કોંગ્રેસમાં મુકાબલો થશે.