'જો કાંઇ ભૂલ થઇ હોય તો માફ કરજો', અનંત-રાધિકાના લગ્ન બાદ નીતા અંબાણીએ કોને કહ્યું?
Anant Ambani Radhika Merchant Wedding: બીજી તરફ લગ્ન બાદ રાધિકા મર્ચન્ટની વિદાયનો એક વીડિયો પણ સોશિયલ મીડિયા પ્લેટફોર્મ પર વાયરલ થઈ રહ્યો છે
Anant Ambani Radhika Merchant Wedding:
Anant Ambani Radhika Merchant Wedding: મુકેશ અંબાણી (Mukesh Ambani) અને નીતા અંબાણી(Nita Ambani) ના નાના પુત્ર અનંત અંબાણી(Anant Ambani) એ 12 જુલાઈના રોજ રાધિકા મર્ચન્ટ સાથે લગ્ન કર્યા હતા. હવે અંબાણી પરિવારમાં પોસ્ટ વેડિંગ ફંક્શન ચાલી રહ્યા છે. આ દરમિયાન ઘણા દિવસો સુધી આ લગ્ન કાર્યક્રમમાં દેશ-વિદેશના પ્રતિષ્ઠિત લોકો હાજર રહ્યા હતા. આ દરમિયાન ભારત સહિત સમગ્ર વિશ્વના મીડિયાની નજર આ શાહી લગ્ન પર હતી. મીડિયાએ લગ્નના પ્રસંગો અને મહેમાનોને દિવસ-રાત કવર કર્યા. આ માટે નીતા અંબાણીએ મીડિયાનો આભાર માન્યો છે. સોમવારે યોજાનાર રિસેપ્શનમાં પણ તેમને આમંત્રણ આપવામાં આવ્યું છે.
રિસેપ્શનમાં હાજરી આપવા માટે આમંત્રણ
નીતા અંબાણી રવિવારે રેડ કાર્પેટ પર આવ્યા હતા અને અનંત અને રાધિકાના લગ્નના સેલિબ્રેશનને કવર કરવા બદલ મીડિયાનો આભાર માન્યો હતો. તેમણે કહ્યું કે લગ્ન દરમિયાન અમારામાંથી કોઈ ભૂલ થઇ હોય તો અમને માફ કરી દેજો. આ સાથે નીતા અંબાણીએ મીડિયાને એમ પણ કહ્યું કે સોમવારે યોજાનાર રિસેપ્શનમાં આપ સૌને આમંત્રણ છે. દેશના સૌથી અમીર વ્યક્તિના પરિવારની આવી સાદગી જોઈને બધા ખુશ થઈ ગયા હતા.
મુકેશ અંબાણી થયા ભાવુક
બીજી તરફ લગ્ન બાદ રાધિકા મર્ચન્ટની વિદાયનો એક વીડિયો પણ સોશિયલ મીડિયા પ્લેટફોર્મ પર વાયરલ થઈ રહ્યો છે. જેમાં અનંત અંબાણીના પિતા મુકેશ અંબાણી ખૂબ જ ભાવુક જોવા મળે છે. આ ઉપરાંત તેમની આંખોમાંથી આંસુ વહી રહ્યા છે. મુકેશ અંબાણીને જોઇને લોકો સોશિયલ મીડિયા પર પણ ઈમોશનલ થઈ ગયા છે. અનંત અને રાધિકાનો આખો પરિવાર તેમના લગ્નમાં ખૂબ જ ખુશ જોવા મળ્યો હતો. હાલમાં જ એવી માહિતી સામે આવી છે કે અંબાણી પરિવારે આ લગ્ન પર અંદાજે 5000 હજાર કરોડ રૂપિયાનો ખર્ચ કર્યો છે. આ કારણે તે વિશ્વના સૌથી મોંઘા લગ્નોમાંના એક બની ગયા છે.
ટ્રેન્ડિંગ સમાચાર
ટોપ સ્ટોરી
