(Source: ECI/ABP News/ABP Majha)
Bihar By Election 2024 result : બિહારમાં તમામ 4 બેઠકો પર NDAની જીત, કૉંગ્રેસ- RJDને મોટો ઝટકો
બિહારમાં NDA ગઠબંધન માટે મોટા સમાચાર આવ્યા છે. રાજ્યની 4 વિધાનસભા બેઠકો પર યોજાયેલી પેટાચૂંટણીમાં એનડીએના ઉમેદવારોએ તમામ બેઠકો જીતી લીધી છે.
બિહારમાં NDA ગઠબંધન માટે મોટા સમાચાર આવ્યા છે. રાજ્યની 4 વિધાનસભા બેઠકો પર યોજાયેલી પેટાચૂંટણીમાં એનડીએના ઉમેદવારોએ તમામ બેઠકો જીતી લીધી છે. બિહારમાં બેલાગંજ, ઈમામગંજ, રામગઢ અને તરારી વિધાનસભા બેઠકો પર પેટાચૂંટણી યોજાઈ હતી. તમને જણાવી દઈએ કે બિહારમાં આવતા વર્ષે 2025માં વિધાનસભા ચૂંટણી યોજાશે. આવી સ્થિતિમાં પેટાચૂંટણીમાં તમામ સીટો પર એનડીએના ઉમેદવારોની જીતથી આરજેડી-કોંગ્રેસ ગઠબંધનને મોટો ફટકો પડ્યો છે.
કઈ બેઠક પર ક્યાં ઉમેદવારની જીત થઈ ?
બેલાગંજ વિધાનસભા પેટાચૂંટણીમાં જનતા દળ (યુનાઈટેડ)ના મનોરમા દેવીને 73334 મત મળ્યા છે. તેઓ 21391 મતોથી ચૂંટણી જીત્યા હતા. બીજા સ્થાને રાષ્ટ્રીય જનતા દળના વિશ્વનાથ કુમાર સિંહ હતા જેમને 51943 મત મળ્યા હતા. જ્યારે ત્રીજા સ્થાને જન સૂરાજ પાર્ટીના મોહમ્મદ અમજદ હતા જેમને 17285 મત મળ્યા હતા.
ઈમામગંજ વિધાનસભા પેટાચૂંટણીમાં હિન્દુસ્તાની આવામ મોરચા (સેક્યુલર)ની દીપા કુમારીને 53435 મત મળ્યા અને 5945 મતોથી ચૂંટણી જીતી. બીજા સ્થાને રાષ્ટ્રીય જનતા દળના રોશન કુમાર હતા જેમને 47490 મત મળ્યા હતા. જ્યારે જન સૂરાજ પાર્ટીના જિતેન્દ્ર પાસવાન ત્રીજા સ્થાને હતા, જેમને 37103 મત મળ્યા હતા.
રામગઢ વિધાનસભા પેટાચૂંટણીમાં ભારતીય જનતા પાર્ટીના અશોક કુમાર સિંહે 62257 મત મેળવીને ચૂંટણી જીતી હતી. તેમણે 1362 મતોની સરસાઈથી ચૂંટણી જીતી હતી. બીજા સ્થાને બહુજન સમાજ પાર્ટીના સતીશ કુમાર સિંહ યાદવ હતા જેમને 60895 મત મળ્યા હતા. ત્રીજા સ્થાને રાષ્ટ્રીય જનતા દળના અજીત કુમાર સિંહ હતા જેમને 35825 મત મળ્યા હતા. ચોથા સ્થાને જન સૂરાજ પાર્ટીના સુશીલ કુમાર સિંહ હતા જેમને 6513 મત મળ્યા હતા.
તરારી વિધાનસભા બેઠક પર યોજાયેલી પેટાચૂંટણીમાં ભારતીય જનતા પાર્ટીના વિશાલ પ્રશાંતનો વિજય થયો છે. તેમને 78755 વોટ મળ્યા અને 10612 વોટથી જીત્યા. કોમ્યુનિસ્ટ પાર્ટી ઓફ ઈન્ડિયા (માર્કસિસ્ટ-લેનિનિસ્ટ) (લિબરેશન)ના રાજુ યાદવ બીજા ક્રમે રહ્યા જેમને 68143 વોટ મળ્યા. ત્રીજા સ્થાને જન સૂરાજ પાર્ટીના કિરણ સિંહ હતા જેમને 5622 મત મળ્યા હતા.
13 નવેમ્બરે મતદાન થયું હતું
બિહારની આ ચાર વિધાનસભા બેઠકો પર પેટાચૂંટણી માટે 13 નવેમ્બરે મતદાન થયું હતું. આ વિધાનસભા ક્ષેત્રોના વર્તમાન ધારાસભ્યો લોકસભામાં ચૂંટાયા બાદ પેટાચૂંટણી યોજાઈ છે. સત્તાધારી એનડીએ, વિપક્ષી મહાગઠબંધન અને નવી રચાયેલી જન સૂરાજ પાર્ટી માટે ચૂંટણી પરિણામો મહત્વપૂર્ણ માનવામાં આવ્યાં હતાં. આ પેટાચૂંટણીને આગામી વિધાનસભાની ચૂંટણીની તૈયારીઓના સંદર્ભમાં જોવામાં આવી રહ્યા છે.
ટ્રેન્ડિંગ સમાચાર
ટોપ સ્ટોરી
