Cancer Vaccine: ભારતમાં ટૂંક સમયમાં આવી રહી છે કેન્સરની વેક્સિન, સરકારે વેક્સિનેશન માટે કરી જાહેરાત
Cancer Vaccine: દર વર્ષે સમગ્ર વિશ્વમાં લાખો લોકો કેન્સરની બીમારીથી મૃત્યુ પામે છે. ભારતમાં આ જીવલેણ રોગના આંકડા સતત વધી રહ્યા છે. દિવસેને દિવસે ભારત કેન્સરનું હબ બની રહ્યું છે.
Cancer Vaccine: કેન્સર એટલો ખતરનાક અને ગંભીર રોગ છે કે, જો કોઈને આ રોગ થાય છે, તો માત્ર દર્દીને જ નહીં પરંતુ પરિવારને પણ ઘણી સમસ્યાઓનો સામનો કરવો પડે છે. જેમ તમે જાણો છો, દર વર્ષે લાખો લોકો કેન્સર જેવી ગંભીર બીમારીનો શિકાર બને છે. દેશમાં કેન્સરના વધતા જતા કેસોને જોતા કેન્દ્ર સરકારે રસીકરણને લઈને મહત્વનું પગલું ભર્યું છે.
9-16 વર્ષની ગર્લ્સને આપવામાં આવશે
છેલ્લા કેટલાક વર્ષોમાં મહિલાઓમાં સર્વાઇકલ કેન્સરના દર્દીઓની સંખ્યામાં ઝડપથી વધારો થયો છે. હવે થોડા દિવસોમાં સરકાર સર્વાઇકલ કેન્સરની રસી આપશે. કેન્દ્રીય સ્વાસ્થ્ય, પરિવાર કલ્યાણ અને આયુષ મંત્રી પ્રતાપરાવ જાધવે એક પ્રેસ કોન્ફરન્સમાં જણાવ્યું કે, આ રસી આગામી 5 મહિનામાં ઉપલબ્ધ થશે. આ 9-16 વર્ષની છોકરીઓને આપવામાં આવશે.
વેક્સિનેશન ક્યારે શરૂ થશે?
આ રસી 5-6 મહિનામાં ઉપલબ્ધ થશે. સૌ પ્રથમ, આ રસી 9-16 વર્ષની વયની છોકરીઓને આપવામાં આવશે. જેથી ભવિષ્યમાં આ છોકરીઓને સર્વાઇકલ કેન્સર ન થાય.
દેશમાં કેન્સરના દર્દીઓની સંખ્યામાં વધારો થયો છે અને કેન્દ્ર સરકારે આ મુદ્દાને ઉકેલવા માટે પગલાં લીધાં છે. 30 વર્ષથી વધુ ઉંમરની મહિલાઓની હોસ્પિટલોમાં તપાસ કરવામાં આવશે અને રોગની વહેલી તપાસ માટે ડેકેર કેન્સર કેન્દ્રો શરૂ કરવામાં આવશે. તેમણે કહ્યું કે સરકારે કેન્સરની સારવારમાં વપરાતી દવાઓ પરની કસ્ટમ ડ્યુટી પણ માફ કરી દીધી છે.
સ્ત્રીઓને અસર કરતા કેન્સર માટેની રસી પર સંશોધન લગભગ પૂર્ણ થઈ ગયું છે અને ટ્રાયલ ચાલી રહી છે. તે પાંચથી છ મહિનામાં ઉપલબ્ધ થશે અને 9 થી 16 વર્ષની વયની છોકરીઓ રસીકરણ માટે પાત્ર બનશે. જ્યારે પૂછવામાં આવ્યું કે આ રસી કયા કેન્સરની સારવાર કરશે. સ્તન, મોં અને સર્વાઇકલ કેન્સર. જ્યારે હાલના આરોગ્ય કેન્દ્રોને આયુષ સુવિધાઓમાં રૂપાંતરિત કરવા વિશે પૂછવામાં આવ્યું ત્યારે જાધવે કહ્યું કે હોસ્પિટલોમાં આયુષ વિભાગો છે અને લોકો આ સુવિધાઓનો લાભ લઈ શકે છે.
ટ્રેન્ડિંગ સમાચાર
ટોપ સ્ટોરી
