Cash for Query Case: શું મહુઆ મોઇત્રાનું સભ્યપદ જશે? એથિક્સ કમિટી સોમવારે લોકસભામાં રજૂ કરશે રિપોર્ટ

Cash for Query Case: એથિક્સ કમિટી સોમવારે (4 ડિસેમ્બર) લોકસભામાં એક રિપોર્ટ રજૂ કરશે જેમાં તૃણમૂલ કોંગ્રેસના સાંસદ મહુઆ મોઇત્રાને પ્રશ્નો પૂછવાના બદલામાં પૈસા લેવાના આરોપોના કેસમાં બરતરફ કરવાની ભલામણ કરવામાં આવશે.

( Image Source : PTI )

Source : PTI

Cash for Query Case: એથિક્સ કમિટી સોમવારે (4 ડિસેમ્બર) લોકસભામાં એક રિપોર્ટ રજૂ કરશે જેમાં તૃણમૂલ કોંગ્રેસના સાંસદ મહુઆ મોઇત્રાને પ્રશ્નો પૂછવાના બદલામાં પૈસા લેવાના આરોપોના કેસમાં બરતરફ કરવાની ભલામણ કરવામાં આવશે. સંસદનું શિયાળુ સત્ર એ જ દિવસે એટલે કે 4 ડિસેમ્બરથી શરૂ થઈ રહ્યું છે જે 22 ડિસેમ્બર સુધી ચાલશે.

ભાજપના સાંસદ વિનોદ કુમાર સોનકરની આગેવાની હેઠળની એથિક્સ કમિટીએ 9 નવેમ્બરે મોઇત્રાને બરતરફ કરવાની ભલામણ કરી હતી. સમિતિના છ સભ્યોએ હકાલપટ્ટીના અહેવાલને સમર્થન આપ્યું હતું જ્યારે ચાર સભ્યોએ તેનો વિરોધ કર્યો હતો.

 

Ethics Committee report on TMC MP Mahua Moitra expected to be tabled in the Lok Sabha on the first day of Winter Session of Parliament, on 4th December.

— ANI (@ANI) December 1, 2023

આ સમયગાળા દરમિયાન મોઇત્રા પણ સમિતિ સમક્ષ હાજર થયા હતા. તેમણે અને સમિતિમાં સામેલ અન્ય વિપક્ષી સાંસદોએ આરોપ લગાવ્યો હતો કે તેમને વ્યક્તિગત પ્રશ્નો પૂછવામાં આવ્યા હતા. આ વાતને નકારી કાઢતાં વિનોદ કુમાર સોનકરે કહ્યું હતું કે એવું નથી.

શું દાવો કરવામાં આવ્યો હતો?
તાજેતરમાં જ બીજેપી સાંસદ નિશિકાંત દુબેએ દાવો કર્યો હતો કે મહુઆ મોઇત્રાએ અદાણી ગ્રુપ સંબંધિત મામલામાં સંસદમાં સવાલ પૂછવા માટે બિઝનેસમેન દર્શન હિરાનંદાની પાસેથી પૈસા અને મોંઘી ગિફ્ટ લીધી હતી. આ પછી દુબેએ લોકસભા સ્પીકર ઓમ બિરલાને આ અંગે ફરિયાદ કરી અને કાર્યવાહીની માંગ કરી. પછી બિરલાએ આ મામલો એથિક્સ કમિટીને સોંપ્યો.

Chairman Ethics Committee openly speaks to media. Please see Lok Sabha rules below. How does “affidavit” find its way to media? Chairman should first do enquiry into how this was leaked.
I repeat - BJP 1 point agenda is to expel me from LS to shut me up on Adani pic.twitter.com/6JHPGqaoTI

— Mahua Moitra (@MahuaMoitra) October 20, 2023

 

શું છે એફિડેવિટમાં?
દર્શન હિરાનંદાનીએ ગુરુવારે (19 ઓક્ટોબર) એફિડેવિટમાં જણાવ્યું હતું કે મોઇત્રાએ વડાપ્રધાન નરેન્દ્ર મોદીને બદનામ કરવા માટે ઉદ્યોગપતિ ગૌતમ અદાણી પર નિશાન સાધ્યું હતું. તેમણે કહ્યું કે મોઇત્રાનો ઇરાદો પીએમ મોદીની છબી ખરાબ કરવાનો હતો કારણ કે તેમની પ્રતિષ્ઠાને કારણે વિપક્ષી પાર્ટીઓને તેમના પર હુમલો કરવાની તક મળતી નથી. તેણે દાવો કર્યો હતો કે મોઇત્રા સતત મોંઘી લક્ઝરી વસ્તુઓ, મુસાફરી ખર્ચ, રજાઓ ઉપરાંત દેશ અને વિશ્વના વિવિધ સ્થળોએ તેની મુસાફરીઓ માટે મદદની માગ કરતી હતી.