Swati Maliwal: 'પપ્પાએ મારું શોષણ કર્યું, ડરીને બેડ નીચે છૂપાઇ જતી હતી', સ્વાતિ માલીવાલે સંભળાવી આપવીતી
દિલ્હી મહિલા આયોગ (DCW)ના વડા સ્વાતિ માલીવાલે તેમના પિતા પર બાળપણમાં જાતીય શોષણનો આરોપ લગાવ્યો છે
Swati Maliwal Sexually Assaulted: દિલ્હી મહિલા આયોગ (DCW)ના વડા સ્વાતિ માલીવાલે તેમના પિતા પર બાળપણમાં જાતીય શોષણનો આરોપ લગાવ્યો છે. શનિવાર (11 માર્ચ) ના રોજ મહિલા આયોગ દ્વારા આયોજિત એવોર્ડ સમારોહમાં તેમણે ઘટનાનું વર્ણન કરતી વખતે કહ્યું હતું કે જ્યારે હું નાની બાળકી હતી ત્યારે મારા પિતાએ મારું જાતીય શોષણ કર્યું હતું. તે મને મારતા હતા, જ્યારે પણ તે ઘરે આવતા ત્યારે હું ખૂબ ડરી જતી અને હું પલંગ નીચે સંતાઈ જતી હતી.
#WATCH | "I was sexually assaulted by my father when I was a child. He used to beat me up, I used to hide under the bed," DCW chief Swati Maliwal expresses her ordeal alleging her father sexually assaulted her during childhood pic.twitter.com/GsUqKDh2w8
— ANI (@ANI) March 11, 2023
તેમણે કહ્યું કે પછી હું આખી રાત પ્લાનિંગ કરતી હતી કે હું એવા પુરુષોને પાઠ ભણાવીશ જે મહિલાઓ અને છોકરીઓ સાથે ખરાબ વર્તન કરે છે. મારા પિતા મને નિર્દયતાથી મારતા હતા. હું ચોથા ધોરણ સુધી મારા પિતા સાથે રહેતી હતી. હું માનું છું કે જ્યારે કોઈ વ્યક્તિ અત્યાચાર સહન કરે છે ત્યારે જ તે બીજાની પીડાને સમજી શકે છે. ત્યારે જ તે વ્યક્તિની અંદર હિંમત આવે છે, જેના દ્વારા તે સમગ્ર સિસ્ટમને હલાવી શકે છે. કદાચ મારી સાથે પણ એવું જ થયું હશે.
સ્વાતિ માલીવાલે તાજેતરમાં એબીપી ન્યૂઝ સાથેની ખાસ વાતચીત દરમિયાન પોતાના સંઘર્ષ વિશે જણાવ્યું હતું. માલીવાલે તેની બહેન, માતા અને તેની વારંવાર મારપીટ અને ભયના વાતાવરણમાં જીવવા વિશે જણાવ્યું હતું. તેમણે કહ્યું હતું કે તેમને ખબર નથી કે તેમના પિતા તેમને ક્યારે માર મારશે. તેમણે કહ્યું હતું કે તેમનું બાળપણ તેમના દારૂડિયા પિતાના ઘરેલુ હિંસાના દર્દ સહન કરવામાં વીત્યું હતું.
દિલ્હી મહિલા આયોગના વડાએ પણ હોળીના વાયરલ વીડિયો પર નિવેદન આપ્યું હતું. તેમણે કહ્યું કે કેટલાક લોકોએ હોળીના બહાને એક જાપાની મહિલાને રંગવાનો પ્રયાસ કર્યો અને તેની છેડતી કરી હતી. વાયરલ વીડિયોમાં જોવા મળી રહ્યું છે કે કેવી રીતે મહિલા બૂમો પાડી રહી છે અને મદદ માંગી રહી છે. અમે દિલ્હી પોલીસને નોટિસ આપી રહ્યા છીએ. એ લોકોની ધરપકડ થવી જોઈએ.
ટોપ સ્ટોરી
ટ્રેન્ડિંગ સમાચાર
