નિર્ભયા કાંડના 7 વર્ષ બાદ દોષીતનું નવું ગતકડું, દિલ્હી HCમાં કરી વિચિત્ર અરજી

પવને એવો પણ દાવો કર્યો છે કે, ઘટ્ના ઘટી ત્યારે હાડકામાં રહેલા C-14નામના તત્વના નમુના લઈને મારી ઉંમરનું પરિક્ષણ નહોતુ કરવામાં આવ્યું હતું.

નવી દિલ્હીઃ નર્ભયા ગેંગરેપ અને હત્યાના કેસમાં ફાંસીની સજા મેળવનાર 4 દોષિઓમાંથી એક પવન ગુપ્તાએ દિલ્હા હાઈ કોર્ટમાં પોતાના બચાવમાં અરજી દાખલ કરી છે. પવન કુમારે પોતાની અરજીમાં દાવો કર્યો છે કે, ઘટના સમયે તે સગીર વયનો હતો અને ટ્રયલ કોર્ટે ખોટી રીતે તેની વિરૂદ્ધ કામ કર્યું હતું. આ મામલે આજે સુનાવણી થશે. નિર્ભયા ગેંગરેપ મામલે ફાંસીની સજા મેળવનાર પવન ગુપ્તાએ પોતાની અરજીમાં દાવો કર્યો છે કે તે ડિસેમ્બર 2012માં થયેલ ઘટનાના સમયે સગીર હતો અને ટ્રાયલ કોર્ટે ખોટી રીતે તેની વિરૂદ્ધ કામ કર્યું. અરજીમાં એ પણ કહેવામાં આવ્યું કે, ટ્રાયલ કોર્ટે એક સગીર તરીકે તેના અધિકારોનું હનન કર્યું છે. પવને એવો પણ દાવો કર્યો છે કે, ઘટ્ના ઘટી ત્યારે હાડકામાં રહેલા C-14નામના તત્વના નમુના લઈને મારી ઉંમરનું પરિક્ષણ નહોતુ કરવામાં આવ્યું હતું. જેથી મને પણ તેનો લાભ મળવો જોઈએ. દોષિત ગુનેગાર પવનનું કહેવું છે કે, તે સગીર હોવાના કારણે તેને જુનેવાઈલ જસ્ટિસ એક્ટ અંતર્ગત શંકાનો લાભ મળવો જોઈએ.

Pawan Kumar Gupta, one of the convicts in Nirbhaya case, moves Delhi HC claiming that he was a juvenile at the time of the offence in December 2012 and his ossification test was not done at that point and should be given the benefit of that. The matter to be heard tomorrow. pic.twitter.com/xGzz5FEUOa

— ANI (@ANI) December 18, 2019

ઉલ્લેખનીય છે કે, ઈતિહાસકારો મનુષ્ય હોય કે પ્રાણીના હાડકામાં રહેલા C-14 નામના તત્વના નમુના લઈને તેની ઉમંરની ચકાસણી કરે છે. જે વૈજ્ઞાનિક રીતે એકદમ સચોટ માનવામાં આવે છે. નોંધનીય છે કે, દિલ્હીની પટિયાલા હાઉસ કોર્ટે આજે બુધવારે નિર્ભયા સામુહિક દૂષ્કર્મ અને હત્યા કેસની સુનાવણી હાથ ધરતા પીડિતાની માતાને કહ્યું હતું કે, અમે જાણીયે છીએ કે કોઈનું મોત થયું છે, પરંતુ દોષિતોના પણ કેટલાક કાયદાકીય અધિકાર છે. એડિશનલ સેશન જજ સતીશ કુમાર અરોરાએ 7 જાન્યુઆરી માટે આ કેસ સ્થગિત કરી દીધો છે. તેમણે તિહાડ જેલના અધિકારીઓને નિર્દેશ આપ્યા છે કે તે દોષિતોને નવેસરથી નોટિસ આપી તેમના કાયદાકીય ઉપાયોનો ઉપયોગ કરવાનો સમય આપે.