Maharashtra: અજિત પવાર પાસે NCP ના કેટલા ધારાસભ્યોનું સમર્થન? ચૂંટણી પંચ સામે કર્યો ખુલાસો 

ચૂંટણી પંચે શુક્રવારે શરદ પવાર અને અજિત પવારની આગેવાની હેઠળના બંને જૂથોને સાંભળ્યા, જેઓ રાષ્ટ્રવાદી કોંગ્રેસ પાર્ટી (એનસીપી) ના નામ અને ચૂંટણી પ્રતીકનો દાવો કરી રહ્યા છે.

અજિત પવાર

નવી દિલ્હી: ચૂંટણી પંચે શુક્રવારે શરદ પવાર અને અજિત પવારની આગેવાની હેઠળના બંને જૂથોને સાંભળ્યા, જેઓ રાષ્ટ્રવાદી કોંગ્રેસ પાર્ટી (એનસીપી) ના નામ અને ચૂંટણી પ્રતીકનો દાવો કરી રહ્યા છે. ચૂંટણી પંચ દ્વારા બંને પક્ષોની સુનાવણી દરમિયાન એનસીપીના સ્થાપક શરદ પવાર હાજર રહ્યા હતા. પંચે 9 ઓક્ટોબરે આગળની કાર્યવાહી ચાલુ રાખવાનો નિર્ણય કર્યો છે.

પાર્ટીનું નામ અને ચૂંટણી ચિન્હ પર પેચ ફસાયો છે

મહારાષ્ટ્રના નાયબ મુખ્ય પ્રધાન અજિત પવાર જેમણે પક્ષના નામ અને ચૂંટણી ચિન્હનો દાવો કરીને ચૂંટણી પંચ સમક્ષ રજૂઆત કરી છે.  તેમણે કહ્યું કે તેમને મહારાષ્ટ્રમાં NCPના 53 માંથી 42 ધારાસભ્યો, નવ વિધાન પરિષદના સભ્યોમાંથી છ, નાગાલેન્ડના તમામ સાત ધારાસભ્યોનું સમર્થન મળ્યું છે. લોકસભા અને રાજ્યસભાના એક-એક સભ્યનું સમર્થન છે. સુનાવણી દરમિયાન શરદ પવાર વતી વરિષ્ઠ વકીલ અભિષેક મનુ સિંઘવી ચૂંટણી પંચ સમક્ષ હાજર થયા હતા. અજિત પવાર વતી વરિષ્ઠ વકીલ એનકે કૌલ અને મનિન્દર સિંહ હાજર હતા.

મહારાષ્ટ્રના નાયબ મુખ્ય પ્રધાન અજિત પવારની આગેવાની હેઠળના જૂથે NCP નેતા શરદ પવાર સામે બળવો કર્યો હતો અને પક્ષના નામ અને ચૂંટણી ચિહ્ન પર દાવો કરીને ચૂંટણી પંચનો સંપર્ક કર્યો હતો. NCPનું ચૂંટણી ચિન્હ ઘડિયાળ છે.

અજિત પવાર જૂથની દલીલ

અજિત પવારે પંચ સમક્ષ મુકેલી તેમની અરજીમાં જણાવ્યું હતું કે, 'આ પરિસ્થિતીઓમાં, અરજદાર જણાવે છે કે તેને સંગઠનાત્મક એકમ તેમજ એનસીપીના વિધાનસભ્ય એકમમાં પુષ્કળ સમર્થન મળે છે અને તેથી અરજદારની આગેવાની હેઠળનું જૂથ માનનીય પંચ દ્વારા ધ્યાનમાં લેવામાં આવે છે. હાલની અરજીને વાસ્તવિક પક્ષકારને માન્યતા આપીને મંજૂરી આપી શકાય છે.

અજિત પવાર જૂથે શુક્રવારે પંચ સમક્ષ પોતાના દાવાના સમર્થનમાં દલીલો રજૂ કરી હતી. અજિત પવાર જૂથની દલીલ સોમવારે પણ ચાલુ રહે તેવી શક્યતા છે. શરદ પવારના વકીલ સિંઘવીએ બાદમાં પત્રકારોને કહ્યું કે અજિત પવાર દ્વારા કરવામાં આવેલા દાવા કાલ્પનિક છે.

અજિત પવારે આ વર્ષે જુલાઈની શરૂઆતમાં મહારાષ્ટ્ર સરકારમાં જોડાવા માટે કાકા શરદ પવાર સામે બળવો કર્યો તેના બે દિવસ પહેલા 30 જૂને ચૂંટણી પંચનો સંપર્ક કર્યો હતો અને પાર્ટીના નામ તેમજ ચૂંટણી ચિહ્નનો દાવો કર્યો હતો અને બાદમાં 40 ધારાસભ્યોના સમર્થન સાથે પછીથી પોતાને પાર્ટી અધ્યક્ષ જાહેર કર્યા હતા.  તાજેતરમાં, શરદ પવારના નેતૃત્વવાળા જૂથે ચૂંટણી પંચને કહ્યું હતું કે પાર્ટીમાં કોઈ વિવાદ નથી, પરંતુ કેટલાક લોકો વ્યક્તિગત મહત્વાકાંક્ષા માટે સંગઠનથી અલગ થઈ ગયા છે.