કોરોના રસીથી મહિલાઓ તથા પુરુષો મા-બાપ બનવાની ક્ષમતા ગુમાવી બેસે છે ? જાણો મોદી સરકારે શું કહ્યું

સોશિયલ મીડિયા પર  એક બોગસ મેસેજ વાયરલ થયો છે. જેમાં કોરોના વેક્સીન મહિલાઓ તથા પુરુષોમાં સંતાનહીનતાનું કારણ બની શકતી હોવાનું જણાવાયું છે. જે બાદ પીઆઈબી ફેક્ટ ચેકે ટ્વટીટ કરીને લખ્યું, વેક્સીન સંપૂર્ણ સુરક્ષિત છે અને તેનાથી સંતાનહીનતાનું કોઈ વૈજ્ઞાનિક પ્રમાણ નથી.

તસવીરનો ઉપયોગ પ્રસ્તુતીકરણ માટે કરવામાં આવ્યો છે.

નવી દિલ્હીઃ  દેશમાં જીવલેણ કોરોના વાયરસની બીજી લહેર હવે ધીમી પડી રહી છે. દેશમાં વિતેલા 24 કલાકમાં 196427 નવા કેસ આવ્યા, જે 13 એપ્રિલ 2021 બાદ સૌથી ઓછા છે. પરંતુ તેમ છતાં રાહત આપતા સમાચાર નથી કારણ કે દેશમાં હજુ પણ રોજના મોતના આંકડા 3500થી વધારે આવી રહ્યા છે. દેશમાં અત્યાર સુધી કોરોનાથી 3,07,231 લોકોના મોત થયા છે.

દેશમાં બીજી લહેરના કહેરનો અંદાજ એ વાતથી લગાવી શકાય કે બીજી લહેરમાં દોઢ લાખ લોકોના મોત થયા છે. ફેબ્રુઆરી 2021ના બીજા સપ્તાહથી કોરોનાના કેસ વધવા લાગ્યા હતા. ત્યારે દેશમાં કોરોનાના દરરોજના નવા કેસ 10000 આસપાસ આવી રહ્યા હતા. પરંતુ બાદમાં નવા કેસ એટલી ઝડપથી વધ્યા કે માર્ચ 2021 બાદ દેશમાં 1.4 લાખ લોકોના મોત થયા અને નવા કેસની સંખ્યા 4 લાખને પાર કરી ગઈ હતી. આ દરમિયાન મોદી સરકારે રસીકરણ પર ભાર મુક્યો છે.

સોશિયલ મીડિયા પર  એક બોગસ મેસેજ વાયરલ થયો છે. જેમાં કોરોના વેક્સીન મહિલાઓ તથા પુરુષોમાં સંતાનહીનતાનું કારણ બની શકતી હોવાનું જણાવાયું છે. જે બાદ પીઆઈબી ફેક્ટ ચેકે ટ્વટીટ કરીને લખ્યું, વેક્સીન સંપૂર્ણ સુરક્ષિત છે અને તેનાથી સંતાનહીનતાનું કોઈ વૈજ્ઞાનિક પ્રમાણ નથી.

પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.

દેશમાં શું છે કોરોનાની સ્થિતિ

સ્વાસ્થ્ય મંત્રાલયના તાજા આંકડા અનુસાર, છેલ્લા 24 કલાકમાં 1,96,427 નવા કોરોનાના કેસ (Corona Cases) આવ્યા અને 3511 લોકોના મોત થયા છે. જોકે 24 કલાકમાં 3,26,850 લોકો ઠીક પણ થયા છે.   

• કુલ કેસ-  બે કરોડ 69 લાખ 48 હજાર 874
• કુલ ડિસ્ચાર્જ- બે કરોડ 40 લાખ 54 હજાર 861
• કુલ એક્ટિવ કેસ - 25 લાખ 86 હજાર 782
• કુલ મોત - 3 લાખ 07 હજાર 231