Fact Check: બ્રિટનથી આવેલા કોરોના પોઝિટિવમાંથી અડધા લોકો નવા કોરોના વાયરસથી સંક્રમિત છે ? મોદી સરકારે શું કરી સ્પષ્ટતા

બ્રિટનમાં કોરોનાનો કહેર વધ્યો છે. નવો સ્ટ્રેન ખૂબ ઝડપથી ફેલાઇ રહ્યો છે.

(પ્રતીકાત્મક તસવીર)

નવી દિલ્હીઃ બ્રિટનમાં કોરોનાનો કહેર વધ્યો છે. નવો સ્ટ્રેન ખૂબ ઝડપથી ફેલાઇ રહ્યો છે. બ્રિટનમાં કોરોનાનો નવો સ્ટ્રેન ખૂબ ઝડપથી ફેલાયા બાદ વધુ એક નવો સ્ટ્રેન સામે આવ્યો છે. જે ખૂબ સંક્રામક છે અને તેના બે મામલા સામે આવી ચુક્યા છે. દક્ષિણ આફ્રિકામાં પણ આ બીમારી ખૂબ ઝડપથી ફેલાઈ રહી છે. એક્સપર્ટ મુજબ આ દેશે કોરોનાની બીજી મોટી લહેરનો સામનો કરવો પડી શકે છે. આ દરમિયાન સોશિયલ મીડિયા પર એક ખબર વાયરલ થઈ છે. જેમાં બ્રિટનથી આવેલા કોરોના પોઝિટિવમાંથી અડધા લોકો નવા કોરોના વાયરસથી સંક્રમિત હોવાનો દાવો કરવામાં આવ્યો છે. જેને પીઆઈબીએ ખોટો ગણાવ્યો છે. વાયરલ મેસેજ મુજબ, બ્રિટનથી આવેલા કોરોના પોઝિટિવ મુસાફરોમાંથી અડધા નવા સ્ટ્રેનથી સંક્રમિત હોવાનો દાવા કરાયો છે. જેને લઈ પીઆઈબી ફેક્ટે એક ન્યૂઝ પેપરના સ્ક્રિનશોટ સાથે લખ્યું, આ અહેવાલ ખોટો છે.

પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.