દિલ્હીઃ જામિયા યુનિવર્સિટીના ગેટ નંબર 5ની પાસે ફાયરિંગ, છેલ્લા ચાર દિવસમાં ત્રીજી ઘટના

જેસીસી દ્વારા જાહેર કરાયેલા એક નિવેદનમાં કહેવામાં આવ્યુ છે કે હુમલાખોરો એક લાલ રંગની સ્કૂટી પર આવ્યા હતા. એક બદમાશે લાલ રંગનુ જેકેટ પહેર્યુ હતુ

નવી દિલ્હીઃ દિલ્હીમાં ફરી એકવાર ફાયરિંગ થવાની ઘટના ઘટી છે. દિલ્હીની જામિયા મિલિયા ઇસ્લામિયા યુનિવર્સિટીના ગેટ નંબર પાંચની પાસે રવિવારે રાત્રે અજાણ્યા લોકોએ ફાયરિંગ કર્યુ. જામિયા કોર્ડિનેશન કમિટી (જેસીસી) અનુસાર, બે અજાણ્યા લોકો યુનિવર્સિટી ગેટની પાસે ફાયરિંગ કરીને ફરાર થઇ ગયા હતા. ફાયરિંગમાં કોઇ જાનહાનિ કે નુકશાનના સમાચાર નથી. જેસીસી દ્વારા જાહેર કરાયેલા એક નિવેદનમાં કહેવામાં આવ્યુ છે કે હુમલાખોરો એક લાલ રંગની સ્કૂટી પર આવ્યા હતા. એક બદમાશે લાલ રંગનુ જેકેટ પહેર્યુ હતુ. ફાયરિંગની ઘટના બાદ સાઉથ ઇસ્ટ દિલ્હીના ડીસીપીએ કહ્યું કે એસએચઓ ઘટના સ્થળે હાજર છે. ફાયરિંગની ઘટનાની માહિતી મળતા જ સ્થાનિક લોકોએ ઘટના સ્થળે પહોંચી ગયા હતા અને દિલ્હી પોલીસ વિરુદ્ધ નારેબાજી કરવાનુ શરૂ કરી દીધુ હતુ. ખરેખરમાં છેલ્લા ચાર દિવસમાં દિલ્હીમાં જામિયા વિસ્તારમાં ફાયરિંગની આ ત્રીજી ઘટના ઘટી છે.

Two unidentified persons opened fire at Gate No 5 of Jamia Millia Islamia University on Sunday night; no one was injured: Jamia Coordination Committee

— Press Trust of India (@PTI_News) February 2, 2020

ગોળાબાર બાદ વિદ્યાર્થીઓમાં નારાજગી જોવા મળી હતી કારણ કે પોલીસ હાજર હોવા છતાં આવી ઘટનાઓ કેવી રીતે બની રહી છે. ઘટના બાદ મોટી સંખ્યામાં વિદ્યાર્થીઓ પહોંચવા લાગ્યા. નારાજ વિદ્યાર્થીઓએ જામિયાનગર પોલીસ સ્ટેશનની બહાર ફાયરિંગની આ ઘટનાને લઇ પ્રદર્શન કર્યું બાદમાં ફરિયાદ થવા પર પ્રદર્શનકારી વિદ્યાર્થીઓ ત્યાંથી રવાના થઇ ગયા.

#WATCH Delhi: People gather in protest outside Jamia Millia Islamia University following an incident of firing at gate no.5 of the university. 2 scooty-borne unidentified people had fired bullets at the spot. SHO (Station house officer) is present at the spot. Investigation is on pic.twitter.com/EKlxQPBVum

— ANI (@ANI) February 2, 2020