Amarinder Singh Update: પોતાની પાર્ટી બનાવશે કેપ્ટન અમરિંદર સિંહ, ભાજપ સાથે ગઠબંધનને લઈ રાખી આ શરત

પંજાબના પૂર્વ મુખ્યમંત્રી  કેપ્ટન અમરિંદર સિંહ ટૂંક સમયમાં જ તેમની પાર્ટી બનાવશે. અમિંદર સિંહના મીડિયા સલાહકાર રવિન ઠુકરાલે ટ્વિટ કરીને આ માહિતી આપી હતી.

પંજાબના પૂર્વ મુખ્યમંત્રી  કેપ્ટન અમરિંદર સિંહ ટૂંક સમયમાં જ તેમની પાર્ટી બનાવશે. અમિંદર સિંહના મીડિયા સલાહકાર રવિન ઠુકરાલે ટ્વિટ કરીને આ માહિતી આપી હતી.  કેપ્ટને ખેડૂત આંદોલન પૂર્ણ કરવાની શરત પર આગામી વર્ષે યોજાનારી વિધાનસભા ચૂંટણીમાં ભાજપ સાથે ગઠબંધન કરવાની પણ વાત કરી.

રવીન ઠુકરાલે ટ્વીટ કર્યું, "પંજાબના ભવિષ્ય માટે લડાઈ ચાલુ છે. એક વર્ષથી વધુ સમયથી પોતાના અસ્તિત્વ માટે સંઘર્ષ કરી રહેલા અમારા ખેડૂતો પંજાબ અને ત્યાંના લોકોના હિતોની સેવા માટે ટૂંક સમયમાં અમારી પોતાની રાજકીય પાર્ટી શરૂ કરવાની જાહેરાત કરીશું."

અન્ય એક ટ્વિટમાં કેપ્ટન અમરિંદર સિંહે એક નિવેદનમાં જણાવ્યું હતું કે, "જો ખેડૂતોનું આંદોલન ખેડૂતોના હિતમાં ઉકેલાય તો 2022 પંજાબ વિધાનસભાની ચૂંટણીમાં ભાજપ સાથે બેઠકોની  શેરિંગ અંગે અપેક્ષા છે.  સાથે જ સમાન વિચારધારા જેવા પક્ષો અકાલી સમૂહ, ખાસ કરી ઢીંડસા અને બ્રહ્મપુરા ગુટ સાથે ગઠબંધનની આશા છે.

અમરિંદર સિંહે આગળ કહ્યું, "જ્યાં સુધી હું મારા લોકો અને મારા રાજ્યનું ભવિષ્ય સુરક્ષિત નહીં કરું ત્યાં સુધી હું આરામ કરીશ નહીં. પંજાબને આંતરિક અને બાહ્ય ખતરાઓથી રાજકીય સ્થિરતા અને સુરક્ષાની જરૂર છે. હું મારા લોકોને વચન આપું છું કે હું તેની શાંતિ અને સલામતી સુનિશ્ચિત કરવા માટે ગમે તે કરીશ. , જે આજે દાવ પર છે. "

કેપ્ટન અમરિંદર અને હાલમાં પંજાબ કોંગ્રેસના અધ્યક્ષ નવજોત સિંહ સિદ્ધુ વચ્ચે લાંબા સમયથી વિવાદ ચાલતો હતો. ત્યાર બાદ કેપ્ટને પંજાબના સીએમ પદ પરથી રાજીનામું આપી દીધુ હતું.

મુખ્યમંત્રી પદેથી રાજીનામું આપ્યા બાદ કેપ્ટન અમરિંદર સિંહે હવે કોંગ્રેસથી અલગ થવાની ઔપચારિક જાહેરાત કરી છે. મુખ્યમંત્રી પદ પરથી રાજીનામું આપ્યું ત્યારથી જ કેપ્ટન કોંગ્રેસથી અલગ થવાની વાત કરી રહ્યા હતા, પરંતુ મંગળવારે તેમણે નવા રાજકીય પક્ષની રચનાની જાહેરાત કરી છે.