મણિપુરમાં હિંસા બાદ બે જિલ્લામાં કફર્યૂ, 7 જિલ્લામાં ઈન્ટરનેટ પર પ્રતિબંધ
મણિપુરના જિરીબામ જિલ્લામાં ત્રણ મૃતદેહો મળ્યા બાદ રાજ્યમાં હિંસા અને આક્રોશ ફેલાયો છે. શનિવારે (16 નવેમ્બર 2024), સેંકડો લોકોએ ઇમ્ફાલ ઘાટીના ઘણા વિસ્તારોમાં વિરોધ પ્રદર્શન કર્યું.
Manipur Violence: મણિપુરના જિરીબામ જિલ્લામાં ત્રણ મૃતદેહો મળ્યા બાદ રાજ્યમાં હિંસા અને આક્રોશ ફેલાયો છે. શનિવારે (16 નવેમ્બર 2024), સેંકડો લોકોએ ઇમ્ફાલ ઘાટીના ઘણા વિસ્તારોમાં વિરોધ પ્રદર્શન કર્યું. ત્રણેય મૃતદેહો અંગે કહેવાય છે કે આ એ જ લોકો છે જે થોડા દિવસો પહેલા જિરીબામથી ગુમ થયા હતા. મૃતકોમાં એક મહિલા અને બે બાળકોનો સમાવેશ થાય છે. મૃતદેહો મળવાના સમાચાર ફેલાતા જ લોકો રસ્તા પર ઉતરી આવ્યા હતા, જેમાં મોટાભાગની મહિલાઓ હતી. ઇમ્ફાલ પશ્ચિમ અને અન્ય જિલ્લાઓમાં દેખાવકારોએ ટાયરો સળગાવીને રસ્તાઓ બંધ કરી દીધા હતા. આ દરમિયાન, સ્થાનિક બજારો અને દુકાનો બંધ હતી, અને ઇમ્ફાલમાં સુરક્ષા દળો તૈનાત કરવામાં આવ્યા હતા.
Manipur: Women from Lamlai village and Chalou village staged a sit-in protest in Imphal East against the violence and tension in the state after the kidnapping of 6 individuals and the bodies of 3 were found (not clear yet if they belong to the abductees) pic.twitter.com/KO3Z8cx4XX
— ANI (@ANI) November 16, 2024
વિરોધ અને કર્ફ્યુની જાહેરાત
જિરીબામમાં મૃતદેહ મળ્યા બાદ તણાવ વધી ગયો છે અને મણિપુરની રાજધાની ઈમ્ફાલમાં કર્ફ્યુ લાદી દેવામાં આવ્યો છે. આ હિંસા બાદ રાજ્ય સરકારે શનિવારે (16 નવેમ્બર 2024) શાળાઓ અને કોલેજોમાં રજાનો આદેશ આપ્યો હતો. સ્થાનિક રહેવાસીઓનો આરોપ છે કે ઉગ્રવાદીઓએ આ ગુમ થયેલા લોકોનું અપહરણ કર્યું હતું જ્યારે તેઓ ભાગી રહ્યા હતા. આ મામલે પોતાની ચિંતા વ્યક્ત કરતા મૈતી સંગઠનોએ દાવો કર્યો છે કે આ લોકો ઉગ્રવાદીઓના હાથે માર્યા ગયા છે. જોકે, પોલીસનું કહેવું છે કે ગુમ થયેલા લોકોની શોધ ચાલી રહી છે.
ઇન્ટરનેટ સેવા પર પ્રતિબંધ
મણિપુરમાં વધી રહેલા તણાવને ધ્યાનમાં રાખીને રાજ્ય સરકારે ઘણા જિલ્લાઓમાં ઇન્ટરનેટ અને મોબાઇલ ડેટા સેવાઓ પર અસ્થાયી રૂપે પ્રતિબંધ મૂક્યો છે. આ આદેશ હેઠળ, 16 નવેમ્બર, 2024 થી પ્રભાવી ઇમ્ફાલ પશ્ચિમ, ઇમ્ફાલ પૂર્વ, બિષ્ણુપુર અને અન્ય અસરગ્રસ્ત જિલ્લાઓમાં ઇન્ટરનેટ સેવાઓ બે દિવસ માટે સ્થગિત રહેશે. રાજ્યમાં અફવાઓ અને ભડકાઉ સામગ્રીના ફેલાવાને રોકવા માટે આ પગલું લેવામાં આવ્યું છે, જે હિંસા તરફ દોરી શકે છે. સરકારે ચેતવણી આપી છે કે આ આદેશનું ઉલ્લંઘન કરનારાઓ સામે કડક કાયદાકીય કાર્યવાહી કરવામાં આવશે.
કોંગ્રેસના સરકાર પર પ્રહાર
કોંગ્રેસ પાર્ટીએ મણિપુરમાં વધી રહેલા તણાવ પર ચિંતા વ્યક્ત કરી છે અને આરોપ લગાવ્યો છે કે વડાપ્રધાન નરેન્દ્ર મોદી અને તેમની સરકાર આ હિંસા પ્રત્યે નકારાત્મક વલણ અપનાવી રહી છે. કોંગ્રેસે ટ્વિટ કર્યું કે મણિપુરમાં હિંસા અને આગચંપીની ઘટનાઓ ચાલુ છે અને આ દરમિયાન વડાપ્રધાન વિદેશ પ્રવાસે ગયા છે. પાર્ટીએ મણિપુરમાં શાંતિ અને સુરક્ષા પુનઃસ્થાપિત કરવા માટે તાત્કાલિક પગલાં લેવાની માંગ કરી છે.
ટ્રેન્ડિંગ સમાચાર
ટોપ સ્ટોરી
