![ABP Premium](https://cdn.abplive.com/imagebank/Premium-ad-Icon.png)
Goldy Brar Death: શું સિદ્ધુ મૂસેવાલાના હત્યારા ગોલ્ડી બ્રારની થઈ હત્યા? અમેરિકામાં ખુની ખેલ ખેલાયો હોવાની આશંકા
Goldy Brar Death News: સિદ્ધુ મૂઝવાલા મર્ડર કેસના માસ્ટરમાઈન્ડ ગોલ્ડી બ્રારની અમેરિકામાં હત્યા થઈ હોવાનો દાવો કરવામાં આવી રહ્યો છે. અમેરિકન ન્યૂઝ ચેનલના રિપોર્ટ અનુસાર, અમેરિકામાં ગેંગસ્ટરની ગોળી મારીને હત્યા કરવામાં આવી છે.
![Goldy Brar Death: શું સિદ્ધુ મૂસેવાલાના હત્યારા ગોલ્ડી બ્રારની થઈ હત્યા? અમેરિકામાં ખુની ખેલ ખેલાયો હોવાની આશંકા gangster goldy-brar-death-gangster-goldy-brar-killed-in-us Goldy Brar Death: શું સિદ્ધુ મૂસેવાલાના હત્યારા ગોલ્ડી બ્રારની થઈ હત્યા? અમેરિકામાં ખુની ખેલ ખેલાયો હોવાની આશંકા](https://feeds.abplive.com/onecms/images/uploaded-images/2024/05/01/b0a410db7b7593dc2685cbbb1cf9451e1714566551823397_original.jpg?impolicy=abp_cdn&imwidth=1200&height=675)
Goldy Brar Death News: સિદ્ધુ મૂઝવાલા મર્ડર કેસના માસ્ટરમાઈન્ડ ગોલ્ડી બ્રારની અમેરિકામાં હત્યા થઈ હોવાનો દાવો કરવામાં આવી રહ્યો છે. અમેરિકન ન્યૂઝ ચેનલના રિપોર્ટ અનુસાર, અમેરિકામાં ગેંગસ્ટરની ગોળી મારીને હત્યા કરવામાં આવી છે. ગેંગસ્ટર સતીન્દરજીત સિંહ ઉર્ફે ગોલ્ડી બ્રારને કેન્દ્રીય ગૃહ મંત્રાલયે આતંકવાદી જાહેર કર્યો છે. ગોલ્ડી બ્રારે પ્રખ્યાત પંજાબી સિંગર સિદ્ધુ મૂઝવાલાની હત્યાની જવાબદારી લીધી હતી, ત્યારબાદ તેનું નામ હેડલાઈન્સમાં આવવા લાગ્યું હતું.
અનેક હત્યાઓની જવાબદારી લીધી છે
ગોલ્ડી બ્રારનો જન્મ 11 એપ્રિલ 1994ના રોજ શમશેર સિંહ અને પ્રીતપાલ કૌરના ઘરે થયો હતો. તે પંજાબના શ્રી મુક્તસર સાહિબનો રહેવાસી છે. ગોલ્ડી બ્રારના પિતા પોલીસમાં નોકરી કરતા હતા. ગોલ્ડી બ્રાર સામે રાજકારણીઓ પાસેથી ધમકીભર્યા ફોન કરવા, ખંડણી માંગવા અને અનેક હત્યાઓની જવાબદારી લેવાના કેસ નોંધાયેલા છે.
ગોલ્ડી બ્રારના પિતરાઈ ભાઈ ગુરલાલ બ્રારની હત્યા બાદ, ગોલ્ડીએ ક્રાઈમનો રસ્તો પસંદ કર્યો અને ઘણા ગેંગસ્ટરોના સંપર્કમાં આવવા લાગ્યો. કેનેડાના બ્રૈમ્પટનમાં રહેતો ગોલ્ડી બ્રાર ખાલિસ્તાની આતંકવાદી સંગઠન બબ્જર સાથે સંકળાયેલો હતો. કેન્દ્રીય મંત્રાલયના નોટિફિકેશન મુજબ, શાર્પ-શૂટર્સની સપ્લાય ઉપરાંત, ગોલ્ડી બ્રાર સરહદ પારથી દારૂગોળો અને વિસ્ફોટક સામગ્રીની દાણચોરી અને હત્યાને અંજામ આપવા માટે જરૂરી તમામ સામગ્રીની સપ્લાયમાં પણ સામેલ હતો.
રેડ કોર્નર નોટિસ જારી કરવામાં આવી છે
ફ્રાન્સના ઇન્ટરપોલ સચિવાલય જનરલ (IPSG) દ્વારા ગોલ્ડી બ્રાર વિરુદ્ધ રેડ કોર્નર નોટિસ જારી કરવામાં આવી હતી. તેમની સામે 15 જૂન 2022ના રોજ લુક આઉટ સર્ક્યુલર જારી કરવામાં આવ્યો હતો. આ પછી, 12 ડિસેમ્બર 2022 ના રોજ, ગોલ્ડી બ્રાર વિરુદ્ધ બિનજામીનપાત્ર વોરંટ જારી કરવામાં આવ્યું હતું. ગોલ્ડી બ્રાર વર્ષ 2023માં કેનેડાના મોસ્ટ વોન્ટેડની યાદીમાં 15મા ક્રમે છે. પોલીસ તેને હત્યા, હત્યાનું કાવતરું અને હથિયારોની દાણચોરીના ગુનામાં શોધી રહી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)