યોગના દિગ્ગજ સ્વામી શિવાનંદનો પદ્મ શ્રી સન્માન દરમિયાન દિલ જીતી લેતો વીડિયો વાયરલ

શિવાનંદ દેશના ઈતિહાસમાં કદાચ સૌથી વૃદ્ધ પદ્મ પુરસ્કાર વિજેતા છે અને તેમનું વર્ણન 'યોગ સેવક' તરીકે કરવામાં આવે છે

નવી દિલ્હી: 125 વર્ષના યોગ ચિકિત્સક સ્વામી શિવાનંદને યોગ ક્ષેત્રમાં તેમના યોગદાન બદલ સોમવારે પદ્મ શ્રીથી સન્માનિત કરવામાં આવ્યા હતા.  શિવાનંદ દેશના ઈતિહાસમાં કદાચ સૌથી વૃદ્ધ પદ્મ પુરસ્કાર વિજેતા છે અને તેમનું વર્ણન 'યોગ સેવક' તરીકે કરવામાં આવે છે. સમાચાર એજન્સી એએનઆઈ દ્વારા જારી કરવામાં આવેલા એક વીડિયોમાં સ્વામી શિવાનંદને સન્માનના રુપમાં પુરસ્કાર મેળવતા પહેલા રાષ્ટ્રપતિ રામનાથ કોવિંદ અને પ્રધાનમંત્રી નરેંદ્ર મોદીને નમન કરતા જોવામાં આવે છે. યોગના દિગ્ગજ સ્વામી શિવાનંદનો   આ વીડિયો ખૂબ જ વાયરલ થઈ રહ્યો છે. 

આજે જ્યારે સ્વામી શિવાનંદ એવોર્ડ લેવા પહોંચ્યા ત્યારે તેમણે સૌથી પહેલા વડાપ્રધાન મોદીને પ્રણામ કર્યા. આ પછી પીએમ મોદી પણ ખુરશી પરથી ઉભા થયા અને તેમને પ્રણામ કર્યા. વડા પ્રધાન ખુરશી પરથી ઊભા થયા કે તરત જ તેમની આસપાસ બેઠેલા બધા ઊભા થઈ ગયા. તે જ સમયે જ્યારે સ્વામી શિવાનંદ એવોર્ડ લેવા આવ્યા ત્યારે તેમણે રાષ્ટ્રપતિ રામનાથ કોવિંદને માથું નમાવીને પ્રણામ કર્યા. આ પછી રાષ્ટ્રપતિ કોવિંદ પોતાની ખુરશી પરથી ઉભા થયા અને થોડા નીચે આવ્યા અને સ્વામી શિવાનંદને હાથ પકડીને ઉપાડ્યા અને પછી તેમને એવોર્ડ આપ્યો.

#WATCH Swami Sivananda receives Padma Shri award from President Ram Nath Kovind, for his contribution in the field of Yoga. pic.twitter.com/fMcClzmNye

— ANI (@ANI) March 21, 2022

સ્વામી શિવાનંદ  તેમની આસપાસ સેવા કરતા રહે છે. તેઓ ત્રણ દાયકાથી વધુ સમયથી કાશીના ઘાટ પર યોગનો અભ્યાસ અને શિક્ષણ આપી રહ્યા છે.

કચ્છના પૂર પીડિતો માટે 'ક્લોથ બેંક'નું આયોજન કરનાર 91 વર્ષીય મહિલા, પોલિયો સામે લડતા 82 વર્ષીય ઓર્થોપેડિક સર્જન અને કાશ્મીરના બાંદીપોરાની 33 વર્ષીય માર્શલ આર્ટ 'અનસંગ અને અનોખા'ની સમૂહમાંથી છે નાયકો જેમને પદ્મ શ્રીથી સન્માનિત કરવામાં આવ્યા હતા.