દેશના આ રાજ્યમાં કોરોના સંક્રમણમાં ઘટાડો થતા રાત્રિ કર્ફ્યૂ હટાવાયો, જાણો 

રાજ્યમાં લાગુ કરાયેલ નાઈટ કર્ફ્યુ હટાવવાનો નિર્ણય લેવામાં આવ્યો છે. કોરોનાના કેસો વધ્યા બાદ 5 જાન્યુઆરીથી સમગ્ર રાજ્યમાં રાત્રે 10 વાગ્યાથી સવારે 5 વાગ્યા સુધી નાઈટ કર્ફ્યુ લાગુ કરવામાં આવ્યો હતો.

પ્રતિકાત્મક તસવીર

હિમાચલ પ્રદેશ કેબિનેટની બેઠક બુધવારે સવારે મુખ્યમંત્રી જયરામ ઠાકુરની અધ્યક્ષતામાં મળી હતી. આ બેઠકમાં રાજ્યમાં હાલની કોરોનાની સ્થિતિ અંગે ચર્ચા કર્યા બાદ રાજ્યમાં લાગુ કરાયેલ નાઈટ કર્ફ્યુ હટાવવાનો નિર્ણય લેવામાં આવ્યો છે. રાજ્યમાં કોરોનાના કેસો વધ્યા બાદ 5 જાન્યુઆરીથી સમગ્ર રાજ્યમાં રાત્રે 10 વાગ્યાથી સવારે 5 વાગ્યા સુધી નાઈટ કર્ફ્યુ લાગુ કરવામાં આવ્યો હતો. હવે કોરોના કેસમાં ઘટાડો થયા બાદ તેને દૂર કરવાનો નિર્ણય લેવામાં આવ્યો છે. 

આ સાથે જ લોકોને બાહ્ય અને આંતરિક સ્થળોએ લગ્ન અને અંતિમ સંસ્કાર સહિત તમામ સામાજિક, ધાર્મિક, સાંસ્કૃતિક, રાજકીય અને અન્ય કાર્યોમાં 50 ટકા ક્ષમતા સુધી ભાગ લેવાની મંજૂરી આપવામાં આવી હતી.

આ અગાઉ, મહત્તમ 100 લોકોને ઇન્ડોર અને 300 લોકોને આઉટડોર મેળાવડા માટે મંજૂરી આપવામાં આવી હતી. તે જ સમયે, રાજ્યમાં ધોરણ 1 થી 8 ના વિદ્યાર્થીઓ માટે નિયમિત વર્ગોનું આયોજન કરવાનો કોઈ નિર્ણય લેવામાં આવ્યો નથી. ઉનાળાના વેકેશનમાં શાળાઓમાં ધોરણ 9 થી 12  ના વિદ્યાર્થીઓ માટે નિયમિત વર્ગો યોજવામાં આવે છે. તે જ સમયે, આ વર્ગોના વિદ્યાર્થીઓને 15 ફેબ્રુઆરી પછી શિયાળાની શાળાઓમાં બોલાવવાના રહેશે.

ભારતમાં કોરોનાની ત્રીજી લહેરના વળતા પાણી થયા હોય તેમ ચાલુ મહિનાની શરૂઆતથી કેસમાં સતત ઘટાડો થઈ રહ્યો છે. સ્વાસ્થ્ય મંત્રાલયના જણાવ્યા મુજબ દેશમાં છેલ્લા 24 કલાકમાં 71365 નવા કોરોના કેસ નોંધાયા છે અને 1217 લોકોના મોત થયા છે. જ્યારે 171211 લોકોએ કોરોનાને મ્હાત આપી છે. દેશમાં કોરોનાથી રિકવરી રેટ 96.70 % પર પહોંચ્યો છે.

કુલ એક્ટિવ કેસઃ8,92,828
કુલ ડિસ્ચાર્જઃ 4,10,12,869
કુલ મૃત્યુઆંકઃ 5,05,279

દેશમાં કેટલા લોકોનું થયું રસીકરણ

દેશમાં અત્યાર સુધીમાં કુલ  170,87, 06,705 લોકોને રસીના ડોઝ આપવામાં આવ્યા છે. જેમાંથી ગઈકાલે 53,61,099 ડોઝ આપવામાં આવ્યા હતા.

દેશમાં કેટલા લોકોના થયા ટેસ્ટ

દેશમાં અત્યાર સુધીમાં 74.46 કરોડ ટેસ્ટ કરવામાં આવ્યા છે. જેમાંથી ગઈકાલે 15,71,726 ટેસ્ટ કરાયા હતા.