Weather Updates: દેશના 7 રાજ્યોમાં વરસાદને લઈ યલો એલર્ટ, જાણો હવામાન વિભાગની લેટેસ્ટ આગાહી  

હાલ દેશના અનેક રાજ્યોમાં ભારે વરસાદ જોવા મળી રહ્યો છે. ઘણી જગ્યાએ વાદળ ફાટવાની ઘટનાઓ સામે આવી છે, જ્યારે કેટલીક જગ્યાએ એટલો વરસાદ પડ્યો છે કે ભૂસ્ખલન થયું છે.

પ્રતિકાત્મક તસવીર

Source : PTI

Weather Updates: હાલ દેશના અનેક રાજ્યોમાં ભારે વરસાદ જોવા મળી રહ્યો છે. ઘણી જગ્યાએ વાદળ ફાટવાની ઘટનાઓ સામે આવી છે, જ્યારે કેટલીક જગ્યાએ એટલો વરસાદ પડ્યો છે કે ભૂસ્ખલન થયું છે. હાલમાં ઉત્તરથી દક્ષિણ તરફ ભારે વરસાદના કારણે લોકોનું જીવન મુશ્કેલ બની ગયું છે. દિલ્હી-NCRમાં પણ વરસાદની સંભાવના છે. હવામાન વિભાગે કહ્યું છે કે આગામી થોડા દિવસોમાં ઉત્તર પ્રદેશ, બિહાર, મધ્યપ્રદેશથી લઈને મહારાષ્ટ્ર સુધી ભારે વરસાદ થવાની સંભાવના છે.

ભારતીય હવામાન વિભાગે કહ્યું છે કે મધ્યપ્રદેશ, મધ્ય મહારાષ્ટ્ર અને ગુજરાતમાં ભારેથી અતિભારે વરસાદની સંભાવના છે. આ સ્થળોએ વધુ વરસાદ નોંધવામાં આવી શકે છે. ઉત્તરાખંડ, પૂર્વ રાજસ્થાન, છત્તીસગઢ, બિહાર, ઝારખંડ, સૌરાષ્ટ્ર અને કચ્છ, કોંકણ અને ગોવા, કોસ્ટલ કર્ણાટકમાં ભારેથી અતિભારે વરસાદની સંભાવના છે. IMDએ કહ્યું છે કે આ રાજ્યોમાં વરસાદ થવાની સંભાવના છે.

ઉત્તર-પૂર્વ ભારતમાં ભારે વરસાદ પડશે

ઉત્તર-પૂર્વ ભારતથી લઈને હિમાલયના પ્રદેશો સુધી વાદળોનું તોફાની સ્વરૂપ જોઈ શકાય છે. આ ઉપરાંત દક્ષિણ ભારતના કેટલાક રાજ્યોમાં પણ વાદળો વરસવાના છે. જમ્મુ-કાશ્મીર, હિમાચલ પ્રદેશ, ઉત્તર પ્રદેશ, પશ્ચિમ રાજસ્થાન, વિદર્ભ, હિમાલયન પશ્ચિમ બંગાળ અને સિક્કિમ, આસામ, મેઘાલય, અરુણાચલ પ્રદેશ, નાગાલેન્ડ, મણિપુર, મિઝોરમ, ત્રિપુરા, મરાઠવાડા, કેરળમાં ભારે વરસાદની ચેતવણી જાહેર કરવામાં આવી છે. 

કયા રાજ્યોમાં IMD એલર્ટ જાહેર કર્યું ?

IMD દ્વારા જમ્મુ અને કાશ્મીર, હિમાચલ પ્રદેશ, ઉત્તર પ્રદેશ, રાજસ્થાન, કેરળ, કર્ણાટક, મહારાષ્ટ્ર અને પૂર્વોત્તર ભારત માટે યલો એલર્ટ જારી કરવામાં આવ્યું છે. મધ્યપ્રદેશ માટે રેડ એલર્ટ જાહેર કરવામાં આવ્યું છે. હવામાન વિભાગ દ્વારા બિહાર, ઝારખંડ, છત્તીસગઢ, ગુજરાત જેવા રાજ્યો માટે ઓરેન્જ એલર્ટ જાહેર કરવામાં આવ્યું છે. લોકોને તેમના ઘરની બહાર નીકળતા પહેલા એલર્ટ પર સંપૂર્ણ ધ્યાન રાખવા માટે કહેવામાં આવ્યું છે.

દિલ્હી-NCRમાં કેવું રહેશે હવામાન ?

શનિવારે (3 ઓગસ્ટ) દિલ્હીમાં વાદળછાયું વાતાવરણ રહેશે. રાજધાનીના કેટલાક વિસ્તારોમાં ગાજવીજ સાથે વરસાદ પડી શકે છે. છેલ્લા કેટલાક દિવસોમાં પડેલા ભારે વરસાદથી દિલ્હીના હવામાનમાં ઘણો બદલાવ આવ્યો છે. આ અઠવાડિયે પણ કાળઝાળ ગરમીથી લોકોને રાહત મળી છે. દિલ્હીમાં મહત્તમ તાપમાન 34 ડિગ્રી અને લઘુત્તમ તાપમાન 26 ડિગ્રી છે. શનિવારે ગાઝિયાબાદ અને નોઈડામાં વરસાદની સંભાવના છે.