India China Border: ડેપચાંગ અને ડેમચોકમાં ભારતીય અને ચીનની સેનાઓ પાછળ હટી, ટૂંક સમયમાં શરૂ થશે પેટ્રોલિંગ

India China Border: ભારત અને ચીન વચ્ચેના તાજેતરના કરાર મુજબ બંને દેશોની સેનાઓ એલએસી પર પાછળ હટી ગઈ છે અને ટૂંક સમયમાં પેટ્રોલિંગ શરૂ થશે.

ભારત ચીન સરહદ (ફાઇલ ફોટો)

Source : Pixabay

India-China Relations:  ભારત અને ચીન વચ્ચે ડેપસાંગ અને ડેમચોકમાંથી સૈનિકો પાછા ખેંચવાની જાહેરાત કરવામાં આવી છે. આ બાબતથી વાકેફ લોકોએ જણાવ્યું કે ભારતીય સશસ્ત્ર દળો વેરિફિકેશન કરી રહ્યા છે. ભારતીય સેનાના સૂત્રોએ જણાવ્યું કે ટૂંક સમયમાં બંને તરફથી પેટ્રોલિંગ શરૂ કરવામાં આવશે. ગ્રાઉન્ડ કમાન્ડર વાતચીત ચાલુ રાખશે. આવતીકાલે ગુરુવારે (31 ઓક્ટોબર) બંને પક્ષો એકબીજાને દિવાળીની મીઠાઈઓ વહેંચશે.

 

India, China complete Disengagement in Depsang, Demchok

Read @ANI Story | https://t.co/wiWuRg1NDr#India #China #disengagement #Depsang #Demchok pic.twitter.com/xZ9PpljaaH

— ANI Digital (@ani_digital) October 30, 2024

ભારતીય અને ચીનના સૈનિકોએ પોતપોતાની જગ્યાઓ ખાલી કરવાની અને ઈન્ફ્રાસ્ટ્રક્ચરને હટાવવાની પુષ્ટિ કરી છે. વિદેશ સચિવ વિક્રમ મિસરીએ 21 ઓક્ટોબરના રોજ જાહેરાત કરી હતી કે ભારત અને ચીન પૂર્વી લદ્દાખ નજીક એલએસી સાથેના બાકીના ઘર્ષણ બિંદુઓથી છૂટા પાડવા માટે કરાર પર પહોંચ્યા છે. મહત્વપૂર્ણ સમજૂતી બાદ, બંને દેશોએ બીજા દિવસે ડેમચોક અને ડેપસાંગ મેદાનોમાંના બે સંઘર્ષવાળા બિંદુઓ પરથી સૈનિકો પાછા હટાવવાનું શરૂ કર્યું.

 

Disengagement between India and China in Depsang and Demchok completed. Coordinated patrolling to start soon by both sides. Ground commanders will continue to hold talks. Exchange of sweets on Diwali to happen tomorrow: Indian Army sources pic.twitter.com/RpzGUpKjyG

— ANI (@ANI) October 30, 2024

આ કરાર ડેપસાંગ અને ડેમચોક માટે કરવામાં આવ્યો હતો

ભારતીય સૈન્યના એક સૂત્રએ જણાવ્યું હતું કે, તાજા કરાર માત્ર ડેમચોક અને ડેપસાંગ માટે જ માન્ય રહેશે અને અન્ય સ્થળો માટે નહીં. આ કરાર અન્ય સંઘર્ષના વિસ્તારોમાં લાગુ થશે નહીં. બંને પક્ષોના સૈનિકો એપ્રિલ 2020 પહેલા પરિસ્થિતિમાં પાછા ફરશે અને તેઓ એપ્રિલ 2020 સુધી જ્યાં પેટ્રોલિંગ કરતા હતા તે વિસ્તારોમાં પેટ્રોલિંગ કરશે.

ગાલવાન ઘાટીમાં અથડામણ બાદ સંબંધો બગડ્યા હતા

એપ્રિલ 2020 માં, વાસ્તવિક નિયંત્રણ રેખા (વાસ્તવિક સરહદ) પર ચીની સૈનિકોની આક્રમકતાને કારણે ભારત અને ચીન વચ્ચેના સંબંધો બગડ્યા હતા. 15 જૂન, 2020 ના રોજ, પૂર્વી લદ્દાખની ગલવાન ખીણમાં ચીની આક્રમણને પછાડતી વખતે 20 ભારતીય સૈનિકો શહીદ થયા પછી સંબંધો વણસ્યા હતા. આ પછી, વડા પ્રધાન નરેન્દ્ર મોદીના બ્રિક્સ સંમેલનમાં રવાના થતાં પહેલાં બંને દેશો વચ્ચે આ કરારની જાહેરાત કરવામાં આવી હતી.

આ પણ વાંચો....