યુદ્ધના ભણકારા: ભારત કાલે કરશે પાકિસ્તાન બોર્ડર નજીક હવાઈ યુદ્ધાભ્યાસ, સરકારે NOTAM જારી કર્યું  

પહેલગામ આતંકવાદી હુમલા બાદ ભારત અને પાકિસ્તાન વચ્ચે તણાવ ઘણો વધી ગયો છે. યુદ્ધના ભય વચ્ચે, ભારતીય વાયુસેના ભારત-પાકિસ્તાન સરહદના દક્ષિણ ભાગમાં મોટા પાયે હવાઈ હુમલાઓનો અભ્યાસ કરશે.  

હવાઈ યુદ્ધાભ્યાસ

Source : X

નવી દિલ્હી: પહેલગામ આતંકવાદી હુમલા બાદ ભારત અને પાકિસ્તાન વચ્ચે તણાવ ઘણો વધી ગયો છે. યુદ્ધના ભય વચ્ચે, ભારતીય વાયુસેના ભારત-પાકિસ્તાન સરહદના દક્ષિણ ભાગમાં મોટા પાયે હવાઈ હુમલાઓનો અભ્યાસ કરશે.  બુધવારે અને ગુરુવારે હવાઈ એર અભ્યાસ યોજવાની જાહેરાત કરી છે.

બુધવારે રાત્રે 9:30 વાગ્યે શરૂ થશે

માહિતી અનુસાર, ભારતે ભારત-પાકિસ્તાન સરહદના દક્ષિણ ભાગમાં 7 અને 8 મેના રોજ યોજાનારી મોટા પાયે હવાઈ અભ્યાસ માટે  NOTAM એટલે કે નોટિસ ટૂ એર મિશન સિસ્ટમ જાહેર કર્યું છે. આ  યુદ્ધાભ્યાસ ભારતના નિયમિત કવાયતોનો એક ભાગ છે, જેમાં ભારતીય વાયુસેના (IAF) રાજસ્થાનમાં આંતરરાષ્ટ્રીય સરહદ પર યુદ્ધાભ્યાસ કરશે. NOTAM મુજબ, આ હવાઈ કાર્યવાહી 7 મેના રોજ રાત્રે 9:30 વાગ્યે શરૂ થશે અને 8 મેના રોજ સવારે 3:00 વાગ્યા સુધી ચાલુ રહેશે. અસરગ્રસ્ત વિસ્તારોમાં કોઈપણ વિમાન કે ડ્રોન ઉડાડવા પર પ્રતિબંધ રહેશે.

Indian Air Force to carry out exercise over desert sector and adjoining areas along the India-Pakistan border from tomorrow, 7th May in which all frontline aircraft including the Rafale, Mirage 2000 and Sukhoi-30s will participate: IAF officials pic.twitter.com/daiKPdOBWP

— ANI (@ANI) May 6, 2025

રાફેલ, સુખોઈ અને મિરાજ જેવા ઘણા ફાઇટર જેટ યુદ્ધાભ્યાસ કરશે

ભારતીય વાયુસેનાના એક અધિકારીએ જણાવ્યું હતું કે વાયુસેના 7 મેથી રાજસ્થાનમાં ભારત-પાકિસ્તાન સરહદે રણ પ્રદેશ અને નજીકના વિસ્તારોમાં યુદ્ધાભ્યાસ હાથ ધરશે જેમાં રાફેલ, મિરાજ 2000 અને સુખોઈ-30 સહિત તમામ ફ્રન્ટલાઈન ફાઇટર જેટનો સમાવેશ થશે. તાજેતરની સરહદ પારની ઘટનાઓને પગલે આ પ્રદેશમાં તણાવ વધી ગયો હોવાથી આ કવાયતનો સમય અને સ્થાન મહત્વપૂર્ણ છે. 

પાકિસ્તાન માટે ભારતીય હવાઈ ક્ષેત્ર બંધ

તાજેતરમાં, ભારતે વધતા તણાવ વચ્ચે તમામ પાકિસ્તાની વિમાનો માટે પોતાનું હવાઈ ક્ષેત્ર અસ્થાયી રૂપે બંધ કરી દીધું હતું. આ પ્રતિબંધ 23 મે, 2025 સુધી અમલમાં રહેશે. તેવી જ રીતે, પાકિસ્તાને ઇસ્લામાબાદ અને લાહોર પર કામચલાઉ નો-ફ્લાય ઝોન જાહેર કર્યો છે. તેને ભારત દ્વારા સંભવિત હવાઈ હુમલાનો ડર છે.

નિયંત્રણ રેખા પર તણાવ વધ્યો

જમ્મુ અને કાશ્મીરમાં નિયંત્રણ રેખા (LoC) પર પરિસ્થિતિ તણાવપૂર્ણ રહે છે, ભારતે પાકિસ્તાની સૈનિકો દ્વારા યુદ્ધવિરામ ઉલ્લંઘન સામે વળતો કાર્યવાહી શરૂ કરી છે. પાકિસ્તાન છેલ્લા ઘણા દિવસોથી નૌશેરા, સુંદરબની અને બારામુલ્લા જેવા વિસ્તારોમાં ગોળીબાર કરી રહ્યું છે.