યાત્રીગણ કૃપયા ધ્યાન દે!  આ તારીખથી વધી જશે પેસેન્જર ટ્રેનના ભાડા, AC-એક્સપ્રેસ ટ્રેનમાં મુસાફરી મોંઘી થશે

ભારતીય રેલવે 1 જુલાઈ, 2025 થી નવા ભાડા દર લાગુ કરવા જઈ રહી છે. આ ફેરફારથી સામાન્ય મુસાફરો તેમજ લાંબા અંતરની મુસાફરી કરનારાઓના ખિસ્સા ઢીલા થશે.

પ્રતિકાત્મક તસવીર

Source : તસવીર સોશિયલ મીડિયા

રેલવે મુસાફરો માટે એક મહત્વપૂર્ણ સમાચાર આવ્યા છે. ભારતીય રેલવે 1 જુલાઈ, 2025 થી નવા ભાડા દર લાગુ કરવા જઈ રહી છે. આ ફેરફારથી સામાન્ય મુસાફરો તેમજ લાંબા અંતરની મુસાફરી કરનારાઓના ખિસ્સા ઢીલા થશે. જોકે, રાહતની વાત એ છે કે કેટલીક શ્રેણીઓમાં કોઈ વધારો કરવામાં આવ્યો નથી.

રેલવેના નવા ટેરિફ મુજબ, જનરલ સેકન્ડ ક્લાસમાં 500 કિમી સુધીની મુસાફરી માટે કોઈ વધારો કરવામાં આવશે નહીં. પરંતુ જો મુસાફરી 500 કિમીથી વધુ હોય તો પ્રતિ કિલોમીટર અડધા પૈસા વધારાનો ચૂકવવો પડશે.

આ ઉપરાંત, મેઇલ/એક્સપ્રેસ ટ્રેનો (નોન-એસી) માં મુસાફરી કરનારાઓએ હવે પ્રતિ કિલોમીટર 1 પૈસા વધુ ચૂકવવો પડશે. તેવી જ રીતે, એસી ક્લાસ ટિકિટમાં સૌથી વધુ ફેરફાર કરવામાં આવ્યો છે. પ્રતિ કિલોમીટર 2 પૈસાનો વધારો કરવામાં આવ્યો છે. શહેરી ટ્રેનોના ભાડામાં કોઈ ફેરફાર કરવામાં આવ્યો નથી, જેનાથી લાખો દૈનિક મુસાફરોને રાહત મળશે.

માસિક સીઝન ટિકિટના દરમાં પણ કોઈ વધારો કરવામાં આવ્યો નથી. અહેવાલો અનુસાર, અગાઉ રેલવેએ ટિકિટ બુકિંગના નિયમોમાં ફેરફાર કરવાનો નિર્ણય લીધો હતો. અત્યાર સુધી જો તમે ટ્રેન ટિકિટ બુક કરાવો છો, તો તમને તમારી મુસાફરીના ચાર કલાક પહેલા જ ખબર પડે છે કે ટિકિટ કન્ફર્મ છે કે નહીં. પરંતુ હવે રેલ્વે એક નવી સિસ્ટમ પર કામ કરી રહી છે. રેલવે કહે છે કે કન્ફર્મ સીટો સાથેનો ચાર્ટ મુસાફરીના 24 કલાક પહેલા બહાર પાડવામાં આવશે.

રેલવેએ ટિકિટ બુકિંગની નવી સિસ્ટમ માટે તૈયારીઓ શરૂ કરી દીધી છે. આ માટે ટ્રાયલ પણ શરૂ થઈ ગઈ છે. 6 જૂનથી, રાજસ્થાનના બિકાનેર ડિવિઝનમાં આ સિસ્ટમ પાયલોટ તરીકે શરૂ કરવામાં આવી છે. તે હાલમાં એક ટ્રેન સુધી મર્યાદિત છે અને એવું કહેવામાં આવી રહ્યું છે કે અત્યાર સુધી તેમાં કોઈ પણ પ્રકારની સમસ્યા આવી નથી. રેલવે અધિકારીઓ કહે છે કે થોડા અઠવાડિયા માટે તેનો પ્રયાસ કરવામાં આવશે.

કઈ ટ્રેનોમાં ભાડું વધશે ?

એસી ક્લાસ: એસી ટિકિટમાં સૌથી વધુ વધારો થયો છે. હવે તમારે પ્રતિ કિલોમીટર 2 પૈસા વધુ ચૂકવવા પડશે.

જનરલ સેકન્ડ ક્લાસ: જો તમે 500 કિમી સુધી મુસાફરી કરી રહ્યા છો, તો ભાડામાં કોઈ વધારો થશે નહીં. પરંતુ, જો તમારી મુસાફરી 500 કિમીથી વધુ છે, તો તમારે પ્રતિ કિલોમીટર અડધા પૈસા વધુ ચૂકવવા પડશે.

મેલ/એક્સપ્રેસ ટ્રેનો (નોન-એસી): જો તમે આ ટ્રેનોમાં મુસાફરી કરો છો, તો તમારે હવે પ્રતિ કિલોમીટર 1 પૈસા વધુ ચૂકવવા પડશે.