Kerala: કેરળમાં વંદે ભારત ટ્રેન પર પથ્થરમારો, તાજેતરમાં જ વડાપ્રધાન મોદીએ બતાવી હતી લીલી ઝંડી

જોકે આ પથ્થરમારાના કારણે કોઈ જાનહાનિના સમાચાર નથી.

ફાઇલ તસવીર

Stone Pelting On Vande Bharat In Kerala: તાજેતરમાં જ વડાપ્રધાન મોદીએ કેરળમાં જે વંદે ભારત ટ્રેનને લીલી ઝંડી બતાવી હતી તેના પર પથ્થરમારો કરવામાં આવ્યો હતો. તિરુનવાયા અને તિરુર વચ્ચે તેના પર પથ્થરમારો કરવામાં આવ્યો હતો. પથ્થરમારાના કારણે કોચના કાચ તૂટી ગયા હતા.

Kerala | Stones were pelted at Vande Bharat Express train between Tirunavaya and Tirur this evening. No one was injured. The windshield of one coach was damaged. Police have registered a case. We have decided to strengthen train security: Southern Railway pic.twitter.com/zVG9SGj9Q0

— ANI (@ANI) May 1, 2023

આ પથ્થરમારાના કારણે કોચના કાચ તૂટી ગયા હતા, જોકે આ પથ્થરમારાના કારણે કોઈ જાનહાનિના સમાચાર નથી. રેલવે પોલીસે આ મામલે FIR નોંધી છે.

દક્ષિણ રેલવેએ કહ્યું કે આ ઘટનાને ધ્યાનમાં રાખીને અમે ટ્રેનની સુરક્ષાને વધુ મજબૂત કરવાનો નિર્ણય લીધો છે. ઉલ્લેખનીય છે કે વડાપ્રધાન નરેન્દ્ર મોદીએ 25 એપ્રિલે કેરળની પ્રથમ વંદે ભારત ટ્રેનને લીલી ઝંડી બતાવી હતી. આ ટ્રેન કેરળની રાજધાની તિરુવનંતપુરમથી કાસરગોડ વચ્ચે દોડાવવામાં આવી રહી છે.

આ દેશની 16મી વંદે ભારત એક્સપ્રેસ છે. દેશની પ્રથમ સેમી-હાઈ સ્પીડ ટ્રેન વંદે ભારત એક્સપ્રેસની મહત્તમ ઝડપ 160 કિમી પ્રતિ કલાક છે. આ ટ્રેન સંપૂર્ણપણે ભારતમાં ડિઝાઇન અને ઉત્પાદિત કરવામાં આવી છે, જેમાં 80 ટકા ઉત્પાદનો સ્વદેશી છે. આ ટ્રેન અત્યાધુનિક સુવિધાઓથી સજ્જ છે. તેમાં જીપીએસ આધારિત માહિતી સિસ્ટમ, સીસીટીવી કેમેરા, વેક્યૂમ આધારિત બાયો ટોયલેટ, ઓટોમેટિક સ્લાઈડિંગ ડોર અને દરેક કોચમાં ચાર ઈમરજન્સી પુશ બટનનો સમાવેશ થાય છે