RG Kar Rape And Murder: કોલકતા ડોક્ટર હત્યા કેસમાં દોષીને આજે મળશે સજા, ફાંસી કે આજીવન કેદ
RG Kar Rape And Murder: આરજી કાર મેડિકલ કોલેજ અને હોસ્પિટલની તાલીમાર્થી મહિલા ડોક્ટર સાથે દુષ્કર્મ અને હત્યાના કેસમાં આજે કોર્ટ સંજય રોયને સજા સંભળાવશે
RG Kar Rape And Murder: સોમવારે (20 જાન્યુઆરી), કોલકાતાની વિશેષ અદાલત સરકારી આરજી કાર મેડિકલ કોલેજ અને હોસ્પિટલની તાલીમાર્થી મહિલા ડૉક્ટર સાથે બળાત્કાર અને હત્યાના કેસમાં દોષિત નાગરિક સ્વયંસેવક સંજય રોયને સજા સંભળાવશે. ઑગસ્ટ 2024માં કોલકાતાની હૉસ્પિટલ પરિસરમાં તાલીમાર્થી મહિલા ડૉક્ટરનો મૃતદેહ મળી આવ્યો હતો.
સ્પેશિયલ કોર્ટના જજ અનિર્બાન દાસે 18 જાન્યુઆરીએ રોયને દોષિત ઠેરવ્યા હતા. મીડિયા રિપોર્ટ્સ અનુસાર, સ્પેશિયલ કોર્ટની કાર્યવાહી સોમવારે બપોરે લગભગ 12 વાગ્યે શરૂ થશે. શરૂઆતમાં જજ રોય અને પીડિતાના માતા-પિતાને કેસ અંગે તેમના અંતિમ નિવેદનો આપવાની મંજૂરી આપશે. આ પછી સ્પેશિયલ કોર્ટના જજ આ કેસમાં સજા સંભળાવશે.
મૃત્યુદંડ મળી શકે છે
આ કેસમાં મહત્તમ સજા મૃત્યુદંડ હોઈ શકે છે, જ્યારે લઘુત્તમ સજા આજીવન કેદ હોઈ શકે છે. જોકે, દુષ્કર્મ અને હત્યાના કેસમાં રોય સામે સજાની પ્રક્રિયા સોમવારે પૂર્ણ થશે. પરંતુ કેસમાં પુરાવાના ' છેડછાડ' અંગે સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા તપાસ હજુ પણ ચાલુ રહેશે.
સૂત્રોએ જણાવ્યું હતું કે સીબીઆઈએ વિશેષ અદાલતને પહેલેથી જ જાણ કરી દીધી છે કે પુરાવા સાથે ચેડાં કરવાના કેસમાં પૂરક ચાર્જશીટ દાખલ કરવાનો અવકાશ હજુ પણ ખુલ્લો છે અને આ ખાસ પાસા પર કેસ પેન્ડિંગ છે.
9 ઓગસ્ટે સેમિનાર હોલમાંથી લાશ મળી આવી હતી.
ગયા વર્ષે 9 ઓગસ્ટના રોજ સવારે આરજી કાર મેડિકલ કોલેજ અને હોસ્પિટલના પરિસરના સેમિનાર હોલમાંથી એક તાલીમાર્થી મહિલા ડૉક્ટરનો મૃતદેહ મળી આવ્યો હતો. આ કેસની પ્રારંભિક તપાસ કોલકાતા પોલીસની વિશેષ તપાસ ટીમ દ્વારા હાથ ધરવામાં આવી હતી, જેણે રોયની ધરપકડ કરી હતી. જો કે, સીબીઆઈએ ગુનાની તારીખના પાંચ દિવસ પછી તપાસ શરૂ કરી હતી અને ત્યારબાદ શહેર પોલીસ દ્વારા રોયને કેન્દ્રીય એજન્સીના અધિકારીઓને સોંપવામાં આવ્યો હતો.
આ કેસમાં સુનાવણીની પ્રક્રિયા ગયા વર્ષે 11 નવેમ્બરે શરૂ થઈ હતી. કેસમાં ટ્રાયલ શરૂ થયાના 59 દિવસ બાદ ચુકાદો સંભળાવવામાં આવશે. ગુનાની તારીખથી 162 દિવસ પછી દોષિત ઠેરવવાની પ્રક્રિયા પૂર્ણ કરવામાં આવી હતી. હવે ગુનાની તારીખથી બરાબર 164 દિવસ પછી સોમવારે સજા સંભળાવવામાં આવશે.
ટ્રેન્ડિંગ સમાચાર
ટોપ સ્ટોરી
